ភ្នំពេញៈ ប្រធានគណបក្សសង្រ្គោះជាតិ លោក សម រង្ស៊ីបានចាកចេញពីកម្ពុជាទៅកាន់សហគមន៏អឺរ៉ុប និងសហរដ្ឋអាមេរិកនៅម៉ោង៨និង៣០នាទីយប់ថ្ងៃទី០៧ តុលា ២០១៣ដើម្បីរកការគំាទ្រនិងស្នើអោយប្រទេសទំាងនោះកុំទទួលស្គាល់រាជរដ្ឋាភិបាលកម្ពុជាអាណត្តិទី៥នេះនិងផ្តាច់ជំនួយ ។ការចាកចេញស្វែងរកការគាំទ្រពីសហគមន៍អឺរ៉ុប និងសហរដ្ឋអាមេរិកនេះបានធ្វើឡើងបា្រប់ក្រុមអ្នកសារព័ត៌មានបន្ទាប់ពីការចុះឈ្មោះក្នុងបញ្ជីអ្នកបោះឆ្នោតនៅសង្កាត់ចាក់អង្រែលើ ខណ្ឌមានជ័យ ។
លោក សម រង្ស៊ី បានបញ្ជាក់ទៀតថា បេសកកម្មរបស់លោកទៅកាន់ប្រទេសអង់គ្លេស បារំាង សហរដ្ឋអាមេរិក អង្គការសហប្រជាជាតិ ស្ថាប័នធនាគារពិភពលោក(WB) និងស្ថាប័នរូបិយវត្ថុអន្តរជាតិ(IMF) ក្នុងបំណងដើម្បីស្នើអោយប្រទេសទំាងអស់នៅសហគមន៏អឺរ៉ុប និង សហរដ្ឋអាមេរិក អង្គការសហប្រជាជាតិ រួមទំាងស្ថាប័នធនាគារខាងលើ កុំទទួលស្គាល់រដ្ឋសភា និង រាជរដ្ឋាភិបាលអាណត្តិទី៥ ដែលលោកសម រង្ស៊ី បានអះអាងថាកើតឡើងដោយការធ្វើរដ្ឋប្រហាររដ្ឋធម្មនុញ្ញខុសច្បាប់ ។
លោក សម រង្ស៊ី បន្ថែមថា មូលហេតុដែលលោកទៅស្វែងរកជំនួយនៅសហគមន៍អឺរ៉ុបនិងសហរដ្ឋអាមេរិកនេះដោយសារតែប្រទេសទាំងនេះសុទ្ធតែជាអ្នកផ្តល់ជំនួយក៏ដូចជាប្រាក់កម្ចីដល់រដ្ឋាភិបាលកម្ពុជាកន្លងមក ។កាលណាដែលម្ចាស់ជំនួយដែលផ្តល់ដល់រដ្ឋា ភិបាលខុសច្បាប់ខ្ចីនៅពេលនេះនឹងបាត់បង់ព្រោះថា នៅពេលរដ្ឋាភិបាលស្របច្បាប់រដ្ឋាភិបាលប្រជាធិបតេយ្យកើតឡើងនៅពេលក្រោយនោះ លុយដែលផ្តល់មកនឹងត្រូវបាត់។ លោកថា កាលណាម្ចាស់ជំនូយមិនទទួលស្គាល់រដ្ឋាភិបាលដែលកើតឡើងមិនស្របច្បាប់ហើយគេនឹងលែងសហការជាមួយរដ្ឋាភិបាលពេលនោះរដ្ឋាភិបាលនោះនិងគំា ងមិនអាចដំណើរការបានទេ ព្រោះគ្មានការគំាទ្រពីអន្តរជាតិដូចមុនទៀត ។
ពេលមុនអ្នកផ្តល់ជំនួយទំាងអស់គេផ្តល់ជំនួយដោយសារគេគំាទ្រប្រជាជនខ្មែរ និងរដ្ឋាភិបាលស្របច្បាប់ ។ តែពេលនេះរដ្ឋាភិបាលដែលកើតឡើង មិនស្រប់ច្បាប់គេមិនទទួលស្គាល់ដូច្នេះគេ ផ្តាច់ជំនួយ។ទាក់ទិននិងឯកសារដែលត្រូវយកទៅជាមួយវិញលោក សម រង្ស៊ី មិនទាន់អោយដឹងទេព្រោះស្នាមមេដៃដែលគណបក្សសង្គ្រោះជាតិប្រមូលពីប្រជាជពលរដ្ឋមិនទាន់គ្រប់នៅឡើយទេ ហើយមកដល់ពេលនេះមានស្នាមមេដៃដែលគណបក្សសង្គ្រោះជាតិទទួលបានតែជាងប៉ុន្មានសែនមេដៃប៉ុណ្ណោះ ។
លោក សមរង្ស៊ី បញ្ជាក់ថាស្នាមមេដៃដែលត្រូវយកជូនអង្កការសហប្រជាតិត្រូវតែមា នស្នាមមេដៃជាង៣លាន៣សែនមេដាយទើបយកអោយអង្គការសហប្រជាជាតិ។ ហើយចំពោះការទៅលើកនេះលោក សម រង្ស៊ីបានអោយដឹងថាមិនចាំបាច់យកទៅច្រើនទេ ។ដោយអះអាងថាប្រទេសដែលលោកគ្រោងទៅនោះបានដឹងច្បាស់ដូចជារដ្ឋធម្មនុញ្ញនៃព្រះរាជាណាចក្រកម្ពុជា កិច្ចព្រមព្រៀងទីក្រុងប៉ារីសត្រូវបានគណបក្សប្រជាជនកម្ពុជាបានរំលោភ។ទាក់ទងនឹងការចុះឈ្មោះបោះឆ្នោតវិញលោក សម រង្ស៊ីបានអោយដឹងថាជាការបំពេញ បែបបទជាប្រជាពលរដ្ឋមួយរូបក្នុងបញ្ជីឈ្មោះអ្នកបោះឆ្នោត ។
ប៉ុន្តែប្រសិនបើគេលុបឈ្មោះចេញពីបញ្ជីបោះឆ្នោតមិនដឹងធ្វើយ៉ាងណានោះទេ។ក្នុងការបោះឆ្នោតអាណត្តិទី៥កន្លងមកនេះមានប្រជាពលរដ្ឋប្រមាណជាង១លាន២សែននាក់ត្រូវបានគេលុបឈ្មោះចេញពី បញ្ជីបោះឆ្នោត។ប្រជាពលរដ្ឋដែលត្រូវគេលុបឈ្មោះទំាងនោះសុទ្ធសែមានសិទ្ធិបោះឆ្នោត បែជាគណៈកម្មាធិការជាតិរៀបចំការបោះឆ្នោតលុបទៅវិញ នេះបង្ហាញពីការរំលោភសិទ្ធិ របស់ប្រជាពលរដ្ឋខ្មែរ ។
លោកសម រង្ស៊ី បន្តថាលោកសង្ឃឹមថាការចុះឈ្មោះឆ្នោតលើកនេះមិនត្រូវាបានគេ លុបឈ្មោះចេញពីបញ្ជីបោះឆ្នោតដូចជាលើកមុនទៀតដូចប្រជាពលរដ្ឋជាង១លាន ២សែន នាក់ដូចលើកមុនទេ ។ មូលហេតុដែលបោះឆ្នោតមិនត្រឹមត្រូវនៅអាណត្តិទី៥នេះដោយសារការលុបឈ្មោះដោយអយុត្តិធម៌ ។ គ.ជ.ប.បានប្រកាស
ថាគណបក្សប្រជាជនកម្ពុជាទទួលសម្លេងជាង៣លាន ២សែនសន្លឹកឆ្នោត ហើយគណបក្សសង្គ្រោះជាតិបានសម្លេងជាង២លាន ៨សែនសន្លឹកឆ្នោត ការទទួលជោគជ័យរបស់គណបក្សប្រជាជនកម្ពុជាឈ្នះតែជាង៣សែនសន្លឹកឆ្នោតប៉ុណ្ណោះ ។
លោក សម រង្ស៊ី បញ្ញាក់ថាការប្រកាសទទួលជ័យជំនះរបស់គណបក្សប្រជាជនកម្ពុជាគេមិនបានគិតថាឈ្មោះប្រជាពលរដ្ឋដែលលុបចេញជាង១លាន២សែននាក់នោះ ទេ ។ ហើយការលុបឈ្មោះប្រជាពលរដ្ឋចេញពីបញ្ជីឈ្មោះបោះឆ្នោតប្រហែលជាគេដឹងថាឈ្មោះ ទំាងនោះគំាទ្រគណបក្សសង្គ្រោះជាតិជាមុន។ ប្រសិនបើមិនមានការលុបឈ្មោះអ្នកទំាងនោះទេគណបក្សសង្គ្រោះជាតិប្រកត់ជាកើនជាងនេះទៅទៀត៕ ដោយ ៖ រតនា