ភ្នំពេញ៖ នៅសល់រយៈពេល ពីបីថ្ងៃទៀតក្នុងដើមខែមិថុនានេះ បើសិនលោក កឹម សុខា ប្រធានស្តីទី គណ
បក្ស សង្គ្រោះជាតិ មិនចេញមកសុំទោសជាសាធារណៈ នៅគុកទួលស្លែង ដើម្បីសុំខមាលទោស អ្នកដែលបាន
ស្លាប់ នៅគុកទួលស្លែង និងជនរងគ្រោះ ដែលនៅរស់មានជីវិតនោះទេ មហាបាតុកម្មមួយ នឹងផ្ទុះឡើងទូទាំង
រាជធានីខេត្ត និងអាចមាននៅក្រៅប្រទេសទៀតផង ។
ជនរងគ្រោះក្នុងរបបកម្ពុជា ប្រជាធិបតេយ្យ បានទុកពេលឲ្យលោក កឹម សុខា ចំនួន១០ថ្ងៃ គឺចាប់ពីថ្ងៃទី២៥ ខែ
ឧសភា ដល់ថ្ងៃទី០៣ ខែមិថុនា ឆ្នាំ២០១៣ បើសិនមិនចេញមកសុំទេ ពួកគាត់នឹងធ្វើមហាបាតុកម្មទាមទារឲ្យ
លោក កឹម សុខា សុំទោសជាសាធារណៈនៅគុកទួលស្លែង។
ជនរងគ្រោះ ដែលជាសាក្សីរស់ បន្សល់ទុកពីរបបកម្ពុជាប្រជាធិបតេយ្យ ( របបខ្មែរក្រហម ) កាលពីព្រឹកថ្ងៃទី២៥
ខែឧសភា ឆ្នាំ២០១៣ បានប្រកាសនៅក្នុងសន្និសីទកាសែតថា នឹងធ្វើមហាបាតុកម្មហែរក្បួន ទៅស្នាក់ការ
កណ្តាលគណបក្ស សង្គ្រោះជាតិ ដើម្បីទាមទារឲ្យលោក កឹម សុខា ប្រធានស្តីទីគណបក្ស សង្គ្រោះជាតិ ធ្វើការ
សុំទោសជាសាធារណៈនៅគុកទួលស្លែង ចំពោះពាក្យសំដីរបស់លោកដែលបាននិយាយថា “គុកទួលស្លែង ជា
សិប្បនិមិត្ត”។
លោក ជុំ មី សាក្សីរស់បន្សល់ទុកក្នុងរបបខ្មែរក្រហមនៅគុកទួលស្លែងបានបញ្ជាក់ថា ក្នុងនាមជាសាក្សីរស់ម្នាក់
លោកមិនអាចនៅស្ងៀម ឲ្យអ្នកនយោបាយណាម្នាក់ បញ្ចេញវោហារស័ព្ទជាសាធារណៈ មួលបង្កាច់ និងបំភ្លៃ
ថា “គុកទួលស្លែងជាសិប្បនិមិត្ត” ហើយលោកពិតជាមិនអាចនៅស្ងៀម ឲ្យអ្នកនយោបាយនោះ ប្រើភាសារ
បែបនេះ បំភ័ន្តប្រជាជនកម្ពុជា និងមនុស្សជាតិទូទាំងពិភពលោក បានជាដាច់ខាត។
លោកមានការឈឺចាប់ណាស់ គឺឈឺចាប់ម្តងទៀត និងឈឺចាប់ឥតឧបមា នៅពេលដែលលោក កឹម សុខា បាន
និយាយជាសាធារណៈថា “គុកទួលស្លែង ជាសិប្បនិមិត្ត” ហើយរបបកម្ពុជាប្រជាធិបតេយ្យ គឺជា “ឆាកល្ខោន
ដែលយួនកុម្មុយនិស្តបានរៀបចំទុក”។
លោក ជុំ ម៉ី បានបញ្ជាក់ថា សំដីបែបនេះ ស្មើនឹងការមាក់ងាយមិនអាចប្រកែកបាន ចំពោះវិញ្ញាណក្ខន្ធរបស់
ជនរងគ្រោះ ដែលបានស្លាប់ក្នុងរបបកម្ពុជាប្រជាធិបតេយ្យ ជាពិសេសអ្នកស្លាប់ នៅក្នុងគុកទួលស្លែងនេះតែ
ម្តង។ម្យ៉ាងទៀតសំដីនេះ ជាការនិយាយសម្រាលទោសឲ្យមេឃាតក ប៉ុល ពត មេដឹកនាំកំពូលកម្ពុជាប្រជាធិ
បតេយ្យ ហើយក៏មានន័យថា ជាការប្រមាថជីវិតប្រជាជនកម្ពុជា ដែលរស់រងទុក្ខវេទនា ក្នុងរបបអមនុស្សធម៌
នេះ។
ពីស្រុកត្បូងឃ្មុំ ខេត្ដកំពង់ ចាម នាព្រឹកថ្ងៃទី៣០ ខែឧសភា ឆ្នាំ២០១៣ នេះ សម្ដេចតេជោ ហ៊ុន សែន នាយករដ្ឋ
មន្ដ្រីនៃកម្ពុជា បានប្រកាសថា ប្រសិនបើ លោកកឹម សុខា មិនបានសុំទោសតបតាម ការអំពាវនាវរបស់អតីត
អ្នកគុកទួលស្លែង លោកជុំ ម៉ី និងលោកប៊ូ ម៉េង ចំពោះការ និយាយរបស់ខ្លួនថា គុកទួលស្លែងជាកន្លែង សិប្ប
និម្មិត បង្កើតឡើងដោយវៀតណាម នោះ ការធ្វើបាតុកម្មទ្រង់ទ្រាយធំ និងកើត មានឡើងនាពេលខាងមុខដ៏
ខ្លីនេះ មិនថា តែក្នុងរាជធានីភ្នំពេញ នោះឡើយប៉ុន្ដែនៅ គ្រប់ទីកន្លែងទូទាំងប្រទេស ពីព្រោះជម្លោះ នេះ មិន
មែនជម្លោះជាមួយនាយករដ្ឋមន្ដ្រី ជាមួយរាជរដ្ឋាភិបាល និងគណបក្សប្រជាជននោះឡើយ ប៉ុន្ដែជាជម្លោះជាមួយប្រជាជននៅទូទាំងប្រទេសតែម្ដង ។
យ៉ាងណាក៏ដោយ ចំពោះការសម្រេចធ្វើ បាតុកម្មប្រឆាំង ប្រធានស្ដីទីគណបក្ស សង្គ្រោះជាតិ លោកកឹម សុខា
ក្នុងនាមជា សិទ្ធិពលរដ្ឋខាងមុខដ៏ខ្លីនេះ សម្ដេចនាយករដ្ឋមន្ដ្រី ក្នុងឋានៈជាមេដឹកនាំប្រទេស សូមអំពាវនាវឱ្យ
ប្រជាពលរដ្ឋទាំងអស់ ដែលចូលរួមបាតុកម្ម ត្រូវរក្សាសណ្ដាប់ធ្នាប់របៀបរៀបរយនិងមិនប្រើអំពើហិង្សានោះ
ឡើយ។
ជាមួយគ្នានេះ សម្ដេចតេជោ ហ៊ុន សែន បានផ្ដាំទុកជាមុនថា សូមអ្នកនយោបាយបក្ស ប្រឆាំងទាំងនេះ កុំផ្ទេរ
ជម្លោះមកសម្ដេច រាជរដ្ឋាភិបាល និង គណបក្សប្រជាជនពីព្រោះជម្លោះនេះជាជម្លោះជាមួយប្រជាជនទាំង
មូលតែម្ដង ដោយសារតែជារឿងធំណាស់ ចំពោះការនិយាយថា គុកទួលស្លែងជាកន្លែង សិប្បនិម្មិត បង្កើត
ឡើងដោយប្រទេសវៀតណាមនោះ ។
ជាថ្មីម្ដងទៀត សម្ដេចតេជោបានបញ្ជាក់ ថា ដើម្បីវាយប្រហារគណបក្សប្រជាជនរាជរដ្ឋាភិបាល គេសុខចិត្ដ
ប្រមាថព្រលឹងប្រជាពលរដ្ឋដែលស្លាប់ដោយការកាប់សម្លាប់នៅក្នុងរបបប៉ុលពត ជាពិសេសប្រជាពលរដ្ឋ
ដែលរងទុក្ខវេទនា និងស្លាប់នៅក្នុងគុកទួលស្លែង។
ចំពោះទង្វើរបស់លោកកឹម សុខា ហើយ មិនហ៊ានសុំទោសនោះ ត្រូវបានសម្ដេចតេជោ អះអាងថា បុគ្គលតែ
ម្នាក់ ប៉ុន្ដែបំផ្លាញគណបក្សទាំងមូលតែម្ដង ហើយបើសិនជាសម្ដេចវិញ នឹងចុះចេញពីតំណែងភ្លាម ។ ចំពោះ
ការផ្ដល់ កិច្ចសម្ភាសន៍ជាមួយវិទ្យុអាស៊ីសេរីដែលលោក កឹម សុខា និយាយថា នោះជាការវិភាគរបស់លោក
ហើយបើវិភាគខុស សូមអធ្យាស្រ័យត្រង់ចំណុចនេះ ត្រូវបានសម្ដេចតេជោ ហ៊ុន សែន ចាត់ទុកថា ជាការ
និយាយក្រឡិចក្រឡុច ពីព្រោះលោក កឹម សុខា បដិសេធនូវសំដីរបស់ខ្លួន ហើយថា ជាការកាត់តសំឡេង ។
សម្ដេចនាយករដ្ឋមន្ដ្រីមិនជឿថា ការកាត់តសំឡេងរបៀបនេះធ្វើកើតនោះឡើយ បើទោះបីក្រុមភាពយន្ដរបស់
ហូលីវូតក៏ដោយ ពោលជាការនិយាយប្រែក្រឡាស់ មិនទទួលខុសត្រូវចំពោះការនិយាយរបស់ខ្លួន នឹងមិនសុំ
ទោស ចំពោះអតីតអ្នកគុកទួល ស្លែង ក៏ដូចជាព្រលឹងអ្នកស្លាប់ ។
ចំណែកលោក កឹម សុខា ប្រធានស្តីទីគណបក្ស សង្គ្រោះជាតិ បានបដិសេធនៅក្នុងសន្និសីទកាសែត កាលពី
ថ្ងៃទី២៩ ខែឧសភា ថា ចំពោះករណីគុកទួលស្លែង (ស-២១) ដែលមានជនមួយក្រុមបានយកពាក្យសំដីលោក
មកកែច្នៃបកស្រាយ គឺផ្ទុយពីខ្លឹមសារ និងគោលនយោបាយដែលលោកចង់និយាយទាំងស្រុង។
លោក កឹម សុខា បានបញ្ជាក់ថា “ខ្ញុំមិនដែលនិយាយថា គុកទួលស្លែងជាគុកសប្បនិមិត្តឡើយ។ ខ្លឹមសារ
ដែលខ្ញុំធ្លាប់បាននិយាយពាក់ព័ន្ធគុកទួលស្លែង ស២១ គឺ : ជនរងគ្រោះ ដែលត្រូវបានគេធ្វើទារុណកម្ម និង
កាប់សម្លាប់ក្នុងគុកនោះត្រូវបានគេមួលបបង្កាច់ ដោយរៀបចំភស្តុតាងក្លែងក្លាយ ដើម្បីទម្លាក់កំហុសដាក់ពួកគាត់៕
ដោយ៖ សុវណ្ណរ័ត្ន