ប្រទេសសៅឌីអារ៉ាប់ប៊ី៖ ការបាញ់ប្រហារគ្នាយ៉ាងសាហាវរវាងមន្រ្តីប៉ូលីសនិងជនដៃដល់កាលពីថ្ងៃ
ព្រហស្បត្តិ៍ម្សិលមិញនៅក្នុងប្រទេសសៅឌីអារ៉ាប់ប៊ីបានឆក់យកជីវិតមនុស្សចំនួន ៤នាក់ ដែលនៅ
ក្នុងនោះរួមមាន ជនស៊ីវិលចំនួន ២និងមន្រ្តីប៉ូលីសចំនួន ២នាក់។ មន្រ្តីប៉ូលីសបានមានប្រសាសន៍ថា ហេតុការណ៍បាញ់បោះខាងលើនេះគឺបានកើតឡើង ស្របពេលដែលមន្រ្តីប៉ូលីសមួយក្រុមគឺ
កំពុងតែស្វែងរកមុខជនដៃដល់នៅក្នុងភូមិ al-Awamiya។ ប្រភពព័ត៌មានមួយបានអោយដឹងថា ជនស៊ី
វិលទាំង ២នាក់ខាងលើនេះគឺឈ្មោះ Ali al-Faraj អាយុ ២២ឆ្នាំនិង Hussein al-Faraj អាយុ ៣៤ឆ្នាំ។
សូមបញ្ជាក់ថា លោក Ali al-Faraj គឺត្រួវបានគេបាញ់ប្រហារចំនួន ១១ដង ខណះពេលដែលគាត់បាន
រត់គេច ចំណែកលោក Hussein al-Faraj គឺត្រួវបានគេបាញ់សំលាប់ នៅពេលដែលគាត់កំពុងតែចុះ
ផ្សាយព័ត៌មានអំពីការបាញ់ប្រហារខាងលើនេះ។ ទំព័រវ៉ិបសាយ Mirataljazeera.net បានលើកឡើងថា
លោក Hussein al-Faraj គឺធ្លាប់បានចុះផ្សាយព័ត៌មានអំពីការតវ៉ាប្រឆាំងនឹងរដ្ឋាភិបាលនិងបុណ្យសព
នៃអ្នកស្លាប់ចំនួន ២០នាក់នៅក្នុងខេត្តភាគខាងកើតនៃប្រទេសសៅឌីអារ៉ាប់ប៊ីតាំងតែពីដើមឆ្នាំ ២០១១
មកម្លេះ៕ ដោយ៖ តុលា
