ប្រទេសអ៊ីរ៉ាក់៖មន្រ្តីក្រសួងមហាផ្ទៃប្រទេសអ៊ីរ៉ាក់បាននិយាយថាការវាយប្រហារលើក្បួនធម្មយាត្រា
Shia នៅក្នុងទីក្រុងបាដាត ប្រទេសអ៊ីរ៉ាក់បានសំលាប់មនុស្សយ៉ាងហោច ៥១នាក់និងបណ្តាលមនុស្ស
ជាង១០០នាក់ទៀតទទួលរងរបួស។ ការវាយប្រហារនេះបានកើតឡើងនៅក្នុងស្រុក Adhamiyah ខណះ
ពេលដែលក្រុមដង្ហែរក្បួនធម្មយាត្រា Shia ដើរទៅកាន់ទីសក្ការះបូជារបស់ពួកគេ។ ការដង្ហែក្បួនធម្មយាត្រា នេះបានបង្កអោយមានអំពើហឹង្សាពីកន្លែងមួយទៅកន្លែងមួយពាសពេញតំបន់នេះក្នុងប្រទេសអ៊ីរ៉ាក់។ ការបន្ទុះគ្រាប់បែកអត្តឃាតនៅក្នុងទីក្រុង Balad របស់ពួកក្រុមសាសនា Shia បានសំលាប់មនុស្សយ៉ាង
ហោចណាស់ ១២នាក់ ចំនែកនៅក្នុងទីក្រុង Mosul វិញអ្នកកាសែត ២នាក់ត្រូវបានខ្មាន់កាំភ្លើងមិន
ស្គាល់មុខមួយក្រុមបាញ់សំលាប់។
នាពេលថ្មីៗនេះនៅក្នុងប្រទេសអ៊ីរ៉ាក់ បញ្ហាអំពើហឹង្សាខាងសាសនាមានការកើនឡើងយ៉ាង ខ្លាំង ដែលបណ្តាលអោយមនុស្សជាច្រើននាក់បានស្លាប់និងរងបួស។ គ្មាននរណាម្នាក់បានដឹងនៅឡើយ
ទេថា តើការវាយប្រហារបន្តបន្ទាប់ទៀតនឹងអាចកើតឡើងនៅពេលណានោះទេ ក៏ប៉ុន្តែពួកគេដឹងថា បញ្ហាអំពើហឹង្សាក្នុងពេលថ្មីៗនេះគឺបណ្តាលមកពីពួក Sunni ដែលមានទំនាក់ទំនងជាមួយពួក al-gaeda។ ការបន្ទុះគ្រាប់បែកមួយកន្លែងទៀតក្នុងទីក្រុងបាដាតកាលពីថ្ងៃសៅរ៍ បានសំលាប់មនុស្សយ៉ាងហោច
ណាស់ ២ នាក់និងមនុស្ស ១០នាក់ទៀតទទួលរងរបួស។ អង្គការសហប្រជាជាតិបានអោដឹងថា កាលពីខែមុននៅក្នុងប្រទេសអ៊ីរ៉ាក់ មនុស្សជាង ១០០០នាក់ត្រូវបានគេសំលាប់ហើយពួគេភ័យខ្លាចថា អំពើហឹង្សានេះនឹងក្លាយទៅជាសង្រ្គាមសាសនាដូចនៅឆ្នាំ ២០០៨ដែរ។ ដោយ៖ តុលា