ប្រទេសសូម៉ាលី៖ កាលពីថ្ងៃសុក្រម្សិលមិញ ការបំផ្ទុះគ្រាប់បែកនៅក្នុងទីក្រុង Mogadishu ប្រទេសសូម៉ាលី
បានឆក់យកជីវិតមនុស្សយ៉ាងហោចណាស់ ១១នាក់ ដែលនៅក្នុងចំណោមអ្នកស្លាប់ទាំងអស់នោះគឺរួមមាន
កងយោធា ៦នាក់ផងដែរ ចំណែកឯមនុស្សជាច្រើនអ្នកផ្សេងទៀតគឺរងរបួសជាទំងន់។ មន្រ្តីប៉ូលីសបានអះអាង
ថា ការបំផ្ទុះគ្រាប់បែកខាងលើនេះគឺបានផ្ទុះឡើងនៅក្នុងភោជនីយដ្ឋានមួយកន្លែង ស្ថិតនៅក្បែរមូលដ្ឋានកង
ទ័ពរបស់ប្រទេសសូម៉ាលីនៃតំបន់ Dayniile។ គួរបញ្ជាក់ផងដែរថា ម្ចាស់ហាងមួយកន្លែងនោះ ព្រមទាំងប្តីនិង
កូនប្រុសរបស់នាងគឺស្ថិតនៅក្នុងចំណោមអ្នកស្លាប់ទាំង ១១នាក់ខាងលើនេះ។
អ្នកស្រី Fatuma Hassan ដែលជាម្តាយរបស់ជនរងគ្រោះទាំង ៣នាក់នោះបានមានប្រសាសន៍ទាំងទឹកភ្នែកថា បន្ទាប់ពីមានការបំផ្ទុះគ្រាប់បែករួចមក កន្លែងកើតហេតុខាងលើនេះគឺត្រួវបំផ្លិចបំផ្លាញទាំងស្រុងនិងពោរពេញ
ទៅដោយឈាម។ រហូតមកដល់ពេលនេះ មន្រ្តីប៉ូលីសគឺមិនទាន់បានដឹងថា នរណាជាអ្នកបង្កការបំផ្ទុះគ្រាប់បែក
ខាងលើនេះទេ ក៏ប៉ុន្តែសាក្សីម្នាក់បានអោយដឹងថា តំបន់មួយនេះគឺតែងតែរងការវាយប្រហារជារឿយៗ ពីសំ
ណាក់ ពួកសកម្មប្រយុទ្ធអ៊ីសស្លាម al-Shabab។ គួរបញ្ជាក់ទៀតផងដែរថា ពួកសកម្មប្រយុទ្ធទាំងអស់នោះគឺ
ត្រួវបានបណ្តេញចេញពីទីក្រុង Mogasdishu តាំងតែពីឆ្នាំ ២០១១មកម្លេះ ក៏ប៉ុន្តែពួកសកម្មប្រយុទ្ធទាំងអស់នោះ
គឺបានគ្រប់គ្រងផ្នែកជាច្រើននៅភាគខាងត្បូងនិងតំបន់កណ្តាលនៃប្រទេសនេះ។ ដោយ៖ តុលា