ប្រទេសអូស្រ្តាលី៖ នៅក្នុងរដ្ឋ New south Wales ប្រទេសអូស្រ្តាលីផ្ទះអ្នកស្រុករាប់រយខ្នងត្រូវបានភ្លើង
ឆាបឆេះយ៉ាងសន្ធោរសន្ធៅ។ បុរសម្នាក់អាយុ  ៦៣ឆ្នាំបានស្លាប់ខណះពេលគាត់ព្យាយាមពន្លត់ផ្ទះ
របស់គាត់។ អ្នកផ្តល់ព័ត៌មានម្នាក់បានអោយដឹងថាបញ្ហាអគ្គីភ័យគឺតែងតែកើតឡើងជារឿយៗក្នុង
ប្រទេសនេះក៏ប៉ុន្តែអគ្គីភ័យចុងក្រោយនេះគឺសាហាវជាងអគ្គីភ័យមុនៗទៅទៀត។

លោក Rob Rogers អនុប្រធានស្នងការគ្រប់គ្រងអគ្គីភ័យនៅជនបទ NSWបាននិយាយថា អគ្គីភ័យ បែបនេះគឺជាហេតុការណ៍អាក្រក់បំផុតដែលគាត់មិនធ្លាប់ឃើញជាងមួយទស្សវត្សន៍ទៅហើយ។ អ្នកស្រុករាប់រយនាក់បានចាកចេញពីទីលំនៅរបស់ពួកគេកាលពីយប់ថ្ងៃព្រហស្បត៍ម្សិលមិញ។

 
លោក Jon Donnison ភ្នាក់ងារសារព័ត៌មានរបស់BBC ប្រចាំទីក្រុងស៊ីតនីបាននិយាយថា អ្នកពន្លត់អគ្គីភ័យ
ជាង ២០០០នាក់បាននាំគ្នាពន្លត់ផ្ទះដែលកំពុងតែឆាបឆេះនោះក៏ប៉ុន្តែផ្ទះភាគច្រើនគឺនៅតែបន្តឆាបឆេះ ដដែល។ អ្នកផ្តល់ព័ត៌មានបានបន្តទៀតថា មូលហេតុដែលបង្កអោយមានអគ្គីភ័យនេះកើតឡើងគឺ
បណ្តាលមកពីអាកាសធាតុក្តៅនិងមានខ្យល់បោកបក់ខ្លាំងទៀតផង។ ដោយ៖ តុលា