ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប.) បានបើកវគ្គបណ្តុះបណ្តាលរយៈពេល ៣ថ្ងៃគឺចាប់នៅថ្ងៃទី៨-៩-១០ខែកក្កដា ឆ្នាំ២០១៣ ដល់ប្រធាននិងសមាជិក បណ្តុះបណ្តាលគ្រូបង្ហាត់ គធ/ខប តំណាងគណបក្សនយោបាយ និង អ្នកសង្កេតការណ៍បោះឆ្នោត ស្តីពីការបោះឆ្នោតការរាប់សន្លឹកឆ្នោត និងការបូកសរុបលទ្ធផលនៃការបោះឆ្នោត នៅទីស្តីការ គ.ជ.ប. ក្នុងក្រសួងមហាផ្ទៃ ។
.jpg)
លោកស្រី បណ្ឌិត ស៊ីន ជុំបូរ អនុប្រធាន គ.ជ.ប. មានមតិសំណេះសំណាលក្នុងពេលបើកវគ្គបណ្តុះបណ្តាលនេះថា អង្គការ និងគណបក្សនយោបាយមួយចំនួន មានការភ័យខ្លាចថា ឈ្មោះខ្លួនដែលត្រូវបោះឆ្នោតនៅឯណារកឈ្មោះមិនឃើញ ដូច្នេះហើយថ្ងៃបោះឆ្នោតមិនបានពេញសិទ្ធិ។ អង្គការខុមហ្វ្រែល បានស្នើសុំឲ្យបិទបញ្ជីបោះឆ្នោត នៅតាមភូមិ និងនៅតាមការិយាល័យបោះឆ្នោត ពីឥឡូវនេះទៅ ដើម្បីប្រជាពលរដ្ឋបានទៅមើល ហើយគ.ជ.ប បានឆ្លើយមួយដងពីរមកហើយ ប៉ុន្តែប្រហែលជាខុមហ្វ្រែល មិនបានមើល។
លោកស្រីបានបន្តថា គ.ជ.ប សូមអភ័យទោស គ.ជ.ប មិនបានធ្វើតាមសំណើខុមហ្វ្រែល យកបញ្ជីហ្នឹងទៅបិទតាមភូមិទេ ហេតុអ្វីបានជាយើងបិទអត់បាន ពីព្រោះបញ្ជីនេះ ជាបញ្ជីផ្លូវការ បើយើងយកទៅបិទតាមភូមិ បិទនៅឯណា អ្នកណាជាអ្នកត្រួតពិនិត្យបញ្ជីនេះ អ្នកណាជាអ្នកទទួលខុសត្រូវ ប៉ុន្តែបើយកបិទនៅផ្ទះមេភូមិ គេថា មេភូមិនេះអញ្ចេះអញ្ចុះទៅទៀត។
លោកស្រី បណ្ឌិត ស៊ីន ជុំបូរ បានមានបន្ថែមថា គ.ជ.ប បានបោះពុម្ភសន្លឹកឆ្នោត ចំនួន១២៣៧១៥០សន្លឹក ហើយក៏មានគេថា បោះអីក៏ច្រើនម្លេះ សូមជម្រាបថា ការបោះរបស់គ.ជ.ប គឺមានការគិតលៃច្បាស់លាស់ គណនាយ៉ាងច្បាស់លាស់ ដើម្បីបំរើការបោះឆ្នោតរបស់យើងបើសិនជាមានការអី យើងមានលទ្ធភាពយកទៅបំពេញការខ្វះខាត ទៅតាមតម្រូវការនៃថ្ងៃបោះឆ្នោតបានគ្រប់គ្រាន់។ ការបោះឆ្នោតនៅឆ្នាំ១៩៩៨ យើងបោះពុម្ភសន្លឹកឆ្នោតនៅស្រុកគេ គឺបោះឌុប។
លោកស្រីបណ្ឌិតបញ្ជាក់ថា រឿងឃោសនាអត់មានបាតុភូតអ្វីដែលថាមានអំពើហិង្សាគួរឲ្យត់សម្គាល់ ទេ ព្រោះថាគ.ជ.បបានសង្កេតឃើថា គណបក្សនយោបាយមួយចំនួនពុំបានអនុវត្តទៅតាមនីតិវិធីរបស់ គ.ជ.ប ហើយគ.ជ.ប ក៏បានសុំរម្លឹកឲ្យគោរព ដើម្បីឲ្យការឃោសនាបានល្អ មានសុខសន្តិភាពទាំងអស់គ្នា។ យើងធ្វើការឃោសនាក្នុងភាពចាស់ទុំ ធ្វើម៉េចជៀសវាងការប៉ះទង្គិចគ្នា។
លោកស្រីបានបន្តថា ចំណែកទឹកខ្មៅដែលបានប្រើរាល់ការបោះឆ្នោត តាំងពីឆ្នាំ១៩៩៨មក គឺយើងបានទិញមកពីកន្លែងផលិតតែមួយ ដូច្នេះគឺគុណភាពអត់ដែលមានបញ្ហាអ្វីនោះឡើយ៕
.jpg)
.jpg)
ដោយ៖ សុវណ្ណរ័ត្ន