ភ្នំពេញ៖ សម្តេចព្រះអនុជ នរោត្តម អរុណរស្មី ប្រធានគណបក្សហ៊្វុនស៊ិនប៉ិច បានអំពាវនាវចំពោះប្រជាពលរដ្ឋ
ថា បើស្រលាញ់គណបក្សហ៊្វុនស៊ិនប៉ិច សុំអញ្ជើញទៅបោះ ឆ្នោតឲ្យបានគ្រប់ៗគ្នា ព្រោះសន្លឹកឆ្នោតមួយសន្លឹ
ក របស់បងប្អូន គឺជាអ្នកការសំរេចនូវជោគវាសនាអ្នកដឹកនាំប្រទេសកម្ពុជា  ទាំងមូលនាពេលបច្ចុប្បន្ននឹងទៅ
អនាគតសម្តេចព្រះរាជបុត្រីព្រះអនុជន រោត្តម អរុណរស្មី មានសុវនីយ៍  ដូច្នេះក្នុងឱកាសយាងចុះជួបសំណេះ​សំណាលនិងសួរសុខទុកជាមួយ​សមាជិកសមាជិកាចំនួន​១០៨០នាក់  ដែលគាំទ្រគណបក្សហ៊្វុនស៊ិនប៉ិចស្ថិត
ក្នុងវត្តហង្សឈូក  ឃុំស្វាយ ស្រុកសាមគ្គីមានជ័យខេត្តកំពង់ឆ្នាំងកាលពីថ្ងៃទី០២ខែមិថុនាឆ្នាំ២០១៣​       ។​

ព្រះអង្គបានមានសុវនីយ៍ថា គណបក្សហ៊្វុនស៊ិនប៉ិចបានបំរើជាតិអស់ពេលជាង​៣២ឆ្នាំ និងមានគុណបំណាច់
ជាច្រើនក្នុងរួមកសាងអភិវឌ្ឍន៍ប្រទេសជាតិលើគ្រប់វិស័យ ។​ ជាមួយគ្នានោះព្រះអង្គបានអំពាវនាវ ដល់បងប្អូន
ទាំងអស់ជួយថែរក្សាគណបក្សហ៊្វុនស៊ិនប៉ិចដែលជារបស់យើងទាំងអស់គ្នាឲ្យគង់វង់យូអង្វែងនិងនៅបំរើប្រជា
ពលរដ្ឋគ្រប់ស្រទាប់វណ្ណៈនាពេលអនាគត ។

សម្តេចព្រះអនុជ ក៏រំលឹកហើយរំលឹកទៀតថា គណបក្ស​ហ៊្វុន​ស៊ិនប៉ិច គឺជាក្តេរ៍ដំណែល ដ៏ថ្លៃថ្លារបស់ សម្តេចឪ
សម្តេចតា សម្តេចតាទួតនៃយើងបានបន្សល់អោយអ្នកជំនាន់ក្រោយបន្តថែរក្សាការពារ។​ ដូច្នេះយើងត្រូវនាំគ្នា
បោះឆ្នោតជូនគណបក្សហ៊្វុនស៊ិនប៉ិចដែលមានលេខរៀងទី​២ និងមានរូបសញ្ញាវិមានឯករាជ្យ។​

ទន្ទឹមនឹងនេះ​ព្រះបានសន្យាថា បើគណបក្សហ៊្វុនស៊ិនប៉ិចបានឈ្នះឆ្នោត គណបក្សនិងបំរើបងប្អូនប្រជាពលរដ្ឋ
ដូច​អ្វីដែលយើងឃើញនិងបានជួបហើយកាលសម័យសង្គមរាស្រ្តនិយម​   មានន័យថាគណបក្សហ៊្វុនស៊ិនប៉ិច
ប្តេជ្ញាជាដាច់ខាតគឺដើរតាមលំអាន មាគ៌ាដឹកនាំដ៏ត្រឹមត្រូវបំផុតរបស់អង្គសម្តេចឪនៃយើង។

​ជាមួយគ្នានោះ សម្តេចព្រះអនុជ នរោត្តម អរុណរស្មី ប្រធានគណបក្សក៏បានថ្លែងអំណរគុណចំពោះ​ក្រុមការ
ងារ​គណបក្ស ខេត្តកំពង់ឆ្នាំង​ និងបងប្អូន​ប្រជាពលរដ្ឋ សមាជិក សមាជិកាទាំងអស់ដែលស្រលាញ់របបរាជា
និយមនិងនៅតែគាំទ្រ ហើយបន្តគាំទ្រតទៅទៀតនៅក្នុងការបោះឆ្នោតជ្រើសតាំងតំណាងរាស្រ្តអាណត្តីទី៥
ដែលនឹងប្រព្រឹត្តិទៅនាថ្ងៃទី២៨ ខែ កក្កដា ឆ្នាំ២០១៣ខាងមុខនេះឲ្យបានច្រើនកុះករ។ ​

សម្តេចព្រះអនុជ បានអំពាវនាវចំពោះប្រជាពលរដ្ឋថា បើស្រលាញ់គណបក្សហ៊្វុនស៊ិនប៉ិច សុំអញ្ជើញទៅបោះ
ឆ្នោតឲ្យបានគ្រប់ៗគ្នា ព្រោះសន្លឹកឆ្នោតមួយសន្លឹករបស់បងប្អូនគឺជាអ្នកការសំរេចនូវជោគវាសនាអ្នកដឹកនាំ
ប្រទេសកម្ពុជា ទាំងមូលនាពេលបច្ចុប្បន្ននឹងទៅអនាគត ៕