ភ្នំពេញ៖ លោក ញឹក ប៊ុនឆៃ អគ្គលេខាធិការគណបក្សហ៊្វុនស៊ិនប៉ិច ដែលទើបតែត្រូវបានព្រះមហាក្សត្រតែងតាំងជាទីប្រឹក្សារាជរដ្ឋាភិបាល មានឋានៈស្មើឧបនាយករដ្ឋមន្រ្តី បានធ្វើការបដិសេធន៍ទៅនិងព័ត៌មានដែលលេចលឺថា លោកបានទៅជួបចរចាជាមួយមេបក្សសង្រ្កោះជាតិ នៅក្នុងប្រទេសថៃ កាលពីពេលថ្មីកន្លងទៅនោះ។លោក ញឹក ប៊ុនឆៃ បានប្រាប់ក្រុមអ្នកសារព័ត៌មាន ក្រោយជំនួបទ្វេភាគីជាមួយគណប្រតិភូ ក្រុមហ៊ុនស្ថាបនាផ្លូវដែក China Railway Construction Corporation Limited នៃសាធារណរដ្ឋប្រជាមានិតចិននៅទីស្តីការគណរដ្ឋមន្រ្តីថា លោកពុំមានជួបចរចាអ្វីជាមួយមេបក្សប្រឆាំង លោក សម រង្សី ឬក៏មន្រ្តីណាមួយរបស់គណបក្សសង្រ្គោះជាតិនោះឡើយ ។
(1).jpg)
បើទោះជាមាន ការរួមដំណើរជាមួយក្នុងជើងយន្តហោះទៅកាន់ប្រទេសថៃដើម្បីពិនិត្យសុខភាព កាលពីពេលថ្មីនេះក៏ដោយ។លោកបញ្ជាក់ថា កាលពីថ្ងៃទី៧ខែតុលាកន្លងទៅថ្មីៗនេះ លោកបានចេញទៅប្រទេសថៃ ដើម្បីពិនិត្យសុខភាព តាមទម្លាប់ដូចរៀងរាល់ឆ្នាំ ចែដន្យជើងយន្តហោះដែលលោកធ្វើដំណើរនាពេលយប់នោះ ក៏ចំពេលដែល លោកសម រង្សី មេបក្សសង្រ្គោះជាតិធ្វើដំណើរទៅក្រៅប្រទេសតាមជើងយន្តហោះនោះដូចគ្នាដែរ។ លោកបន្តថា ថ្វីបើជិះក្នុងយន្តហោះតែមួយក៏ពិត មែន តែមិនបាននិយាយជាមួយគ្នា ឬ ក៏អង្គុយនៅក្បែគ្នានោះទេ គឺ កៅអីរបស់លោកអង្គុយនៅខាងក្រោយ ចំណែក លោក សម រង្សី និងបក្សពួកគាត់អង្គុយនៅកៅអីខាងមុខឯណោះ។
លោក ញឹក ប៊ុនឆៃ បន្តទៀតថា តាមពិតទៅលោកត្រូវចេញទៅពិនិត្យសុខភាពនៅប្រទេសថៃ នៅថ្ងៃទី៥ឬទី៦ ប៉ុន្តែរកទិញសំបុត្រយន្តហោះមិនបាន ហើយទិញសំបុត្របាននៅថ្ងៃទី៧ពេល យប់ ហើយទៅបានតែម្នាក់ឯងថែមទៀតផង លោកមិនបានដឹងទេថា ត្រូវជិះជើងយន្តហោះជាមួយនឹងពួកគាត់នោះ។ នៅពេលយន្តហោះទៅដល់ប្រទេសថៃទៀតសោត លោកឃើញខាងភាគីថៃគេយករថយន្តមកទទួលក្រុមលោក សម រង្សី ចេញទៅបាត់ ចំណែករូបលោកត្រូវជិះរថយន្តធម្មតាចូលទៅក្នុងប្រទេសថៃ ដើម្បីពិនិត្យសុខភាព៕ដោយ៖ ស.ស្អាត