ភ្នំពេញ: បន្ទាប់ពីមានភ្លៀងធ្លាក់ច្រើនជាបន្តបន្ទាប់ដោយសារឥទ្ធិពលប្រព័ន្ធសម្ពាធទាប ដែលបានកើតមាន
នៅតំបន់អាងទន្លេមេគង្គលើជាច្រើនថ្ងៃរួចមកទឹកទន្លេមេគង្គ ទន្លេបាសាក់ និងទន្លេសាបចាប់ផ្តើមជន់ឡើងគួរ
ឲ្យព្រួយបារម្ភនៅរដូវវស្សាឆ្នាំនេះ។
ក្រសួងធនធានទឹក និងឧតុនិយមបានប្រកាស នៅថ្ងៃទី២២ ខែកក្កដាឆ្នាំ២០១៣ថាប្រព័ន្ធសម្ពាធទាបដែលបាន
បង្កឲ្យមានភ្លៀងធ្លាក់យ៉ាងច្រើននៅអាងទន្លេមេគង្គក្នុងប្រទេសកម្ពុជា ឡាវ និងប្រទេសថៃបណ្តាលឲ្យទឹកទន្លេ
មេគង្គទន្លេបាសាក់ ទន្លេសាប និងទឹកបឹងទន្លេសាបជន់ឡើងជាបន្តបន្ទាប់ ជាពិសេសក្នុងរយៈពេលពី ៥ ទៅ ៦
ថ្ងៃខាងមុខ។
សេចក្តីជូនដំណឹងដែលចុះហត្ថលេខាដោយ លោកលឹម គានហោរដ្ឋមន្ត្រីក្រសួងជំនាញបានបញ្ជាក់ថា ទឹក
ទន្លេជន់ឡើងលឿនេះវានឹងហូរចូលទៅតាមបណ្តាព្រែកមួយចំនួន នៅតំបន់ទំនាបអមសងខាងដងទន្លេអាច
នឹងធ្វើឲ្យប៉ះពាល់ដល់កសិផលរបស់ប្រជាពលរដ្ឋនៅតាមតំបន់ទាំងនោះ។
សេចក្តីជូនដំណឹងដដែលបានអំពាវនាវដល់អាជ្ញាធរដែនដីនិងប្រជាពលរដ្ឋដែលរស់នៅតាមដងទន្លេមេគង្គ
ទន្លេសាប និងទន្លេបាសាក់រួសរាន់ប្រមូលកសិផលឲ្យបានទាន់ពេលវេលានិងសូមបង្កើនការយកចិត្តទុកដាក់
ប្រុងប្រយ័ត្នខ្ពស់ចំពោះស្ថានភាពទឹកជំនន់ខាងលើដើម្បីចៀសវាងនូវគ្រោះថ្នាក់ផ្សេងៗដែលអាចកើតមាន
ឡើងជាយថាហេតុ។
អ្នកនាំពាក្យនិងជានាយកខុទ្ទកាល័យក្រសួងធនធានទឹកនិងឧតុនិយម លោក ចាន់ យុត្ថា បានឲ្យដឹងនៅថ្ងៃទី
២២ ខែកក្កដា ឆ្នាំ២០១៣ថាប្រព័ន្ធសម្ពាធទាបដែលក្រសួងបានជូនដំណឹងកាលពីសប្តាហ៍នោះពេលនេះវានៅតែបន្តមានឥទ្ធិពលដល់អាងទន្លេមេគង្គលើដោយនៅតំបន់ខ្លះមានភ្លៀងធ្លាក់ច្រើនជាងពីររយមីលីម៉ែត្របានធ្វើឲ្យទឹកទន្លេចាប់ផ្តើមជន់ឡើងយ៉ាងលឿនអាចធ្វើឲ្យប៉ះពាល់ដល់កសិផល ដែលមិនទាន់បានប្រមូល
នៅតាមតំបន់ទន្លេនានា។ស្ថានភាពទឹកទន្លេជន់ឡើងលឿននេះ ក្រសួងបានធ្វើការជូនដំណឹងរួចហើយ៕
ដោយ ស.ស្អាត