ប្រទេសប៉ាគីស្ថាន៖ កាលពីថ្ងៃច័ន្ទម្សិលមិញ ការវាយប្រហារដោយគ្រាប់បែកចំនួន ២គ្រាប់មកលើតុលាការ កាត់ក្តីមួយកន្លែងក្នុងទីក្រុង Islamabad បានឆក់យកជីវិតមនុស្សយ៉ាងហោចណាស់ ១១នាក់និងបាន
បណ្តាលអោយមនុស្សប្រហែល ២៤នាក់ផ្សេងទៀតទទួលរងរបួសជាទំងន់។ មន្រ្តីប៉ូលីសបានមានប្រសាស
ន៍ថា ចៅក្រមម្នាក់និងមេធាវីជាច្រើននាក់ទៀតគឺស្ថិតនៅក្នុងចំណោមអ្នកស្លាប់និងអ្នករងរបួសខាងលើនេះ។ មន្រ្តីប៉ូលីសបានបញ្ជាក់ថា បន្ទាប់ពីខ្មាន់កាំភ្លើងមួយក្រុមខាងលើនេះបានបំផ្ទុះគ្រាប់បែក ២គ្រាប់រួចមកពួក
គេទាំងអស់នោះក៏ចាប់ផ្តើមធ្វើការបាញ់សំលាប់យ៉ាងសាហាវមកលើក្រុមអង្គចៅក្រមនិងមេធាវីដែល ស្ថិតនៅក្នុងតុលាការខាងលើនេះ។ លោក Sikandar Hayat អគ្គស្នងការប៉ូលីសប្រចាំទីក្រុង Islamabad
បានមានប្រសាសន៍អោយដឹងថា ជនដៃដល់ ២នាក់គឺបានបំផ្ទុះគ្រាប់បែកសំលាប់ខ្លួនឯង នៅពេលដែល
ត្រួវមន្រ្តីប៉ូលីសឡោមព័ទ្ធ៕ ដោយ៖ តុលា
