ភ្នំពេញ ៖ មន្រ្តីសាលារាជធានីភ្នំពេញ កាលពីពេលថ្មីៗនេះបានបើកកិច្ចប្រជុំស្តីពីបញ្ហាប្រមូលសំរាម និងទី
លានចាក់សំរាម ដើម្បីរិះរកវិធីសាស្ត្រ និង កន្លែងចាក់សំរាមថ្មីឱ្យបានសមស្រប ខណៈពេលដែលទីលានចាក់
សំរាមចាស់នៅសង្កាត់ជើងឯកខណ្ឌដង្កោ កំពុងតែពេញប្រៀបហើយនោះ ។
កិច្ចប្រជុំនេះ បានធ្វើឡើងក្រោមវត្តមាន លោក ប៉ា សុជាតិវង្សអភិបាលរាជធានីភ្នំពេញ ព្រមទាំងមានការចូល
រួមពីលោក សេង សាវីប្រធានក្រុមហ៊ុនស៊ិនទ្រី និង មន្ត្រីអាជ្ញាធរជាច្រើនរូបនៅសាលារាជធានីភ្នំពេញ ។
នៅក្នុងកិច្ចប្រជុំនោះ លោក ប៉ា សុជាតិវង្សបានចោទសួររឿងបញ្ហាសំរាមថាហេតុអ្វីក៏មានសំរាមនៅគរស្រកេក
ស្រកាកតាមផ្លូវដោយអន្លើ និងតាមផ្លូវខ្លះគររហូតដល់ហៀរចូលស្ទើរតែពាក់កណ្តាលផ្លូវទៅហើយបញ្ហានេះ
មិនមែនជារឿងតូចតាចនោះទេដោយសារតែវាប៉ះពាល់ទៅនឹងបរិស្ថាន សណ្តាប់ធ្នាប់ និងសោភ័ណភាពរបស់
រាជធានីទាំងមូល។
មិនតែប៉ុណ្ណោះសំរាមដែលនៅរាយប៉ាយលើដងផ្លូវ នៅពេលដែលមានភ្លៀងធ្លាក់មកវានឹងហូរតាមទឹកចូល
ទៅក្នុងលូបង្កឱ្យមានការស្ទះលូរហូតដល់លិចលង់រាជធានីផងដែរ ហើយនៅពេលស្តារលូម្តងៗអាជ្ញាធរត្រូវ
ចំណាយលុយអស់រាប់លានដុល្លារអាមេរិកឯណោះ ។
រឿងមួយទៀតប្រជាពលរដ្ឋភាគច្រើនមិនពេញចិត្តចំពោះការប្រមូលសំរាមរបស់ក្រុមហ៊ុនស៊ិនទ្រីដែលយឺត
យ៉ាវធ្វើឱ្យសំរាមដែលប្រជាពលរដ្ឋគរទុកនោះ ត្រូវរាយប៉ាយកាន់តែកខ្វក់ថែមទៀត ដូច្នេះក្រុមហ៊ុនស៊ិនទ្រីត្រូវ
តែបំពេញការងាររបស់ខ្លួនឱ្យកាន់តែល្អថែមទៀត ។
តំណាងក្រុមហ៊ុនស៊ិនទ្រី បាននិយាយថារឿងបញ្ហាសំរាមរាយប៉ាយតាមដងផ្លូវមានមូលហេតុច្រើន ដូចជាបង
ប្អូនប្រជាពលរដ្ឋទុកដាក់មិនបានត្រឹមត្រូវ មួយវិញទៀតរថយន្តដឹកសំរាមរបស់ក្រុមហ៊ុនចាស់ៗខូចច្រើនពេក
ធ្វើអត់ទាន់បណ្តាលឱ្យការប្រមូលសំរាមមានយឺតយ៉ាវ ។
គួររំឭកថាក្នុងមួយថ្ងៃៗមានសំរាមមិនតិចជាង១ពាន់តោន ដែលត្រូវដឹកទៅចាក់ចោលនៅទីលានចាក់សំរាម
ជើងឯកក្នុងខណ្ឌដង្កោ។ ខណៈដែលកាលពីឆ្នាំ២០០៣សំរាមដែលបានដឹកចេញពីរាជធានីភ្នំពេញ មានចំនួន
ជាង៤០០តោនទៅ៥០០តោនតែប៉ុណ្ណោះក្នុង១ថ្ងៃ។ ដែលនេះបង្ហាញពីប្រជាពលរដ្ឋមានជីវភាពល្អប្រសើរ
សម្បូរសប្បាយក៏ដូចជាមានធូធារក្នុងការរកទទួលទានប្រចាំថ្ងៃផងដែរ៕
ដោយ៖ ស.ស្អាត