ក្រចេះ៖ រថយន្តមួយគ្រឿងដែលឈ្មួញបានប្រើប្រាស់បន្លំជា របស់អង្គភាពយោធា រកស៊ីដឹកជញ្ចូនឈើ
ប្រណីត បើកក្រឡាប់ធ្លាក់ពីផ្លូវជាតិ ធ្វើឲ្យរថយន្តរងការខូចខាតយ៉ាងដំណំ រីឯម្ចាស់ត្រូវរបួសស្រាល កាល
ពីល្ងាច ថ្ងៃទី១៥ ខែសីហា ឆ្នាំ២០១៣ នៅចំណុច ភូមិខ្លាស្ទុះ សង្កាត់អូរឫស្សី ក្រុងក្រចេះ ។
ប្រភពពីនគរបាល នៅកន្លែងកើតហេតុ បានឲ្យដឹងថា តាមការរៀបរាប់ពីពួកឈ្មួញ ដែលជាម្ចាស់រថយន្តប្រាប់
ថា ដំបូងគឺមាន រថយន្តកាមរីឆ្លាមមួយគ្រឿង ប្រមាញ់ ដេញតាមខ្លួន ស្រាប់តែមួយសន្ទុះ ក្រោយមកមានពីរ
គ្រឿងទៀត បានស្ទាក់មុខគំរាមឲ្យ ឈប់ ទើបជាហេតុ ធ្វើឲ្យគេសម្រេចចិត្តបើគេចបណ្តាលឲ្យ រេចង្កូតទាញ
ក្រឡាប់ធ្លាក់ផ្លូវ បណ្តាលឲ្យមនុស្ស ២នាក់ ក្នុងរថយន្តរងរបួសស្រាល។
បើតាមការរៀបរាប់របស់ឈ្មួញ ប្រាប់នគរបាលនោះ គឺគេមិនហ៊ានបញ្ជាក់ អំពីរថយន្តប្រដេញទាំងបីគ្រឿង
នោះ ថាជារបស់ សមត្ថកិច្ចមួយណានោះទេ គ្រាន់តែខ្សឹបប្រាប់ថា រថយន្តទាំងបីគ្រឿងនោះ មានកាមរីឆ្លាម
ពណ៌ស្លែ កាមរីឆ្លាមពណ៌ស្ករ និង កាមរីហើមពណ៌សំបកឪឡឹក ក្នុងនោះនគរបាល ក៏មិនទាន់កំណត់ អត្ត
សញ្ញាជនទាំងពីរនោះ នៅឡើយទេ ដោយសារមានអ្នក មកជម្លៀសជនល្មើសទៅបាត់ ណាមួយគឺវាមិនមែន
ស្ថិតនៅក្នុងដែនសមត្ថកិច្ចខ្លួនផង។
លោក ប៉ុក វណ្ណា នាយសង្កាត់រដ្ឋបាលព្រៃឈើថ្មគ្រែ បានឲ្យដឹងថា ចំពោះជនល្មើស នៅមិនទាន់កំណត់អត្ត
សញ្ញណនៅ ឡើយទេ ប៉ុន្តែរថយន្តត្រូវបានស្ទូច ដឹកទៅរក្សាទុកនៅថ្នាលបណ្តុះកូនឈើខ្សារ ។
គួរបញ្ជាក់ផងដែរថា សព្វថ្ងៃគេសង្កេតឃើញ មានរថយន្តពាក់ស្លាកលេខ ខ-ម ធំតូចជាច្រើន គ្រឿងទៀត ដែល
ប្រកបរបររកស៊ី ដឹកជញ្ជូនឈើប្រណីតបានយ៉ាងរលូន តែសមត្ថកិច្ចហាក់ដូចជា ពុំមានវិធានការនៅឡើយទេ
ទំនងជាពួកឈ្មួញទាំងនោះ ត្រូវរ៉ូវជាមួយសមត្ថកិច្ចឬក៏សមត្ថកិច្ចឆ្លៀតឱកាសរកស៊ីជាមួយពួកឈ្មួញ ទើបបាន
ជាការដឹកជញ្ជូនវាចេះតែប្រព្រឹត្តទៅបានដោយរលូនបែបនេះ៕
ដោយ៖ ស.ស្អាត