សម្តេចអគ្គមហាសេនាបតីតេជោ ហ៊ុន សែនបានអំពាវនាវឲ្យអាចារ្យ អាចារិនីលោកតានិងលោកយាយ
នៅទូទំាងប្រទេសអញ្ជើញទៅបោះឆ្នោតជ្រើសតំាងតំណាងរាស្រ្តនីតិកាលទី៥ ដែលនឹងប្រព្រឹត្តទៅនៅថ្ងៃ
ទី២៨ កក្កដា ២០១៣ខាងមុខឲ្យបានគ្រប់ៗគ្នា។
ការអំពាវនាវរបស់សម្តេចនាយករដ្ឋមន្រ្តីហ៊ុន សែន បានធ្វើឡើងនៅព្រឹកថ្ងៃទី២៨ ឧសភា២០១៣នេះក្នុងឱ
កាសដែលសម្តេចបានអញ្ជើញជាអធិបតីក្នុងពិធីសំណេះសំណាលជាមួយអាចារ្យ អាចារិនី ចំនួន៣៧៧៧
នាក់ដែលបានបញ្ចប់វគ្គបណ្តុះបណ្តាលស្តីពីតួនាទី ភារកិច្ចនិងក្រមសីលធម៌អាចារ្យជំនាន់ទី១០ ដល់ទី១៥
នៅមជ្ឈមណ្ឌលកោះពេជ្រក្នុងរាជធានីភ្នំពេញ ។
សម្តេចនាយក រដ្ឋមន្ត្រី ហ៊ុន សែន បានថ្លែងអំពាវនាវដូច្នេះ នៅក្នុងពិធីសំណេះសំណាលជាមួយអាចារ្យ អា
ចារិនី ដែលបានបញ្ចប់វគ្គបណ្តុះបណ្តាល ស្តីពី តួនាទីភារកិច្ច និងក្រមសីលធម៌អាចារ្យខ្មែរ ជំនាន់ទី១០ និង
ទី១៦ កាលពីព្រឹកថ្ងៃទី២៨ ខែឧសភា ឆ្នាំ២០១៣ នៅសាលមហោស្រពកោះពេជ្រ ក្នុងរាជធានីភ្នំពេញ ។
សម្តេចនាយករដ្ឋមន្ត្រី ក៏បានអំពាវនាវដល់អាជ្ញាធរគ្រប់ជាន់ថ្នាក់ និងអាជ្ញាធរពាក់ព័ន្ធឲ្យពង្រឹងសន្តិសុខ
ដើម្បីធានាឲ្យបាននូវបរិយាកាសនៃការបោះឆ្នោតមួយ សេរី និងយុត្តិធម៌ ហើយដែលមានការចូលរួមពីប្រ
ជាពលរដ្ឋច្រើន។ សម្តេចនាយករដ្ឋមន្ត្រី បានស្នើសុំឲ្យប្រជាពលរដ្ឋទៅបោះឆ្នោតទាំងអស់គ្នា ហើយរក្សា
នូវសាមគ្គីភាព និងការឯកភាពជាតិខ្ពស់។
ដោយឡែក ពាក់ព័ន្ធនឹងបញ្ហាអាចា្ចរ្យវិញ សម្តេច ហ៊ុន សែន បានស្នើឲ្យអាចារ្យ ដែលបានរៀនសូត្រក្នុងវគ្គ
បណ្តុះបណ្តាលអាចារ្យកន្លងមកនេះ សូមកុំឲ្យចាត់ទុកថា ក្បួនខ្នាត ដែលបានរៀនកន្លងមក ជាក្បួនច្បាប់
ដាច់ខាតសម្រាប់រៀបចំពិធីព្រោះថា បើសិនជាប្រកាន់ដូច្នោះពេកនាំឲ្យការធ្វើពិធីផ្សេងៗ ខុសពីទំនៀម
ទម្លាប់។
សម្តេច ហ៊ុន សែន បានបញ្ជាក់ថា ការបណ្តុះបណ្តាលនោះ ជាក្បួនខ្នាត តែយើងមិនអាចចាប់បង្ខំ ឲ្យធ្វើដូច
ក្បួនខ្នាតទាំងស្រុងនោះទេ គឺត្រូវផ្អែកទៅតាមតំបន់ និងជនជាតិ ព្រោះនៅតំបន់ខ្លះ ពិធីការ និងបុណ្យសព
គេធ្វើខុសគ្នា។ ដូច្នេះការអនុវត្ត ត្រូវតែមានភាពទន់ភ្លន់ ហើយនិងមានតាអាចារ្យ មាតាបិតា និងកូនកម្លោះ
ក្រមុំ ត្រូវមានការឯកភាពគ្នា ដោយមិនត្រូវចាំបង្ខំឲ្យអនុវត្តតាមក្បួនខ្នាត របស់ក្រសួងធម្មការនិងសាសនា
ដែលបានដាក់ចេញនៅពេលនេះទេ។ សម្តេច ហ៊ុន សែន ក៏បានដាក់ចេញនូវអនុសាសន៍ជាច្រើន រហូត
ដល់ ១៩ ចំណុច ដល់អាចារ្យ និងអាចារិនី ។
ជាមួយគ្នានោះដែរ សម្តេចតេជោ សែន បានមានប្រសាសន៍បញ្ជាក់ថា សមាគមនអាចារ្យ ដែលបាន
បង្កើតឡើងនេះ មិនមានន័យថា ទាល់តែចូល ជាសមាជិក ទើបអាចចេញធ្វើសកម្មភាពនោះទេ វាមិន
មែនដូចគណៈមេធាវី ឫគ្រូពេទ្យ ពោលពុំមានការចាប់បង្ខំ ចូលជាសមាជិកឡើយ។ សមាគម អាចារ្យ ជាកន្លែងប្រមូលផ្តុំនូវគំនិត និងការដោះស្រាយ ដូចបញ្ហាខ្លះកើតឡើងខុសគ្នានៅតាមតំបន់ ជាក់ស្តែង ។
សម្តេតេជោបានបន្តថា ពេលមានពិធីរៀបការម្តងៗ ជាទម្លាប់ប្រមាណ៩៩ភាគរយមុនពេលសំពះផ្ទឹម គឺ
ដាក់កូនកម្លោះនៅខាងស្តាំដៃ ដូច្នេះសម្តេចផ្តល់អនុសាសន៍ និងស្នើឲ្យមានភាពទន់ភ្លន់មួយ ហើយបើ
ដាក់កូនកម្លោះ នៅខាងស្តាំដៃមុនពេលផ្ទឹម អាចារ្យត្រូវសួរនាំ ឪពុកម្តាយ ម្ចាស់ដើមការ នោះអាចារ្យ នឹងរួចខ្លួន។ ដូចគ្នានេះដែរប្រមាណ៩៩ភាគរយ ដែលកូនក្រមុំចេញទទួលផ្កាស្លា គឺអាចារ្យត្រូវសួរនាំឪ
ពុកម្តាយម្ចាស់ដើមការ បើឪពុកម្តាយឲ្យធ្វើយ៉ាងណាត្រូវធ្វើយ៉ាងនោះទៅ។ តែបើឪពុកម្តាយថា ស្រេច
តែអាចារ្យនោះបានដៃអាចារ្យហើយ។ សម្តេចបានបន្តថា ទំនៀបទម្លាប់លាងជើងកូនកម្លោះ គឺដើម្បី
លាងជម្រះនូវគ្រោះឧបទ្រព្យ ចង្រៃនានា ដូច្នេះអាចឲ្យប្អូនកូនក្រមុំលាងជើងឲ្យកូនកម្លោះ ក៏បានដែរ។
សូមបញ្ជាក់ថា គិតមកដល់ឆ្នាំ២០១៣នេះ ក្រសួងធម្មការ និងសាសនា បានរៀបចំពិធីបើកវគ្គបណ្តុះ
បណ្តាល ស្តីពី តួនាទី ភារកិច្ច និងក្រមសីលធម៌អាចារ្យខ្មែរបានចំនួន ១៦ វគ្គ ដែលមានសិក្ខាកាមជា
អាចារ្យ អាចារិនី មកពីគ្រប់ខេត្ត រាជធានី សរុបចំនួន ៧.០៣២ អង្គ/នាក់៕ដោយ៖ សំអាត