ប្រទេសបែលលហ្ស៊ិក៖ មន្រ្តីប៉ូលីសបែលហ្ស៊ិកបានប្រាប់អោយដឹងថា មនុស្សយ៉ាងហោចណាស់ ១០នាក់បានស្លាប់់បន្ទាប់ពីយន្តហោះដឹកអ្នកដំណើរធន់តូចមួយគ្រឿងបានធ្លាក់នៅក្បែរទីក្រុង Namur
ភាគអាគ្នេយ៍នៃប្រទេសបែលហ្ស៊ិក។ មន្រ្តីប៉ូលីសដដែលបានបន្តទៀតថា យន្តហោះនោះបានចេញ
ដំណើរពីព្រលានយន្តហោះ Temploux aerodrome ហើយ ១០នាទីក្រោយមកយន្តហោះនោះក៏បានធ្លាក់
នៅ ក្បែរភូមិ Marchovelette ចំងាយ១០គីឡូម៉ែតពីទីក្រុង Namur។ ភ្នាក់ងារសារព័ត៌មាន AFPបានបន្ថែម
ទៀតថា អ្នកដែលស្លាប់ក្នុងហេតុការណ៍នោះគឺជាអ្នកលោតឆ័ត្រយោងទាំងអស់។​

ប្រព័ន្ធផ្សព្វផ្សាយរបស់ប្រទេសបែលហ្ស៊ិកបានរាយការណ៍ថា ស្លាបយន្តហោះត្រូវបានខូចខាតទាំង
ស្រុង។ ចៅហ្វាយខេត្តម្នាក់ដែលរស់នៅក្បែរទីក្រុង Fernelmont បានប្រាប់ភ្នាក់ងារសារព័ត៌មាន AFPថា អ្នកដំណើរ ទាំងអស់នោះគឺគ្មានពេលគ្រប់គ្រាន់ដើម្បីលោតចេញពីយន្តហោះនោះ។ សាក្សីម្នាក់បាន
ប្រាប់ទូរទស្សន៍បែលហ្ស៊ិកថា ស្លាបខាងស្តាំនៃយន្តហោះគឺបានខូចទើបបណ្តាលអោយយន្តហោះ
នោះ ធ្លាក់ទៅ។ សាក្សីដដែលបានបន្តទៀតថា គ្មាននរណាម្នាក់បានលោតចេញជាមួយនឹងឆ័ត្រយោង
ឡើយ ។ ដោយ៖ តុលា