ភ្នំពេញ៖ កាកបាទក្រហម អឌ្ឍចន្ទក្រហម ៨ឧសភា ឆ្នាំ ២០១៤នេះ ដល់និសិ្សតសកលវិទ្យាល័យ ភូមិន្ទ ភ្នំពេញ ចំនួន២០០នាក់ ឲ្យបានយល់ដឹង កាន់តែច្បាស់ អំពីប្រតិបត្តិការ របស់ កាកបាទក្រហម និងអឌ្ឍចន្ទក្រហម។ ដើម្បីអបអរសាទរ ខួបលើកទី១៥១ ទិវាពិភពលោក កាកបាទក្រហម អឌ្ឍចន្ទក្រហម៨ឧសភា ឆ្នាំ ២០១៤ នេះ នៅថ្ងៃទី១៨ ខែមីនា នេះកាកបាទក្រហមកម្ពុជាបានបង្ហាញ ឲ្យនិស្សិតទាំងអស់បានយល់ ដឹងកាន់តែច្បាស់ អំពីប្រតិបត្តិការ របស់កាកបាទក្រហមនិងអឌ្ឍចន្ទក្រហម ពីប្រវត្តិការ កកើត របស់ស្ថាប័ន មនុស្សធម៌ និងពីការយកចិត្តទុកដាក់យ៉ាងមួសមុតចំពោះ ការជួយដល់ប្រជាពលរដ្ឋ ទូទាំងប្រទេស ក្នុងការសង្គ្រោះគ្រប់រូបភាព។
គោលការគ្រឺះនៃការបំពេញការងារ មនុស្សធម៌ របស់កាកបាទក្រហមកម្ពុជា គឺត្រូវតែមានការ អនុវត្តន៍គោលជំហរភាពមនុស្សធម៌ ភាពមិនលំអៀង អព្យាក្រឹតភាព ឯករាជ្យភាព សេវាកម្មស្ម័គ្រចិត្ត ឯកភាព និង សកលភាព ។លោកជំទាវ ម៉ែន នារីសោភ័គ អគ្គលេខាធិការរង កាកបាទក្រហមកម្ពុជាមានប្រសាសន៍ថា ក្នុងនាមជាចលនាកាកបាទក្រហម យើងមានបំណងជួយសង្គ្រោះជនរងគ្រោះទាំងអស់ ដែលមានភាព ខ្វះខាត នៅតាមសហគមន៍ ក្នុងតំបន់ដាច់ស្រយាលទីប្រជុំជន និងនៅទូទាំងប្រទេស។
វេទិការយុវជនរបស់ កាកបាទក្រហមកម្ពុជាដែលបានរៀបចំឡើងនៅពេលនេះ ក្នុងបំណងឲ្យមនុស្សគ្រប់រូបយល់កាន់តែច្បាស់អំពីភារៈកិច្ច និងការផ្សព្វផ្សាយបន្តអ្នកដែលមិនបានដឹងផងដែរ ។ យុទ្ធនាការទាំងនេះ ក៏ដើម្បីរំលឹកអ្នកស្ម័គ្រចិត្ត បុគ្គលិកនិងអ្នកទទួលផល អំពីការផ្សាភ្ជាប់ ជាវិជ្ជមាន ជាលើកដំបូង របស់ចលនា ចំរុញបំផុសទឹកចិត្ត របស់ពួកគេ ដើម្បីបន្តចូលរួមផ្តល់សេវាកម្មជូន កាកបាទក្រហម អឌ្ឍចន្ទក្រហម ។
បើតាម និស្សិតសកលភូមិន្ទភ្នំពេញម្នាក់បានឲ្យដឹងថា សកម្មភាពរបស់កាកបាទក្រហមកម្ពុជា នាពេលនេះគឺជាសកម្មភាពមួយយ៉ាងសកម្មបំផុត ចំពោះប្រជាពលរដ្ឋគ្រប់សហគមន៍ ខេត្ត ក្រុង តំបន់ជនបទនានា ក្នុងការចុះជួយ គ្រប់ទីកន្លែង ដែលប្រជាពលរដ្ឋ ជួបការលំបាក ។ កាកបាទក្រហមកម្ពុជា កំពុងចុះជួយ និងណែនាំដល់ ប្រជាពលរដ្ឋអំពីបញ្ហាចំនីអាហារអាហាររូបត្ថម្ភ ក៏ដូចជា អាហារដែលមាន សាធាតុគីមីដែលអាចបង្ករគ្រោះថ្នាក់ ដល់អាយុជីវិតដល់ប្រជាពលរដ្ឋគ្រប់ស្រទាប់វណ្ណៈផងដែរ។
កាកបាទក្រហមកម្ពុជា មិនដែលភ្លេចពីការលំបាករបស់ប្រជាជននោះឡើយគឺតែងតែជួយដល់ប្រជាជន ដែលរងគ្រោះដោយសារគ្រោះធម៌ជាតិ ទប់ស្កាត់ការឈឺចាប់ ការលំបាក ទីទាល់ ការខ្វះខាត និងភាពវេទនារបស់ ប្រជាជនគ្រប់រូប ទីណាមានភាពលំបាក ទីនោះត្រូវតែមាន កាកបាទក្រហម ។ ដើម្បីអបអរសាទរ ខួប
លើកទី១៥១ ទិវាពិភពលោក កាកបាទក្រហម អឌ្ឍចន្ទក្រហម ៨ឧសភា ឆ្នាំ២០១៤នេះ កាកបាទក្រហមកម្ពុជា នឹងបើកយុទ្ឋនាការ ផ្សព្វផ្សាយវេទិកាយុវជន នៅតាមគ្រឹះស្ថានឧត្តមសិក្សា មួយចំនួននៅរាជធានីភ្នំពេញ ។ ពិធីអបអរសាទរ ខួបលើកទី១៥១ ទិវាពិភពលោក កាកបាទក្រហម អឌ្ឍចន្ទក្រហម ៨ឧសភា ក្រោមប្រធានបទ ខ្ញុំ និងកាកបាទក្រហម ក្រោមអធិបតីភាពដ៏ខ្ពង់ខ្ពស់នៃ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចគតិព្រឹទ្ឋបណ្ឌិត ប៊ុន រ៉ានីហ៊ុន សែន ប្រធាន កាកបាទក្រហមកម្ពុជា៕ ដោយ៖ អភិរក្ស