ភ្នំពេញ៖ គរុនិស្សិតជំនាន់ទី១៨គ្រប់ជំនាញនៃវិទ្យាស្ថានជាតិអប់រំបានបង្ហាញពីរបបគំឃើញ ថ្មីៗ តាមរយៈការតាំងពិព័រណ៍បង្ហាញពីឧបករណ៍កសិកម្ម រូបភាពវិទ្យាសាស្រ្ត និងគំនិតថ្មីជាច្រើនដែលបំរើឱ្យការបង្រៀនរបស់លោកគ្រូ អ្នកគ្រូ និងសិស្សនិស្សិតគ្រប់កំរិតសិក្សាឱ្យទទួលបានជោគជ័យ។
.jpg)
ក្នុងពិធីតាំងពិព័រណ៍វិទ្យាសាស្រ្តនៅវិទ្យាស្ថានជាតិអប់រំនាព្រឹកថ្ងៃទី៨កក្កដាឆ្នាំ២០១៣ លោកទឹម វនគរុនិស្សិតជំនាន់ទី១៨ ឯកទេសភាសាអង់គ្លេស នៃវិទ្យាស្ថានជាតិអប់រំបានប្រាប់ឱ្យដឹងថា ការតាំងពិព័រណ៍វិទ្យាសាស្រ្តនេះ មានគោលបំណងចង់ឱ្យគរុនិស្សិតធ្វើការរួមគ្នាដើម្បីបង្កើតជាសម្ភារៈឧបទេសបំរើឱ្យការរៀនសូត្រ និងការបង្រៀននៅតាមមហាវិទ្យាល័យ វិទ្យាល័យ និងបឋមសិក្សា បង្កើតឱ្យមានគំនិតច្នៃប្រឌិតរកនូវអ្វីៗដែលថ្មី បង្កើតវិធីសាស្រ្តបង្រៀនបែបថ្មីៗ បង្កើតឱ្យមានការប្រគួតប្រជែង ផ្សារភ្ជាប់ទ្រឹស្ត្រី និងការអនុវត្តជាក់ស្តែង និងបណ្តុះស្មារតីអ្នកពាក់ព័ន្ធចូលរួមយ៉ាងសកម្មក្នុងការងារអប់រំ។ លោក ទឹម វនបន្តថា ការតាំងពិព័រណ៍នេះ មានដាក់តាំងបង្ហាញ Poster និង បដាដែលមានសរសេរជារូបបន្ត ទ្រឹស្តី វិធីសាស្រ្តបង្រៀនដែលអាចនាំឱ្យសិស្សងាយយល់ ងាយចាំ។
ក្នុងនោះគរុនិស្សតផ្នែកជីវវិទ្យា បង្ហាញពីការពិសោធន៍សត្វ រុក្ខជាតិ ផ្នែកគណិតវិទ្យា បង្ហាញពីការទាយជោគវាសនាតាមបែបគណិតវិទ្យា ផ្នែកព័ត៌មានវិទ្យា បង្ហាញពីការដំឡើងកម្មវិធីកុំព្យូទ័រ កម្មវិធីបញ្ចូលសំឡេង ផ្នែកសេដ្ឋកិច្ច បង្ហាញពីផលិតផលក្នុងស្រុក មានការហ្វេ ស្កត្នោត ស្រាទំពាំងបាយជូខេត្តពោធិសាត់ និងផ្នែកអក្សសាស្រ្តខ្មែរមានដាក់តាំងបង្ហាញពីវចនានុក្រម កាតែងកំណាព្យជាដើម”។
លោក រៀន ចំរ៉ុង ជាគរុនិស្សិតម្នាក់ទៀតបានរៀបរាប់ថា ការតាំងពិព័រណ៍វិទ្យាសាស្រ្តនេះ មិនត្រឹមតែផ្តល់ឱកាសដល់គរុនិស្សិតគ្រប់ជំនាញបញ្ចេញនូវទេពកោសល្យ និងគំនិតថ្មីដែលកើតឡើងពីការស្រាវជ្រាវប៉ុណ្ណោះទេ វាក៏បានផ្តល់នូវអត្ថប្រយោជន៍ជាច្រើនទៀតដល់ប្រជាពលរដ្ឋទូទៅ ក្នុងការមកកទទួលយចំណេះដឹងពីការតាំងពិព័រណ៍នេះដែរ តាមរយៈអាន នឹងទស្សនា ការសាកសួរសាស្រ្តាចារ្យ និងគរុនិស្សិតគ្រប់ជំនាញ និងមានការសំដែងរឿងខ្លីអប់រំលើកស្ទួយវប្បធម៏ខ្មែរផងដែរ ។
សួមបញ្ជាក់ថា ការតាំងពិព័រណ៍នវិទ្យាសាស្រ្តនេះ ធ្វើឡើងរយៈពេល៣ថ្ងៃចាប់ពីថ្ងៃទី៦ ដល់ទី៨កក្កដាឆ្នាំ២០១២៣រៀបចំឡើងដោយវិទ្យាស្ថានជាតិអប់រំ នៃក្រសួងអប់រំយុវជន និងកីឡាដោយមានការចូលរួមពីសិស្សនិស្សិត លោកគ្រួអ្នកគ្រួមកពីស្ថាប័នរដ្ឋ ឯកជន និងប្រជាពលរដ្ឋប្រមាណ២០០០នាក់៕
.jpg)
.jpg)
.jpg)
ដោយ៖ ស.ស្អាត