ភ្នំពេញ៖ លោក សម រង្ស៊ី បានវិលត្រឡប់មកដល់ទឹកដីកម្ពុជាវិញហើយកាលពីម៉ោងជាង៩ព្រឹកថ្ងៃសុក្រ ទី១៦
សីហាម្សិលមិញនេះ។ ក្រោមក្រសែភ្នែកអ្នកអង្កេតការណ៍ជាតិ និងអន្តរជាតិ ព្រមទាំងសម្រែកគាំទ្រដ៏កងរំពង
ពីសកម្មជនអ្នកគាំទ្រប្រមាណ៥០០ទៅ៦០០នាក់នៅមុខព្រលានយន្តហោះអន្តរជាតិភ្នំពេញ។
នៅចំពោះមុខក្រុមអ្នកកាសែត និងមហាជនលោក សម រង្ស៊ី មិនទាន់បញ្ជាក់ជំហរឲ្យបានច្បាស់លាស់ចំពោះគម្រោងធ្វើបាតុកម្មតវ៉ានឹងលទ្ធផលបណ្តោះអាសន្ននៃការបោះឆ្នោតដែលចេញដោយគ.ជ.ប.នោះនៅឡើយទេ។ ប៉ុន្តែលោកសមរង្ស៊ីបានបង្ហាញជំហរដោយសង្ឃឹមថានឹងមានការចរចាជាមួយគណបក្សប្រជាជនកម្ពុជាដើម្បីស្វែងរកដោះស្រាយដោយសន្តិវិធី។
នៅព្រឹកថ្ងៃដដែលនេះគេឃើញសកម្មជនអ្នកគាំទ្រ លោកសម រង្ស៊ីបានទៅទទួលហែហមប្រធានគណបក្ស
បក្សប្រឆាំងរូបនេះនៅមុខព្រលានយន្តហោះអន្តរជាតិភ្នំពេញកាលពីព្រឹកថ្ងៃសុក្រកន្លងទៅនេះ ក៏ប៉ុន្តែសកម្ម
ជនទាំងនោះមិនជាច្រើនដូចកាលពីលោកសម រង្ស៊ីមកដល់ស្រុកកាលពីថ្ងៃទី១៩កក្កដានោះឡើយ។ យ៉ាង
ណាក៏ដោយចរាចរណ៍តាមផ្លូវសហព័ន្ធរុស្ស៊ីត្រូវកកស្ទះមួយរយៈខណៈដែលលោកសម រង្ស៊ី ដើរចេញពី
ព្រលានយន្តហោះប្រមាណ១គីឡូម៉ែត្រមុននឹងលោកឡើងជិះរថយន្ត។
នៅកណ្តាលចំណោមអ្នកគាំទ្រខណៈដើរហែហមដោយក្រុមអ្នកការពារយ៉ាងប្រជ្រៀតណែន នឹងប្រទើងឭប្រទាក់គ្នានោះលោកសមរង្ស៊ីបានថ្លែងទៅកាន់ក្រុមអ្នកកាសែតថាកិច្ចការដែលត្រូវធ្វើមុនគេពេលនេះគឺ
លោកមានផែនការជួបជាមួយប្រជាពលរដ្ឋនៅទូទាំងប្រទេស។ អំពីគម្រោងធ្វើបាតុកម្មប្រឆាំងនឹងលទ្ធផល
បោះឆ្នោតមិនត្រូវបានលោកសម រង្ស៊ីបញ្ជាក់ឲ្យបានច្បាស់លាស់ទេ។ តែលោកបានបង្ហាញថា ខ្ញុំនៅតែគាំទ្រ
ជានិច្ចនិងទាមទារយុត្តិធម៌ជូនប្រជាពលរដ្ឋ។ ត្រូវតែរៀបចំវិធានការគ្រប់បែបយ៉ាង។ ការផ្តួចផ្តើមគំនិតគ្រប់
បែបយ៉ាងដើម្បីទាមទារយុត្តិធម៌ជូនប្រជារាស្ត្រខ្មែរ។ លោក សម រង្ស៊ីបង្ហាញជំហរយ៉ាងមុតមាំថានឹងមានការ
ចរចា ហើយការស្វែងរកយុត្តិធម៌ជូនប្រជារាស្ត្រខ្មែរជាការចាំបាច់។
យ៉ាងណាក៏លោកមិនបានបង្ហាញជំនឿលើការដោះស្រាយបណ្តឹងបោះឆ្នោតនៅគ.ជ.បពេលនេះទេលោក
ថាមិនមាននរណាឲ្យតម្លៃទៅលើគ.ជ.បទេ។ ជាមួយគ្នានោះដែរ លោកសម រង្ស៊ី បានឆ្លើយនឹងសំណួរអ្នក
កាសែតអំពីកិច្ចប្រជុំរបស់លោកនៅសហរដ្ឋអាមេរិកដោយបញ្ជាក់យ៉ាងខ្លីថាលោកបានជួបជាមួយអង្គការ
សហប្រជាជាតិនិងមន្ត្រីរដ្ឋាភិបាលដែលគេមានជំនាញខាងបោះឆ្នោត តែលោកមិនបានបញ្ជាក់ពីលទ្ធផលនៃ
កិច្ចប្រជុំនោះយ៉ាងណាឡើយ។
ជាការកត់សម្គាល់នៅពេលលោកសមរង្ស៊ីមកដល់ព្រលានយន្តហោះអន្តរជាតិភ្នំពេញនៅព្រឹកម្សិលមិញនេះគេ
មិនឃើញវត្តមានលោកកឹម សុខាអនុប្រធានគណបក្ស សង្គ្រោះជាតិទៅទទួលលោកសមរង្ស៊ីនោះទេ។ តែ
មន្រ្តីគណបក្សសង្រ្គោះជាតិបាននិយាយថា នៅថ្ងៃទី១៦សីហានេះលោក កឹម សុខា ត្រូវចុះទៅខេត្តកំពង់ចាម។
សូមបញ្ជាក់ផងដែរថា បន្ទាប់ពីមកដល់ប្រទេសកម្ពុជា នៅរសៀលថ្ងៃដដែលនេះ លោក សម រង្សី មានគម្រោង
ចេញដំណើរទៅកាន់ខេត្តកំពង់ចាម និងបន្តដំណើរទៅកាន់ខេត្ត ផ្សេងៗទូទាំងប្រទេសជាបន្តបន្ទាប់ ។ តែពុំ
មាននណាម្នាក់និយាយពីការបរិច្ឆេទច្បាស់លាស់នៃដំណើរនោះទេ៕
ដោយ៖ ស.ស្អាត