ភ្នំពេញ៖ ប្រទេសជាសមាជិកនៃអនុតំបន់អាស៊ីប៉ាស៊ីហ្វិកពិនិត្យមើលឡើងវិញលើគោលនយោបាយបរិស្ថានក្នុងតំបន់ ដើម្បីរួមគ្នាធានាឲ្យមានតុល្យភាពរវាងការអភិវឌ្ឍនិងបញ្ហាបរិស្ថានដែលជាកក្តាដ៏ សំខាន់ត្រូវយកចិត្តទុកជាទីបំផុត។កិច្ចប្រជុំក្នុងក្របខណ្ឌតំបន់អាស៊ីប៉ាស៊ីហ្វិកដែលកម្ពុជាធ្វើជាម្ចាស់ផ្ទះ ក្រោមការជួយគាំទ្រដោយកម្មវិធីបរិស្ថាននៃអង្គការសហប្រជាតិ ដែលមានប្រទេសជាសមាជិកអនុតំបន់អាស៊ីប៉ាស៊ីហ្វិកចំនួន១៣ប្រទេសបានចូលរួមក្នុងនោះមានកម្ពុជា កេនយ៉ា ថៃ ប៊ូតាន ប្រុយណេ Newcaledonia បង់ក្លាដេស ចិន ឥណ្ឌូនេស៊ី ជប៉ុន ញ៉ូវសេឡេន ហ្វីលីពីន និងប្រទេសស្រីលង្កា។
នៅក្នុងកិច្ចប្រជុំលើកទី១០នៅព្រឹកថ្ងៃទី១៩ខែកញ្ញានេះ លោកស្រីតុងម៉ូលកូជី នីកូម៉ូតូ អគ្គនាយកនៃអនុតំបន់មានប្រសាសន៍ថា យើងចាំបាច់ណាស់ត្រូវតែរួមគ្នាពិភាក្សា ដើម្បីស្វែងបញ្ហាប្រឈម នានាដែលកំពុងកើតឡើង រួមគ្នាដោះស្រាយ សំដៅធានាឲ្យបញ្ហាបរិស្ថានប្រកដោយចីរភាពសំរាប់ ការអភិវឌ្ឍសង្គម និងសេដ្ឋកិច្ច។ លោកស្រីបញ្ជាក់ថា ប្រសិនបើប្រទេសនានាគ្មានយន្តការច្បាស់ លាស់ក្នុងការគ្រប់គ្រងបរិស្ថាន ដូចជាបាត់បងធនធានធម្មជាតិ ជីវៈចម្រុះព្រៃឈើ និងការបំពុល នានា នោះនឹងជួបញ្ហាអាក្រក់កើតឡើងជាមិនខាន ដោយត្រូវចំណាយពេលវេលា និងថវិកាជាច្រើន ដើម្បីស្តារឡើងវិញ។
ទោះជាយ៉ាងនេះក្តីលោក ខុង សំងួនរដ្ឋលេខាធិការក្រសួងបរិស្ថានបានបញ្ជាក់ថារាជរដ្ឋាភិបាលកម្ពុជា មានការប្តេជ្ញាចិត្តខ្ពស់លើបញ្ហានេះ ក្នុងនោះបានដាក់ចេញនូវគោលនយោបាយជាតិជាច្រើន ដើម្បី ធ្វើយ៉ាងណាឲ្យការអភិវឌ្ឍនានាមានការគិតគូដល់បរិស្ថាន។ លោកបន្ថែមថា បញ្ហាសេដ្ឋកិច្ចនិងឧស្សា ហកម្មបៃតង គឺជាចំនុចមួយដ៏ឈ្នះៗសម្រាប់សរសរស្តម្ភទាំង៤នៃសេដ្ឋកិច្ចបរិស្ថាន សង្គមកិច្ចនិង វប្បធម៌ ដែលជាទិសដៅមួយរបស់រាជរដ្ឋាភិបាល សម្រាប់ពង្រឹងរួមគ្នាធ្វើឲ្យជឿនលឿនដល់ផ្នែក សេដ្ឋកិ្ចនិងការពារបរិស្ថាន។
សូមបញ្ជាក់ថា កាលពីពេលថ្មីនេះ រាជរដ្ឋាភិបាលក៏បានដាក់ចេញនូវគោលនយោបាយជាតិស្តីពីការអភិវឌ្ឍបៃតងនិងផែនការយុទ្ធសាស្រ្តជាតិស្តីពីការអភិវឌ្ឍបៃតង ឆ្នាំ២០១៣-២០៣០ដែលជាគំរូរបស់កម្ពុជាទាំងនៅថ្នាក់ជាតិ តំបន់ក៏ដូចជាពិភពលោកដើម្បីសម្រេចបាននូវគោលដៅអភិវឌ្ឍប្រកប ដោយចីរភាព កាត់បន្ថយភាពក្រីក្រ ការពារប្រពន្ធ័អេកូឡូស៊ីប្រកបដោយសុវត្ថិភាព នឹងធ្វើឲ្យកម្ពុជាឈានឡើងជាប្រទេសអភិវឌ្ឍប្រកបដោយអារ្យធម៌បៃតង៕
ដោយ៖ សស្អាត