ប្រទេសអ៊ុយក្រែន៖ កាលពីព្រឹកថ្ងៃព្រហស្បត្តិ៍នេះ កងកម្លាំងរបស់ប្រទេសអ៊ុយក្រែនគឺបានប្រកាសដំណឹង
អាសន្នភ្លាមៗមួយដល់ប្រជាជនទូទៅនៅក្នុងតំបន់ Crimea បន្ទាប់ពីពួកខ្មាន់កាំភ្លើងមួយក្រុមធំដែលគាំទ្រ
ដោយប្រទេសរូស្ស៊ីបានរឹបអូសអាគាររបស់រដ្ឋាភិបាលអ៊ុយក្រែននៅក្នុងតំបន់ Crimea ។ មន្រ្តីប៉ូលីសបាន
មានប្រសាសន៍ថា ពួកខ្មាន់កាំភ្លើងទាំងអស់នោះបានបង្ហូតទង់ជាតិប្រទេសរូស្ស៊ីយ៉ាងខ្ពស់នៅក្នុងរដ្ឋធានី
Simferopol។ មន្រ្តីប៉ូលីសបានមានប្រសាសន៍បន្ថែមទៀតថា ការរឹបអូសអាគារខាងលើនេះគឺបានកើត
ឡើង បន្ទាប់ពីមានការប្រឈមមុខដាក់គ្នាយ៉ាងសាហាវរវាងសកម្មជនផ្តាច់ខ្លួនដែលគាំទ្រដោយប្រទេស
រូស្ស៊ីនិងក្រុមអ្នកគាំទ្រមេដឹកនាំថ្មីរបស់ប្រទេសអ៊ុយក្រែន។ លោក Mark Lowen ភ្នាក់ងារសារព័ត៌មាន
របស់ BBC បានរាយការណ៍ថា ការរឹបអូសបែបនេះគឺបញ្ហាមួយដ៏សំខាន់ដែលជម្រុញអោយមានភាពតា
នតឹងកាន់តែខ្លាំងថែមទៀតរវាងភាគីទាំងសងខាង។ លោក Anatoliy Mohylyov មន្រ្តីគ្រប់គ្រងប្រចាំតំ
បន់ Crimea បានមានប្រសាសន៍ប្រាប់ស្ថានីយ៍ទូរទស្សន៍ក្នុងស្រុកថា គាត់នឹងចូលរួមនៅក្នុងកិច្ចចចារ ជាមួយក្រុមខ្មាន់កាំភ្លើងទាំងអស់នោះ៕ ដោយ៖ តុលា
