ភ្នំពេញ៖ ដោយមើលឃើញថា គ្រោះចរាចរណ៍ជើងគោកនៅប្រទេសកម្ពុជាមានការប្រឈមមុខ ខ្ពស់ជាង បណ្តាប្រទេសដ៏ទៃ ទៀតនៅក្នុងតំបន់អាស៊ី រីឯការបើកបរដោយខ្វះភាពប្រុងប្រយ័ត្ន ទើបអាជ្ញាធរសុវត្ថិភាពចរាចរណ៍ដឹកជញ្ជូនកូរ៉េ បានរៀបចំ សិក្ខាសាលាសិក្សាស្វែងយល់ និងចូលររួមចែករំលែកបទពិសោធន៍ល្អៗ ដើម្បីបញ្ជ្រាសគ្រោះថ្នាក់ចរាចរដល់នៅកម្ពុជារយៈ ពេលពីរថ្ងៃ។
ថ្លែងក្នុងសិក្ខាសាលារួមគ្នារបស់គណកម្មាធិការសេដ្ឋកិច្ចសង្គមប្រចាំតំបន់អាស៊ី និងប៉ាស៊ីភិចរបស់ អង្គការសហប្រជាជាតិ (UN ESCAP) ស្តីពីការសិក្សានូវពិសោធន៍ល្អៗដែលបានអនុវត្ត នៅសណ្ឋាគារ Sunway កាលពីព្រឹកថ្ងៃទី ២៥ តុលា នេះ លោក Byongho Choe តំណាងអាជ្ញាធរសុវត្ថិភាពចរាចរណ៍ដឹកជញ្ជូនកូរ៉េថ្លែងឱ្យដឹងថា អត្រាគ្រោះថ្នាក់ចរាចរណ៍នៅ ប្រទេសកម្ពុជា វាហាក់មិនបានធូរស្រាលសោះឡើយ ថ្វីដ្បិតតែប្រជាពលរដ្ឋភាគច្រើនគាត់បានដឹង គាត់បានឮ និងបានឃើញ គ្រោះថ្នាក់ជាហូរហែយ៉ាងណាក៍ដោយ ក៏ជួបបញ្ហានេះជារៀងរាល់ថ្ងៃ។
លោក Byongho Choe បានផ្តាំផ្ញើដល់យុវជនក៏ដូចជាប្រជាជនទាំងអស់ថា «លោកស្នើឲ្យប្រជាពលរដ្ឋទាំងអស់ចូលរួមគោរព ច្បាប់ ចរាចរណ៍ ដើម្បីកាត់បន្ថយអត្រាគ្រោះថ្នាក់ចរាចរណ៍ និងកុំឲ្យមានការកកស្ទះដោយត្រូវមានសីលធម៌ខ្ពស់ និងការអធ្យា ស្រ័យគ្នាទៅវិញទៅមកក្នុងពេលបើកបរ»។ ព្រោះការយល់ដឹងព្រមទាំងឥរិយាបថ របស់ប្រជាពលរដ្ឋ ពាក់ព័ន្ធនឹងការពាក់មួក សុវត្ថិភាព នៅមានកម្រិតគួរឲ្យព្រួយបារម្ភ។ លោកក៏បានជំរុញឱ្យកម្ពុជាពនឿនសេចក្តីព្រាងច្បាប់ចរាចរណ៍ផ្លូវគោកថ្មីឱ្យឆាប់ រហ័សតាមលទ្ធផលអាចធ្វើបាន ដើម្បីបង្ហាញនូវយុទ្ធសាស្រ្តយន្តការទប់ស្កាត់ និងកាត់បន្ថយគ្រោះថ្នាក់ចរាចរណ៍ឱ្យកាន់ល្អ ប្រសើរ។
លោក ពៅ ម៉ាលី អគ្គនាយករងដឹកជញ្ចូន និងជាអគ្គលេខាធិការនៃគណកម្មាធិការសុវត្ថិភាពចរាចរណ៍ផ្លូវគោកបានឱ្យដឹងថា គ្រោះថ្នាក់ចរាចរណ៍ គឺជា សោកនដកម្មដែលជាក្តីកង្វល់របស់រដ្ឋាភិបាល និងពិភពលោកទាំងមូល ដែលកំពុងតែត្រូវបានផ្តោត ការយកចិត្តទុកដាក់ខិតខំដោះស្រាយយ៉ាងសកម្ម ដោយសារគ្រោះថ្នាក់នេះបានបន្សល់នៅបញ្ហាជាច្រើនក្នុងសង្គមជាតិ
ដូចជា៖ ជនពិការ ស្រ្តីមេម៉ាយ ទុរគតភាព និងបញ្ហាជាច្រើនទៀតក្នុងសង្គមនាំឱ្យប៉ះពាល់ដល់ជីវភាពរស់នៅ និងបង្កទុក្ខលំ បាកដល់គ្រួសារជនរងគ្រោះ ព្រមទាំងបានជះឥទ្ធិពលមិនល្អ ដល់ការអនុវត្តន៍គោលនយោបាយកាត់បន្ថយភាពក្រីក្ររបស់រាជ រដ្ឋាភិបាល និងគោលដៅទសវត្សរ៍របស់អង្គសហប្រជាជាតិ។លោកបានសង្ឃឹមថា ឆ្លងតាមការផ្លាស់ប្តូរចែករំលែកបទពិ សោធន៍ពីអាជ្ញាធរសុវត្ថិភាពចរាចរណ៍ដឹកជញ្ជូនកូរ៉េរយពេលពីរថ្ងៃនេះ កម្ពុជានឹងទទួលបាននូវបទពិសោធន៍ ចំណេះដឹងល្អ ៗបន្ថែមទៀតលើការរៀបចំគោលនយោបាយផែនការសកម្មភាពសុវត្ថិភាពចរាចរណ៍ផ្លូវគោក ដើម្បីសម្រេចឱ្យបាននូវផែនការ សកម្មភាពជាតិទសវត្សរ៍សុវត្ថិភាពចរាចរណ៍ផ្លូវគោកឆ្នាំ២០១១ ដល់២០២០ខាងមុខនេះ។
លោកបានបញ្ជាក់ថា នាពេលបច្ចុប្បន្ន គ្រោះថ្នាក់ចរាចរណ៍កំពុងធ្វើឲ្យប៉ះពាល់យ៉ាងខ្លាំង ចំពោះយុវជននៅក្នុងប្រទេសកម្ពុជា ដោយចំនួនជាងពាក់កណ្តាលនៃអ្នកស្លាប់នៅលើដងផ្លូវកាលពីឆ្នាំ ២០១២ មានអាយុចន្លោះពី១៥-២៩ឆ្នាំ។ មនុស្សប្រមាណ ៦៨ភាគរយនៃអ្នកស្លាប់ដោយគ្រោះថ្នាក់ចរាចរណ៍តាមផ្លូវគឺអ្នកធ្វើដំណើរតាមទោចក្រយានយន្ត និង២ ភាគ៣ក្នុងចំណោម នោះបានទទួលរងរបួសក្បាល។
សូមរំឭកដែរថា បើយោងតាមរបាយការណ៍របស់នាយកដ្ឋានកណ្តាលសណ្តាប់ធ្នាប់សាធារណៈនៃអគ្គស្នងការនគរបាលជាតិ បានឲ្យដឹងថា តួលេខគ្រោះថ្នាក់ចរាចរណ៍របស់ ក្រសួងមហាផ្ទៃ ក្នុងរយៈពេល៩ខែ ដើមឆ្នាំ២០១៣ បើធៀបនឹងរយៈពេលដូច គ្នាក្នុងឆ្នាំ២០១២ មានការថយចុះ៣ ភាគរយ រីឯអ្នកស្លាប់មានស្នើគ្នាគឺ ១៥១៩នាក់។ ប៉ុន្តែដោយឡែក អ្នករងរបួសបានថយ ចុះ ៥ភាគរយ ក្នុងនោះ អ្នករងគ្រោះដោយមិនពាក់មួកសុវត្ថិភាពមានចំនួន ៣៥ភាគរយ៕ ដោយ៖សេរីមករា