ភ្នំពេញ៖ ប្រធានគ្រប់គ្រងទូទៅរបស់ក្រុមហ៊ុន VTrust RealtyCo.,Ltd លោក អ៊ិន ស៊ីថាបានឲ្យដឹងថា ទីផ្សារ អចលនទ្រព្យនៅកម្ពុជាកាន់តែមាន ភាពល្អប្រសើរឡើងហើយដោយសារប្រជាជនមានជីវភាពធូរធារដែ
លអាចធ្វើឲ្យពួកគាត់មានលទ្ធភាពអាចទិញអចលនទ្រព្យបាន។ លោកបន្ថែមថា ក្រៅពីនេះកម្ពុជាក៏ជាទិស
ដៅនៃទីផ្សារ អចលនទ្រព្យរបស់ ជនបរទេសផងដែរដោយសារតែនាពេលបច្ចុប្បន្ននេះលំហូរទុនវិនិយោគ
ពី បរទេសលើវិស័យនេះកំពុងតែមានកំណើន ហើយក្រុមហ៊ុនដែលបាននឹងកំពុងវិនិយោគនៅផ្នែកនេះមា
នដូចជា៖ ជប៉ុន ចិន កូរ៉េខាងត្បូងសហរដ្ឋអាមេរិកជាដើម។ លោកបន្តថា តម្លៃដីក្នុងរាជធានីភ្នំពេញក្នុងឆ្នាំ
២០១៤ នឹងមិនថមថយនោះទេ។ លោកបានរំពឹងថាសម្រាប់៥ឆ្នាំទៅមុខទីផ្សារអចលនទ្រព្យនៅកម្ពុជា
នឹងមានការកើនឡើងបន្តទៀត។
ប្រការដែលធ្វើឲ្យដីឡើងថ្លៃ គឺមានកត្តាពីរយ៉ាងដូចជា៖ ទី១ កំណើន និងតម្លៃនៃសេដ្ឋកិច្ចមានការកើនឡើង
និងទី២ ការចូលរួមវិនិយោគពីធនាគារដែលអនុញ្ញាតផ្តល់កម្ចីផ្នែកអចលនទ្រព្យដល់អតិថិជន។ របាយការ
ណ៍ស្រាវជ្រាវដោយក្រុមហ៊ុននៅក្នុងសម្ព័ន្ធ VTrust Group ចេញផ្សាយកាលពីចុងសប្តាហ៍កន្លងទៅបញ្ជាក់
ថាតម្លៃដីជាមធ្យមនៅតាម ដងផ្លូវសំខាន់ៗក្នុងរាជធានីភ្នំពេញមានតម្លៃមធ្យមប្រហែលជា១.៥៦០ដុល្លារអា
ម៉េរិកក្នុងមួយម៉ែត្រការ៉េហើយតម្លៃដីទាបបំផុត គឺ៤០ដុល្លារ អាម៉េរិកក្នុងមួយម៉ែត្រការ៉េខណៈដែលតម្លៃដី
ខ្ពស់បំផុតមានដល់៥.០០០ដុល្លារអាម៉េរិកក្នុងមួយម៉ែត្រការ៉េ។ ចំណែកនៅតាមផ្លូវលំក្នុងរាជធានីភ្នំពេញវិ
ញតម្លៃខ្ពស់បំផុត៣.៣០០ ដុល្លារអាម៉េរិកក្នុងមួយម៉ែត្រការ៉េ ហើយតម្លៃដីមធ្យមគឺមានចំនួន៩៤០ដុល្លារ
អាម៉េរិកក្នុងមួយម៉ែត្រការ៉េ និងទាបបំផុតតម្លៃ២០ដុល្លារអាម៉េរិកក្នុងមួយម៉ែត្រការ៉េ។
ដីដែលមានតម្លៃខ្ពស់ គឺមាននៅទីតាំងក្នុងសង្កាត់បឹងកេងកង១ ខណ្ឌចំការមន ដែលមានរហូតដល់៥.៩០០
ដុល្លារអាម៉េរិក ក្នុងមួយម៉ែត្រការ៉េ។ រីឯតម្លៃដីដាក់លក់ទាប បំផុតគឺពាក់ព័ន្ធនឹងលក្ខណៈដីផលប្រយោជន៍
សេដ្ឋកិច្ច និងទីតាំងផងដែរ។ ទីតាំង មួយចំនួនដែលមានតម្លៃដីដាក់លក់ទាបបំផុតនោះគឺស្ថិតនៅសង្កាត់
ពញាពន់ ខណ្ឌ សែនសុខដែលមានតម្លៃលក់ត្រឹម១០ ដុល្លារ អាម៉េរិកក្នុងមួយម៉ែត្រការ៉េដោយសារតម្លៃ
នោះជាតំបន់មិនអំណោយផលដល់ការប្រកបអាជីវកម្ម និងមានការ អភិវឌ្ឍតិចតួច។ រីឯតម្លៃដីដែលមាន
ហាងឆេងខ្ពស់ជាងគេត្រូវបានរកឃើញនៅតំបន់ បឹងកេងកង១ ខណ្ឌចំការមនបន្ទាប់មកគឺនៅខណ្ឌ ដូន
ពេញ ខណ្ឌ៧មករា ខណ្ឌទួលគោក និង ខណ្ឌមានជ័យ។ លោក ចេង ខេង ប្រធានសមាគមអ្នកវាយតម្លៃ
និងភ្នាក់ងារអចលនវត្ថុកម្ពុជា និងជាអគ្គនាយកក្រុមហ៊ុនអចលនទ្រព្យ ស៊ី ភី អិលបានមានប្រសាសន៍ឲ្យ
ដឹងថាតំបន់សង្កាត់និរោធន៍ស្ថិតនៅក្នុងខណ្ឌ មានជ័យនាពេលបច្ចុប្បនេះកំពុងក្លាយជាតំបន់ដ៏មានសក្តា
នុពលខ្លាំង ក្នុងការអភិវឌ្ឍន៍សំណង់អគារលំនៅស្ថាន និងប្រភេទ ខុនដូ និងជាតំបន់ស្ថិតនៅចំណុចកណ្តា
លនៃគម្រោងអភិវឌ្ឍន៍ដែលបានអភិវឌ្ឍន៍ និងកំពុងអភិវឌ្ឍន៍នៅក្នុងគម្រោងផែនការមេរបស់រាជរដ្ឋាភិ
បាល៕ ដោយៈភីនរ៉ា