ភ្នំពេញ:មុនឱកាសបើកបវេស្សណកាលឆ្នាំសិក្សាថ្មីនៅដើមខែតុលាខាងមុខនេះ រដ្ឋាភិបាលជប៉ុនបាន ដាក់​​សម្ពោធ​ឲ្យដំណើរការនូវអគារសិក្សា1ខ្នងដល់អនុវិទ្យាល័យគោកបញ្ជន់ ស្ថិតនៅជាយរាជធានីភ្នំ ពេញ ដើម្បី​​បង្ក​លក្ខណៈងាយស្រួលដល់សិស្សានុ​សិ​ស្ស​បានរៀនសូត្រប្រកដោយគុណភាព។ក្នុងពិធី​សម្ពោធ​​អគារ​សិក្សា​​​មួយ​ខ្នងដែលជាជំនួយឥតសំណងរបស់រដ្ឋាភិបាលជប៉ុនស្ថិតនៅ ក្នុងសង្កាត់ចោមចៅ ខណ្ឌពោធិ​សែន​ជ័យ​​​​​​​​​​​​នា​​ព្រឹកថ្ងៃទី20 ខែកញ្ញានេះ លោកហ៊ីហ្គូជី យូស៊ីហ៊ីរ៉ូ ឧប ទូតជប៉ុនប្រចាំកម្ពុជាមានប្រសាសន៍ថា ការ​សម្រេច​​​ផ្តល់​​អគារ​សិក្សានេះ ដើម្បីចូលរួមកែលម្អគុណ ភាពអប់រំនៅកម្ពុជាឲ្យកាន់តែប្រសើរ ខណៈ​ដែលអត្រា​ចូល​រៀន​​​របស់​សិស្សនៅថ្នាក់អនុវត្តវិទ្យា ល័យនៅមានកម្រិតនៅឡើយ ដោយសារតែកង្វះសាលារៀន។ លោកបញ្ជាក់​​​ថា ​​អគារសិក្សាមួយ ខ្នងនេះ នឹងបានបំពេញ​តម្រូវជាបន្ទាន់​​ដល់សិស្សានុ​សិស្សនៅ​អនុវិទ្យាល័យ​គោក​​បញ្ជន់សម្រាប់ ឆ្នាំសិក្សា2013 2014នេះ ដោយកន្លងមកពួកគេគ្មានបន្ទប់សិក្សាគ្រប់គ្រាន់ ដោយត្រូវ​ខ្ចី​បន្ទប់​ពី​​សាលា ​​បឋមសិក្សានៅក្បែរនេះ​។​

ឯឧ.ប៉ា សុជាតិវង្សអភិបាលរាជធានីភ្នំពេញមានប្រសាសន៍ថា ការចូលរួមគាំទ្ររបស់រដ្ឋាភិបាលជប៉ុ ននាពេល​​នេះ គឺបានបញ្ជាក់យ៉ាងច្បាស់ពីទំនាក់ទំនងល្អទេ្វភាគីរវាងរដ្ឋាភិបាលទាំង2 កម្ពុជា ជប៉ុន ។ កិច្ចគំាទ្រនេះមិន​​ត្រឹម​អភិវឌ្ឍផ្នែកហេដ្ឋាចរាសម្ពន្ធ័នៅក្នុងរាជធានីភ្នំពេញប៉ុណ្ណោះទេ គឺបានបំរើ ផលប្រយោជន៍​ក្នុងការអភិវឌ្ឍ​​ធនធាន​មនុស្សដែលជាសក្តានុពលដ៏សំខាន់ជំរុញឲ្យកម្ពុជាកាន់តែរីក ចំរើនទៅមុខ។ ឯឧ.បញ្ជាក់ថា កន្លងមក​​នេះ​រដ្ឋាភិបាល​ជប៉ុនបានជួយសាងសង់អគារសិក្សាជាច្រើន ពាន់ខ្នង មិនត្រឹមតែនៅក្នុងរាជធានីភ្នំពេញទេ ​គឺនៅ​ទូទាំងប្រទេស ដែលនេះបានឆ្លុះបញ្ចាំងយ៉ាង ច្បាស់ថា​ នេះជាការអប់រំសម្រាប់ទាំងអស់គ្នា ទាំងអស់​គ្នា​​សម្រាប់​ការអប់រំ ដោយស្របតាមបំណង ប្រាថ្នារបស់រាជរដ្ឋាភិបាល ដើម្បីកសាង​ជំនាន​យុវជនមួយ​ថ្មី​ប្រកប​​ដោយ​ការ​រីកចំរើន ដោយជៀស វាងកុំបណ្តោឲ្យពួកគេទៅប្រព្រឹត្តអំពើអសីលធម៌ អំពើអណាចារ្យា អំពើ​ពាលា​​អាវា​សែ ដែលជា កង្វល់សង្គមជាតិ។តាមរយៈនេះឯឧ.អភិបាលក៏បានអំពាវនាវដ៏អាណាព្យាបាលទាំងអស់ ត្រូវ​​បញ្ជូន​ នឹងជំរុញកូនចៅរបស់ខ្លួនឲ្យបានទៅសិក្សាគ្រប់ៗគ្នា ដោយមិនត្រូវឃាត់ឃំាងឲ្យនៅតែផ្ទះនោះទេ ​ ព្រោះ​​នេះជាស្ពានមួយដ៏សក្កិសិទ្ធដែលចំលងពួកគេឲ្យជៀតផុតពីភាពល្ងង់ខ្លៅ និងកាត់បន្ថយភាព ក្រីក្រ។សូម​​បញ្ជាក់​ថា អគារសិក្សាមួយខ្នងនេះមាន7បន្ទប់ រួមជាមួយនឹងបង្គន់អនាម័យចំនួន8បន្ទប់ ដោយ បានចំណាយ​​ថវិកា​សាងស​ង់​អស់ចំនួនជាង9ម៉ឺន8ពាន់ដុល្លាសហអាមេរិក ដែលជំនួយឥតសំណង របស់រដ្ឋាភិបាលជប៉ុន ​តាមរយៈ​​គម្រោងគូសា ណូណិរបស់ស្ថានទូតជប៉ុនប្រចាំកម្ពុជា៕​

ដោយៈ គង់ រតនា ​