ទីក្រុង New York៖ កាលពីថ្ងៃពុធម្សិលមិញ ការបាក់រលំអាគារ ២កន្លែងនៅក្នុងទីក្រុង New York បានឆក់
យកជីវិតមនុស្សចំនួន ៤នាក់និងបានបណ្តាលអោយមនុស្សជាច្រើននាក់ទៀតបានបាត់ខ្លួន ចំណែកអ្នកខ្លះ
ទៀតគឺបានទទួលរងរបួសជាទំងន់។ មន្រ្តីប៉ូលីសបានអះអាងថា មូលហេតុនៃការបាក់រលំអាគារខាងលើនេះ
គឺបណ្តាលមកពីការផ្ទុះធុងហ្គាស។ លោក Michael Parrella អ្នកនាំពាក្យរបស់នាយកដ្ឋានពន្លត់អគ្គីភ័យ
បានមានប្រសាសន៍ថា បន្ទាប់ពីអាគារទាំង ២ខាងលើនេះបានបាក់ស្រុតរួចមក ក្រុមអ្នកជួយសង្រ្គោះជា
ច្រើននាក់បានសហការជាមួយគ្នាយ៉ាងស្វិតស្វាញក្នុងការពន្លត់អគ្គីភ័យនិងស្វែងរកមនុស្សដែលបានជាប់
គាំងក្នុងគំនរបាក់បែក។ លោក Parrella បានមានប្រសាសន៍បន្តទៀតថា មនុស្សប្រហែល ៩នាក់គឺបាន
បាត់ខ្លួន ក៏ប៉ុន្តែអ្នកនាំពាក្យរបស់មន្រ្តីប៉ូលីសបានអះអាងថា មនុស្សដែលបានបាត់ខ្លួនគឺមានចំនួនប្រហែល
៥នាក់ប៉ុណ្ណោះ៕ ដោយ៖ តុលា
