ភ្នំពេញ៖ លោកឈាង វុន ប្រធានគណៈកម្មការកិច្ចការបរទេសសហប្រតិបត្តិការអន្តរជាតិឃោសនាការនិងព័ត៌
មានបានមានប្រសាសន៍ឲ្យដឹងថា៖ ក្នុងឋានៈលោកជាប្រជាពលរដ្ឋខ្មែរម្នាក់ និងជាសមាជិកសភាម្នាក់លោកនឹងចូលរួមធ្វើបាតុកម្មអហិង្សាជាមួយប្រជាពលរដ្ឋ និងអតីតអ្នកទោសគុកទួលស្លែងដែល នឹងធ្វើបាតុកម្មនៅថ្ងៃអាទិត្យទី៩ខែមិថុនាឆ្នាំ២០១៣ខាងមុខនេះ។
លោកឈាងវុនបានបន្តថា៖នៅក្នុងប្រទេសប្រជាធិបតេយ្យសេរីពហុបក្សប្រជាពលរដ្ឋមានសិទ្ធិបញ្ចេញមតិ
តាមមធ្យោបាយរបស់ខ្លួន។
លោកបានបន្តថា៖ ពាក្យសម្តីដែល លោក កឹម សុខា ប្រធានស្តីទីគណបក្សប្រឆាំង ដែលបាននិយាយថាគុកទួលស្លែងជាគុកសិប្បនិមិ្មតនោះ បានធ្វើឲ្យមានការប៉ះពាល់ខ្លាំងណាស់ ចំពោះប្រជាពលរដ្ឋខ្មែរទូទាំងប្រទេស
ដែលក្នុងនោះមានអតីតអ្នកទោសគុកទួលស្លែងដែលនៅមានជីវិតរស់នៅផងដែរនោះមានការខឹងសម្បាហើយ
នៅថ្ងៃទី៩ ខែមិថុនា ឆ្នាំ២០១៣ ខាងមុខនេះនឹងមានការប្រមូលផ្តុំគ្នាជាច្រើននាក់ធ្វើមហាបាតុកម្មប្រឆាំងលោក
កឹម សុខា ឲ្យមកសុំទោសនៅគុកទួលស្លែង ។
ទាក់ទង នឹងការប្រមូលផ្តុំរបស់ប្រជាពលរដ្ឋ ដែលជាអ្នករងគ្រោះក្នុងរបបខ្មែរក្រហមហើយមានការឈឺចាប់នឹង
ពាក្យសម្តីរបស់លោក កឹម សុខា នោះលោកឈាងវុនក្នុងឋានៈលោកជាពលរដ្ឋខ្មែរម្នាក់និងជាសមាជិកសភា
គណបក្សប្រជាជនកម្ពុជាម្នាក់ដែរ នោះបានសម្តែងនូវការគាំទ្រប្រជាពលរដ្ឋខ្មែរ ដែលជាអ្នករងគ្រោះក្នុងរបប
ខ្មែរក្រហមទាំងស្រុងក្នុងការប្រមូលផ្តុំគ្នាធ្វើបាតុកម្មអហិង្សាប្រឆាំងលោក កឹម សុខា ហើយទាមទារឲ្យគាត់មក
សុំខមាទោសប្រជាពលរដ្ឋខ្មែរនៅគុកទួលស្លែង ចំពោះខ្លួនខ្ញុំខ្ញុំនឹងចូលរួម។
សូមបញ្ជាក់ថា កាលពីព្រឹកថ្ងៃទី៥ ខែមិថុនា ឆ្នាំ២០១៣ លោកជុំ ម៉ី អតីតអ្នកទោសគុកទួលស្លែងដែលនៅរស់
ជីវិតនិងប្រជាពលរដ្ឋខ្មែរជាច្រើនទៀតនឹងធ្វើមហាបាតកម្មនៅថ្ងៃទី៩ ខែមិថុនា ប្រឆាំងលោកកឹមសុខាដោយ
ទាមទារឲ្យលោកកឹមសុខាមកសុំខមាទោសប្រជាពលរដ្ឋខ្មែរនៅគុកទួលស្លែងនិងមានបាតុកម្មនៅតាមបណ្តា
ខេត្តទូទាំងប្រទេសផងដែរប្រឆាំងលោកកឹមសុខាមេគណបក្សប្រឆាំង។
គណៈកម្មាធិការអចិន្ត្រៃយ៍នៃរដ្ឋសភានៅថ្ងៃទី៥ ខែ មិថុនា ឆ្នាំ២០១៣ នេះបានបើកកិច្ចប្រជុំពិភាក្សាអំពីសេចក្តី
ស្នើច្បាប់ស្តីពីការប្រឆាំងការមិនទទួលស្គាល់ឧក្រិដ្ឋកម្ម ដែលប្រព្រឹត្តឡើង ក្នុងរយៈកាលនៃកម្ពុជាប្រជាធិប
តេយ្យដើម្បីដាក់បញ្ចូលទៅក្នុងកិច្ចប្រជុំវិសាមញ្ញរដ្ឋសភាពេញអង្គដែលគ្រោងធ្វើនៅថ្ងៃទី៧ខែមិថុនាខាងមុខ៕ ដោយ៖ ស.ស្អាត