ភ្នំពេញ៖ គ្រឹះស្ថានមីក្រូហិរញ្ញវត្ថុ អេ អឹម ខេ ជាគ្រឹះស្ថានឈានមុខមួយនៅព្រះរាជាណាចក្រកម្ពុជា គ្រោងរៀប​ចំពិ​ធីសម្ពោធការិយាល័យថ្មី​របស់ខ្លួន​​នៅការិយាល័យកណ្តាលរាជធានីភ្នំពេញ ដែលពិធីសម្ពោធនេះនិងប្រព្រឹត្តទៅនៅ ថ្ងៃទី 28 ខែមីនា ឆ្នាំ 2014 ខាងមុខនេះ។ នៅក្នុងពិធីនោះនិងមានការចូលរួម ក្រោមអធិបតីភាពរបស់ឯកឧត្តម  គិម វ៉ាដា អគ្គនាយកត្រួតពិនិត្យ​ នៃធនាគារជាតិ នៃកម្ពុជា  និង ជាតំណាងដ៏ខ្ពង់ខ្ពស់របស់ឯកឧត្តម​ជា ចាន់តូ  ទេសា​ភិ    បាលនៃធនាគារ​ជាតិ​នៃ​កម្ពុជា និងមានការចូលរួមពី សំណាក់ភ្ញៀវកិត្តិយសជាតិ និងអន្តរជាតិជាច្រើនរូបទៀត។  នៅ​ថ្ងៃសម្ពោធនេះដែរ អេ អឹម ខេ បានបើកដំណើរការជាផ្លូវការនូវការិយាល័យ ចំនួន 11 កន្លែង ដែលក្នុងនោះ​​​​​​​រួម​មាន ការិយាល័យកណ្តាល​រាជ​ធានីភ្នំពេញ (សាខារាជធានីភ្នំពេញ) និង​ ការិយាល័យផ្សេងទៀតរួមមាន អនុសាខា​​អូឡាំពិក អនុសាខាផ្សារចាស់ សាខាសៀមរាប សាខាមោងឬស្សី សាខាបាត់ដំបង សាខាស្វាយរៀង សាខា​ព្រះសីហនុ សាខាតាកែវ  សាខាកំពង់ស្ពឺ និង សាខាកំពង់ចាម។

អេ អឹម ខេ គឺជាគ្រឹះស្ថានមីក្រូហិរញ្ញវត្ថុ ដែលទទួលបានអាជ្ញាបណ្ណ ​អស់រយៈពេលជាងមួយទសវត្ស​មកហើយ ហើយ​មានបេសកកម្ម ជួយដល់ប្រជាពលរដ្ឋក្រីក្រនៅតាមជនបទ ឲ្យមានជីវភាពកាន់តែប្រសើរឡើងតាមរយៈការ ផ្តល់ សេវាហិរញ្ញវត្ថុសមស្រប និងឋិតឋេរ។  តាមរយៈការខិតខំប្រឹងប្រែង និងយុទ្ធសាស្រ្តយូរអង្វែង អេ អឹម ខេ  កាន់​តែទទួល បានការគាំទ្រ និងការផ្តល់ទំនុកចិត្តខ្ពស់ពីអតិថិជន។  អេ​ អឹម ខេ  ជឿជាក់ថា ពិធី​​​​​​​​សម្ពោធការិយា​ល័យ​​​​​​​​​​​​ថ្មី របស់ ខ្លួន នាពេលនេះ នឹងធ្វើឲ្យសាធារណជនកាន់តែស្គាល់ និងមានជំនឿជឿជាក់លើ​សេវា​ហិរញ្ញវត្ថុ​របស់​ខ្លួនថែមមួយ កម្រិត ទៀត។ ផ្អែកតាមទស្សនវិស័យ និងបេសកកម្មរបស់ខ្លួន អេ អឹម ខេ បានបោះជំហានរីក​​​​​​​​​​​​​​​​​​​​​ចម្រើន​គួរ​​​​​​​​​​​ឲ្យកត់សម្គាល់។ គ្រឹះស្ថានមីក្រូហរិញ្ញវត្ថុ អេ អឹម​ ខេ ​មានដើមកំណើត​មកពីកម្មវិធីឥណទាន​​​​​​​​​​​​​​​​​​​​​​​​​​​​​​​​​និងសន្សំ​សហគមន៍​របស់អង្គការ      អន្តរជាតិ Concern Worldwide​ ដែលបានចាប់ផ្តើម​ការងារ​របស់ខ្លួនក្នុងប្រទេសកម្ពុជាតាំង​ពីឆ្នាំ1​993​មក​ម្ល៉េះ។ ក្រោមការ លើក ទឹកចិត្តពីធនាគាជាតិនៃកម្ពុជា និង ការប្តេជ្ញាចិត្តពីអង្គការ Concern Worldwide​​ ក្នុងការ​ចូល​រួម   ចំណែ​កកាត់បន្ថយ ភាពក្រីក្រ និងកាត់បន្ថយគម្លាតក្នុងការផ្តល់សេវាកម្មហិរញ្ញវត្ថុ​ ដល់​ប្រជាជន​ក្រីក្រ​តាម​តំបន់​ជនបទ  កម្មវិធីឥណទាន​និង សន្សំសហគមន៍របស់អង្គការ Concern Worldwide ត្រូវ​បាន​​ផ្លាស់ប្តូរទៅជា ក្រុមហ៊ុនឯក​ជន​​​​​​​​​​​ទទួលខុស ត្រូវមាន កំណត់ដែលសព្វថ្ងៃហៅថា “អេ អឹម​ ខេ” នៅ​ក្នុងខែមេសា ឆ្នាំ2003 និងបានទទួល       អជ្ញា​បណ្ណ​​​​​​​​​​​ក្នុងនាមជាគ្រឹះស្ថាន មីក្រូហិរញ្ញវត្ថុ ពីធនាគាជាតិនៃកម្ពុជាក្នុងខែ​ឧសភា ឆ្នាំ2004 ហើយបន្ទាប់មកត្រូវ​បាន​ធនាគារ​ជាតិនៃកម្ពុជា ផ្តល់អាជ្ញា បណ្ណទទួលប្រាក់បញ្ញើរពីសាធារណជន នៅ​ឆ្នាំ​2010។​

ដោយគិតមកត្រឹមថ្ងៃទី​31 ខែធ្នូ ឆ្នាំ2013 ​នេះ អេ អឹម ​ខេ មានវត្តមាននៅគ្រប់ខេត្តក្រុង  និងស្រុកទាំងអស់ ទូទាំង​ព្រះរាជា​ណាចក្រកម្ពុជា និងបានគ្របដណ្តប់រហូតដល់ 96％　 នៃចំនួនឃុំ  និង 81% នៃ ចំនួនភូមិសរុប។ គ្រឹះ ស្ថាន ​អេ អឹម ​ខេ  មានបុគ្គលិក​​ចំនួន​1444 នាក់ ព្រមទាំងមានការិយាល័យសរុប​ចំនួន 128 កន្លែង ​និងមានភ្នាក់ងារ សរុប​ចំនួន 295 ​។ បច្ចុប្បន្ននេះ អេ អឹម​ ខេ ជាគ្រឹះស្ថានហិរញ្ញវត្ថុមួយ​ដែលមានចំណែកទីផ្សារធំជាងគេ​នៅ​កម្ពុជា ដែល​​​មាន​អតិថិជិនសរុបជាង 380.000 នាក់ ​ដែលក្នុងនោះ អតិថិជនប្រាក់កម្ចីជាង 320.000 នាក់និងអតិថិ ជនដាក់ ប្រាក់​​​​សន្សំជិត 6.0000​ នាក់ ហើយមាន​សំពាធឥណទានជិត 78 លាន​​ដុល្លារ​អាមេរិក ជាមួយអត្រា​ឥណទាន​មិន​ដំណើរការ​មាន​ត្រឹមតែ 0.16% និង​ មានសមតល្យប្រាក់សន្សំ​​សរុបជាង ​18លានដុល្លារ​អាមេរិក ។

ដោយ៖ អភិរក្ស