ប្រទេសឥណ្ឌា៖ មន្រ្តីប៉ូលីសឥណ្ឌាបាននិយាយថា មនុស្សយ៉ាងហោចណាស់ ៣០នាក់បានស្លាប់នៅ
ពេលឡានដឹកទំនិញធំមួយគ្រឿងបានបុកទៅលើឡានដឹកកម្មករ ២ គ្រឿងនៅភាគខាងជើងឆៀងខាង
កើតនៃប្រទេសឥណ្ឌា។ មន្រ្តីប៉ូលីសបានអោយដឹងទៀតថា មានកុមារ ១២នាក់បានស្លាប់ក្នុងហេតុការណ៍ គ្រោះថ្នាក់ចរាចរណ៍នោះ។ ហេតុការណ៍គ្រោះថ្នាក់ចរាចរណ៍រវាងឡានដឹងទំនិញធន់ធ្ងន់និងឡានដឹកកម្មករ បានកើតឡើងនៅថ្ងៃព្រហស្បត៍ វេលាម៉ោង ៤ នឹង៤០នាទី។
មន្រ្តីប៉ូលីសចរាចរណ៍ បានបន្តថា អ្នកបើកបរឡានដឹកទំនិញនោះត្រូវបានចាប់ខ្លួនហើយ។ លោកបាន បន្តទៀតថា មនុស្សជាច្រើននាក់បានរងរបួសក្នុងហេតុការណ៍នោះហើយមនុស្ស ៥នាក់នៃពួកគេ
គឺរង របួសធ្ងន់។ គ្រោះថ្នាក់ចរាចរណ៍នេះបានកើតឡើងនៅលើផ្លូវលំមួយកន្លែងក្នុងស្រុក Barpeta
ដែលមានចំងាយប្រហែលជា ១៦០គីឡូម៉ែតពីរដ្ឋធានី Guwahati។ ហេតុការណ៍គ្រោះថ្នាក់ចរាចរណ៍
បែបនេះគឺតែងតែកើតឡើងជារឿយៗក្នុងប្រទេសឥណ្ឌា ពីព្រោះតែអ្នកបើកបរភាគច្រើនខ្វះបទពិសោធន៍
ក្នុង ការបើកបរនៅលើបណ្តោយផ្លូវសាធារណះ។ កាលពីឆ្នាំ ២០១១ មនុស្សជាង ១៣០០០០នាក់
បានស្លាប់ដោយគ្រោះថ្នាក់ចរាចរណ៍។ ដោយ៖ តុលា