ប្រទេសចិន៖ អាជ្ញាធរចិនបានអោយដឹងថា មន្រ្តីប៉ូលីសចិនបានជួយសង្រ្គោះក្មេងកំព្រា ៩២នាក់ និងបាន​ ​ចាប់​​ជនសង្ស័យ៣០១នាក់ពីបទទាក់ទងនឹងការជួយដូរខុសច្បាប់លើកូនក្មេងនិងស្រ្តី។ ប៉ូលីសបានបន្តទៀតថា ​​ស្រ្តី២នាក់ត្រូវបានជួយសង្រ្គោះអោយយមានសេរីភាពឡើងវិញបន្ទាប់ពីមានការអន្តរាគមន៍របស់ក្រុមប៉ូលី​ស​​​មក។ ពួកជួញដូរមនុស្សទាំងអស់នោះបានយកកូនក្មេងពីខេត្ត Yunan​ និងខេត្ត Sichan  រួចហើយក៏លក់ពួកគេ ​ទៅ​​តំបន់ផ្សេងទៀត។  អ្នកផ្តល់ព័ត៌មានបានអោយដឹងថា ការជួញដូរកូនក្មេងបែប​នេះបានក្លាយជាបញ្ហា​ដ៏​​សំខាន់​ ​នៅក្នុងប្រទេសចិន​ ​។​​

ប្រជាជនចិនជាច្រើនមានការមិនពេញចិត្តយ៉ាងខ្លាំងហើយបានរិះគន់ដល់គោលនយោបាយជួញដូរមនុស្ស​​​​
បែបនេះថាជារឿងព្រៃផ្សៃបំផុត។ គ្រួសារខ្លះបានទិញស្រ្តី និងកូនក្មេងពីពួកឈ្មួញទាំងនោះហើយយកពួក​​​​គេអោយធ្វើជាកម្មករដាច់ថ្លៃ អ្នកបំរើក្នុងផ្ទះ ឬក៏រៀបការជាមួយកូនប្រុសរបស់ពួកគេ។

ក្រសួងសន្តិសុខសា​​ធារណះរបស់ចិនបានអោយដឹងថាកាលពីឆ្នាំមុនស្រ្តីនិងកូនក្មេងជាង ២៤០០០នាក់​ ​ត្រូវបានជួយសង្រ្គោះ​ ​ហើយពួកគេបាននិយាយថាមនុស្សមួយ​ចំនួននៃពួកគេត្រូវបានចាប់​ជំរិតយកទៅ​​​លក់ឬក៏បង្ខំអោយធ្វើជាស្រី​លក់ខ្លួន។ សព្វថ្ងៃនេះប្រទេសចិនបាន​បង្កើតចលនាតស៊ូប្រយុទ្ធប្រឆាំង​នឹង​​​ការជួញដូរមនុស្សខុសច្បាប់ដើម្បី​ចុះបង្រ្កាបនិងដាក់ទោសដល់អ្នកជួញដូរមនុស្សខុសច្បាប់ទាំងអស់នោះ​។​ ​ដោយ៖ តុលា​​