ប្រទេសថៃ៖ ការបាញ់ប្រហារមកលើក្រុមអ្នកតវ៉ាកាលពីថ្ងៃសៅរ៍ម្សិលមិញនៅក្នុងប្រទេសថៃបានឆក់យកជីវិតក្មេងស្រី
អាយុ ៥ឆ្នាំម្នាក់ និងបានបណ្តាលអោយមនុស្សយ៉ាងហោចណាស់ ៣០នាក់ផ្សេងទៀតទទួលរងរបួសជាទំងន់។ សូម
បញ្ជាក់ថា ហេតុការណ៍បាញ់ប្រហារខាងលើនេះគឺបានកើតឡើងនៅក្នុងផ្សាររាត្រីមួយកន្លែងនៅក្នុងស្រុក Khao Saming នៃខេត្ត Trat ស្ថិតនៅចំងាយ ៣០០គីឡូម៉ែត្រ ភាគអាគ្នេយ៍នៃទីក្រុងបាងកក។ មន្រ្តីប៉ូលីសបានមានប្រសាសន៍ថា បញ្ហា
តានតឹងខាងផ្នែកនយោបាយនៅក្នុងប្រទេសថៃគឺកើតឡើងតាំងតែពីខែវិច្ឆិកាមកម្លេះ នៅក្នុងគោលបំណងទាមទារអោយ
នាយករដ្ឋមន្រ្តី Yingluck Shinawatra ចុះចេញពីដំណែង ហើយទាមទារអោយបង្កើតរដ្ឋាភិបាលបណ្តោះអាសន្នមួយ ក៏
ប៉ុន្តែអ្នកស្រី Yingluck Shinawatra បានបដិសេធចំពោះសំណើរខាងលើនេះ។ លោក Suwicharn Suwannakha អ្នកនាំពាក្យរបស់ គណះកម្មការកំណែទម្រង់ប្រជាធិបតេយ្យរបស់ប្រជាជន( PDRC)បានបញ្ជាក់ថា ហេតុការណ៍
វាយប្រហារខាងលើនេះគឺបានកើតឡើង នៅពេលមេដឹកនាំរបស់ពួកបាតុករគឺកំពុងតែធ្វើការសំណេះសំណាលជា
មួយអ្នកគាំទ្ររបស់ខ្លួន៕ ដោយ៖ តុលា
