ភ្នំពេញ៖ ក្នុងមុខតំណែងជាអភិបាលរាជធានីភ្នំពេញដែលទើបប្រកាសចូលកាន់តំណែងជាផ្លូវការជំនួស លោក
កែប ជុតិមា នាព្រឹកថ្ងៃទី៦ ខែឩសភា ឆ្នាំ២០១៣នេះបានបើកកិច្ចប្រជុំជាលើកដំបូងជាមួយមន្រ្តីប្រមាណជា
៣០០នាក់ដើម្បីបន្តអនុវត្តការងារអភិវឌ្ឍន៍ទីក្រុងឱ្យកាន់តែរីកចំរើនបន្ថែមទៀត។
អ្នកនាំពាក្យសាលារាជធានីភ្នំពេញលោក ឡុង ឌីម៉ង់ បានឲ្យដឹងថាកិច្ចសំណះសំណាលរបស់លោក ប៉ា
សុជាតិវង្ស អភិបាលរាជធានីភ្នំពេញជាមួយនិងក្រុមមន្រ្តីនៅព្រឹកនេះដើម្បីជជែកគ្នាឲ្យដឹងអំពីភារៈកិច្ចដែល
ក្រុមមន្រ្តីត្រូវធ្វើបន្តហើយក៏ដូចជាការចាប់ផ្តើមអនុវត្តកិច្ចការងារទីក្រុងនាពេលបច្ចុប្បន្ននិងទៅអនាគត។
លោក ឡុង ឌីម៉ង់ បន្តឱ្យដឹងទៀតថាអភិបាលរាជធានីភ្នំពេញក៏បានថ្លែងទៅកាន់មន្រ្តីក្រោមឱវាទទាំងអស់
ឲ្យរួមគ្នាសាមគ្គីបន្តកិច្ចការងារនិងធ្វើយ៉ាងណាបង្ខិតរដ្ឋបាលឲ្យគៀកប្រជាពលរដ្ឋគឺមានន័យថាអាជ្ញាធរត្រូវ
ខិតខំបំពេញតម្រូវការសេវាសាធារណៈដល់ប្រជាពលរដ្ឋឲ្យបានល្អនិងឆាប់រហ័ស៕
សស្អាត