ភ្នំពេញ៖ប្រមុខរាជរដ្ឋាភិបាលកម្ពុជា សម្តេច តេជោ សែន បានថ្លែងនៅព្រឹកថ្ងៃទី៣១ ខែឧសភា ឆ្នាំ២០១៣ថា ប្រជាជាតិកម្ពុជា នៅមិនទាន់ រួចផុតទាំងស្រុងនៅឡើយទេ នូវ ផលវិបាកអាក្រក់នានា ដែលជាស្លាកស្នាម និង
កាកសំណល់ នៃសង្គ្រាមរ៉ាំរ៉ៃ ព្រមទាំងសោកនាដកម្មពីនៃរបបកម្ពុជាប្រជាធិបតេយ្យ​។

សម្តេចតេជោ សែន បានថ្លែងនៅក្នុងពិធី បើកវេទិកាយុវជនអាស៊ីឆ្នាំ២០១៣ លើប្រធានបទ យុវជន និង សន្តិ
ភាពការពង្រឹង សន្តិភាព ស្ថិរភាព និងការអភិវឌ្ឍ តាមរយៈការអប់រំ នាសណ្ឋាគារ អ៊ីនធឺកុងទីកង់ទីណង់តាល
ថា រហូតមកទល់ពេលបច្ចុប្បន្ននេះ ថ្វីត្បិតប្រទេស និងប្រជាជន កម្ពុជាទាំងមូល សម្រេចបាននូវសុខសន្តិភាព
និងការបង្រួបបង្រួមជាតិដ៏ពេញលេញ នៅក្រោមដំបូលរដ្ឋធម្មនុញ្ញតែមួយ ព្រះមហាក្សត្រតែមួយអង្គ និងរាជ
រដ្ឋាភិបាល តែ  មួយក៏ពិតមែន   ក៏ប៉ុន្តែប្រជាជាតិនៅមិនទាន់អាចជំនះ រួចផុតទាំងស្រុងនៅឡើយទេ នូវផល
វិបាកអាក្រក់នានា ដែលជាស្លាកស្នាម និងកាកសំណល់ ទាំងជារូបវន្ត ទាំងអរូបវន្ត នៃសង្គ្រាមរ៉ាំរ៉ៃ និងសោក
នាដកម្ម ពីអតីតកាលថ្មីៗកន្លងមកនេះ។

សម្តេចនាយករដ្ឋមន្រ្តីបានបន្តថា បទពិសោធន៍នៃការកសាងសន្តិភាព ក៏ដូចជាការបង្រួបបង្រួម និងការផ្សះ
ផ្សារជាតិរបស់កម្ពុជា  បានមកជាមួយ  នឹងការបង់ថ្លៃខ្ពស់ណាស់។ អាស្រ័យហេតុនេះ ខ្ញុំសូមវាយតម្លៃខ្ពស់ ចំពោះប្រធានបទដ៏មានសារសំខាន់ សម្រាប់វេទិកាយុវជនអាស៊ីឆ្នាំ២០១៣នេះ   ដែលបានឆ្លុះបញ្ចាំងឲ្យឃើ
ញយ៉ាងច្បាស់ អំពីបទពិសោធន៍ របស់ប្រទេសមួយចំនួន នៅក្នុងតំបន់ ដូចជាប្រទេសកម្ពុជាជាដើមផងហើ
យក៏ផ្សារភ្ជាប់យ៉ាងស្អិតល្មួត នឹងចរន្តបច្ចុប្បន្នភាព របស់ពិភពលោក ដែលជាកម្មវត្ថុ នៃការយកចិត្តទុកដាក់
ខ្ពស់ សម្រាប់ស្រទាប់យុវជន៕ ដោយ៖ សំអាត