ភ្នំពេញ៖ សភាអាណត្តិទី៤សម័យប្រជុំលើកទី៩  នីតិកាលទី៤  ត្រូវបានប្រកាសបិទដោយ​សម័យប្រជុំ
របស់ ដោយសម្តេចហេងសំរិនប្រធានរដ្ឋសភាដើម្បីរងចាំរហូតដល់សភា​អាណត្តិ​ទី៥ចូលកាន់តំណែង
ថ្មីក្រោយការបោះឆ្នោតជ្រើសរើសតំណាងរាស្រ្តនីតិកាលទី៥ឆ្នាំ២០១៣ដែលនឹងចូលមកដល់នៅថ្ងៃទី២៨
ខែកក្កដា   ខាងមុខនេះ។

ការប្រកាសបិទសម័យប្រជុំអាណត្តិទី៤គឺធ្វើឡើងក្រោយពីរដ្ឋសភាបានអនុម័តលើសេចក្តី​ព្រាងច្បាប់ស្តី
ពី\ការអនុម័តយល់ព្រមលើពិធីសារបន្ថែមណាហ្គោយ៉ា-កូឡាឡំពួរស្តីពីការ​ទទួលខុសត្រូវផ្នែកច្បាប់និង
សំណងការខូចខាតទៅនឹងពិធីសារកាតាហ្សេណាស្តីពីជីវ​សុវត្ថិភាពនៅព្រឹកថ្ងៃ សុក្រទី១០     ខែឧសភា
ឆ្នាំ២០១៣  នេះនាវិមានរដ្ឋសភា។

សម្តេចប្រធានរដ្ឋសភាកម្ពុជាបានឲ្យដឹងថាដោយផ្អែកទៅតាមមាត្រា៨៣នៃរដ្ឋធម្មនុញ្ញកម្ពុជានិងយោង
ប្រការ១នៃបទបញ្ជផ្ទៃក្នុងនៃរដ្ឋសភាបានចែងថាសម័យប្រជុំនីមួយៗរបស់​រដ្ឋសភាមានថេរៈវេលាយ៉ាង
តិច៣ខែ។  ដូច្នេះគិតពីថ្ងៃពុធទី១៤  ខែវិច្ឆិកា  ឆ្នាំ២០១២  ដល់ថ្ងៃសុក្រទី១០  ខែឧសភា  ឆ្នាំ២០១៣នេះ
សម័យប្រជុំរដ្ឋសភាលើកទី៩នីតិកាលទី៤នេះមានរយៈពេលលើសពី៣ខែរួចទៅហើយ។

សម្តេចបានបន្តថាខ្ញុំសូមប្រកាសបិទសម័យប្រជុំសភាលើកទី៩នីតិកាលទី៤ នៅថ្ងៃនេះគឺថ្ងៃសុក្រ ទី១០
ខែឧសភា  ឆ្នាំ២០១៣  ក្នុងអាណត្តិទី៤  ដែលយើងត្រូវបញ្ចប់ការប្រជុំរហូតដល់​សម័យប្រជុំរដ្ឋសភាអា
ណត្តិថ្មីទើបយើងចាប់ផ្តើមបន្តទៀត។

សូមបញ្ជាក់ថាកិច្ចប្រជុំសភាលើកទី៩  នីតិកាលទី៤ ដែលចាប់ផ្តើមតាំងពីថ្ងៃពុធទី១៤   ខែវិច្ឆិកា    ឆ្នាំ
២០១២កន្លងមកនេះ។សភាកម្ពុជាបានអនុម័តលើសេចក្តីព្រាងច្បាប់ចំនួន១៦ដែលត្រូវបានសើ្នឡើង
ដោយរាជរដ្ឋាភិបាលនិងបានធ្វើការជ្រើសតាំងសមាជិកក្រុមប្រឹក្សា​រដ្ឋធម្មនុញ្ញចំនួន១រូបផងដែរ៕