ភ្នំពេញ៖ សហរដ្ឋអាមេរិកប្រកាសបង្កើនជំនួយជិត2ដងដល់មជ្ឈមណ្ឌលសកម្មភាពកម្ចាត់មីនកម្ពុជាស៊ីម៉ាក់ ដើម្បីបង្កើនកិច្ចប្រតិបត្តិការបោះសំអាតគ្រាប់យុទ្ធភណ្ឌមិនទាន់ផ្ទុះសល់ពីសម័យសង្គ្រាមរវាងវៀត ណាមនិង
សហរដ្ឋអាមេរិក នៅក្នុងខេត្តនានាជាប់ព្រំដែនកម្ពុជា វៀតណាម។ ក្នុងជំនួបពិភាក្សាការងារនៅក្នុងមជ្ឈមណ្ឌ
លស៊ីម៉ាក់នាថ្ងៃទី27 ខែកុម្ភៈនេះ លោកវរៈសេ នីយ៍​ឯក​Colonel Stanley Bronw (ខូលូនែល ស្ទែត​ឡី​ប្រោន​)​នាយកផ្តល់ជំនួយនៅទូពិភពលោក​ប្រទេសនៃ​ក្រសួង​ការបរទេស អាមេរិកបានមានប្រសាសន៍ថា សហរដ្ឋអា
មេរិកនឹងបន្ថែមជំនួយ បន្ថែមទៀតដល់កម្ពុជា ចាប់​​ពីជាង1លានដុល្លាក្នុង1ឆ្នាំកើនដល់​ 2លាន6សែនដុល្លាក្នុង
មួយឆ្នាំ ដើម្បីពង្រីកការបោះសំអាត​គ្រាប់​យុទ្ធ ភណ្ឌមិនផ្ទុះឲ្យបានកាន់តែច្រើនជាងមុន ។  លោកវរៈសេនីយ៍
ឯកបានបន្ថែមថា ការពង្រីក​ចំនួយ​នេះ ដើម្បីបំពេញទៅតាមតម្រូវការរបស់ស៊ីម៉ាក់ដែលកំពុងខ្វះខាត ក្នុងការ
ជួយ ដល់ប្រជាពលរដ្ឋ​ដែល រស់នៅតាមបណ្តោយព្រំដែនកម្ពុជាវៀតឲ្យកាន់តែធានាបាននូវសុវត្ថិភាព ពិសេស
បញ្ជៀសនូវ​គ្រោះថ្នាក់​​នានាដែលកើតឡើងពីគ្រាប់យុទ្ធភណ្ឌមិនទាន់ផ្ទុះទាំងនោះ។ ឯឧ. ហេង រតនា ប្រតិ
ភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់បានសាទរចំពោះគម្រោង នេះ ខណៈពេលដែលកម្ពុជាកំពុង ត្រូវការជំនួយទាំងនេះដ៏ចាំបាច់ ដើម្បីឆ្លើយតបឲ្យកាន់តែមានប្រសិទ្ធិភាព​ក្នុង​ការ​បោះសំអាត។ ឯឧ.ប្រតិភូរ
បញ្ជាក់ថា នេះជាការបំពេញកាតព្វកិច្ចផ្លូវសីលធម៌ដ៏ល្អ បើ ទោះបីជា​សហរដ្ឋអាមេរិកពុំទាន់ស្គាល់ពីផ្លូវច្បាប់
ក៏ដោយ ប៉ុន្តែកន្លងមកក្នុងសង្គ្រាមរវាងសហរដ្ឋ អាមេរិក និង​វៀតណាមនៅតាមបណ្តាខេត្តនានារបស់កម្ពុជា
ជាប់នឹងព្រំដែនវៀតណាម ត្រូវបាន សហរដ្ឋអាមេរិក​ទំលាក់គ្រាប់បែបយ៉ាងធ្ងន់ធ្ងរ។ ឯឧបានបន្ថែមទៀត ថា ជំនួយថ្មីនេះនឹងអនុវត្តចាប់ពីដើមខែមេសាទៅ រហូតដល់រយៈ ពេល17ខែ ដោយ​ស៊ីម៉ាកនឹងបង្កើនទាំងកម្លាំង
ជំនាញ និងវិសាលភាពនៃការបោះសំអាត ដើម្បីឲ្យសម្រេចបាន តាមផែន​ការ​ដែលបានព្រមព្រៀង ព្រោះ
នេះជា យន្តការដ៏ល្អបំផុតដែលធ្វើឲ្យពលរដ្ឋកម្ពុជានៅក្នុង តំបន់នោះរួច​ផុតពីគ្រោះថ្នាក់និងអាយុជីវិត។

គួរំលឹកថាជំនួយរបស់សហរដ្ឋអាមេរិកបានផ្តើមជួយដល់ប្រទេសកម្ពុជាលើវិស័យមីនតាមបណ្តោយព្រំដែន
កម្ពុជា វៀតណាមចាប់តាំងពីឆ្នាំ1993មកស្ថិតក្នុងភាពរអាក់រអួល ប៉ុន្តែជំនួយបានផ្តល់ជាប់ លាប់​វិញគឺ
ចាប់ពីឆ្នាំ2003មក ដោយក្នុង1ឆ្នាំៗមានទឹកប្រាក់ជាង5លានដុល្លា ក្នុងនោះស៊ីម៉ាក់ទទួល បាន​ជាង1លាន
ដុល្លា ចំណែកជាង4លានដុល្លាទៀតសម្រាប់អង្គការដ៏ទៃ។ សូមបញ្ជាក់ថា តាមស្ថិតិដែលផ្តល់ដោយក្រ
សួងការបរទេសរបស់សហរដ្ឋអាមេរិក កម្ពុជាបានរង​ការ​ទំលាក់​គ្រាប់បែបពីសហរដ្ឋអាមេរិកប្រហែលជាង
2លាន7សែនតោន ក្នុងនោះប្រភេទគ្រាប់បែក ចង្កោម​មានប្រហែងជាង19លាន5សែនគ្រាប់ រួមជាមួយ
នឹងប្រភេទគ្រាប់ផ្សេងៗទៀត៕ ដោយ៖ អភិរក្ស