ប្រទេសនីស៊េរីយ៉ា៖ ប៉ូលីសនីស៊េរីយ៉ាបានអោយដឹងថា ពួកខ្មាន់កាំភ្លើងអ៊ីសស្លាមមួយក្រុមបានបាញ់ សំលាប់និស្សិត ៥០នាក់ ក្នុងអន្តេវាសិកដ្ឋានមួយកន្លែងក្នុងប្រទេសនីស៊េរីយ៉ា។ លោកបានបន្តទៀតថា ក្រុមនិស្សិតត្រូវគេបាញ់ខណះពេលពួកគេកំពុងតែដេកក្នុងអន្តេវាសិកដ្ឋានមួយកន្លែងក្នុងមហាវិទ្យាល័យ
កសិកម្មនៃរដ្ឋ Yobe។ពាក់កណ្តាលនៃរដ្ឋនោះគឺត្រូវបានគ្រប់គ្រងដោយពួក Boko Haram។ ពួក Boko haram មានបំណង ចង់ផ្តួលរលំរដ្ឋាភិបាលនីស៊េរីយ៉ាក្នុងគោលបំណងបង្កើតរដ្ឋអ៊ីសស្លាមមួយនៅទីនោះ។
ទោះបីជាមានទិន្នន័យនៃជនរងគ្រោះខុសគ្នាយ៉ាងណាក៏ដោយប៉ុន្តែអ្នកនយោបាយម្នាក់បានប្រាប់ភ្នាក់
ងារសារព័ត៌​​មាន BBC ថាមានប្រហែលនិស្សិត ៥០នាក់ត្រូវបានគេសំលាប់។ សាក្សីម្នាក់បានប្រាប់ អ្នក
សារព័ត៌មានថា ​​សាកសព ៤០នាក់នៃជនរងគ្រោះគឺនៅឯមន្ទីពេទ្យហើយភាគច្រើន នៃពួកគេគឺជានិស្សិត ប្រុសៗ។​ ​​

អ្នកចាត់ការទូទៅមហាវិទ្យាល័យProvost Molima Idi បាននិយាយនៅក្នុងសន្និសិទ្ធកាសែតថា សាកសពនៃ ​​ជនរងគ្រោះគឺមានប្រហែលជា ៥០នាក់ ហើយបានបន្ថែមថា កងកំលាំងសន្តិសុខ កំពុងតែស្វែងរកជនរង​​
គ្រោះបន្ថែមទៀត។ និស្សិតប្រហែលជា ១០០០នាក់បានគេចខ្លួនរួចពីកន្លែងកើតហេតុនោះ។ កងកំលាំង ​​នីស៊េរីយ៉ា បានប្រាប់ភ្នាក់ងារសារព័ត៌មាន AFP ថា សាកសព ៤២នាក់ត្រូវបានរកឃើញ។ កាលពីខែមិថុនា   
ពួក Boko Haram បានវាយប្រហារក្នុងសាលាមួយកន្លែងនៃជាយក្រុង Maiduguri ដោយបានសំលាប់កូនក្មេង  យ៉ាងហោចណាស់៩នាក់។ រីឯការវាយប្រហារមួយទៀតនៅក្នុងទីក្រុង Damaturu បានសំលាប់សិស្សសាលា ​​និងគ្រូបង្រៀន ១៣នាក់។ ដោយ៖ តុលា