ភ្នំពេញៈ លោក ប៉ា សុជាតិវង្ស អភិបាលរាជធានីភ្នំពេញ បានជួបពិភាក្សាស្វែងរកដំណោះស្រាយ មួយសមស្របជាមួយតំណាងប្រជាពលរដ្ឋ១៥៤ គ្រួសារ នៅបុរីកីឡា ដែលមាន លោក ពេជ្រ លឹមឃួន និងលោកស្រី ស ស៊ន ជាតំណាង។
ក្នុងជំនួបជាមួយតំណាងប្រជាពលរដ្ឋចំនួន ១៥៤ គ្រួសារនៅបុរីកីឡា កាលពីថ្ងៃទី ១៩ ខែកុម្ភៈ ឆ្នាំ ២០១៤ លោក ប៉ា សុជាតិវង្ស អភិបាលរាជធានីភ្នំពេញបានជម្រាបបង ប្អូននៅ បុរីកីឡាថា ត្រូវមានការជឿទុកចិត្តគ្នាទៅវិញទៅមកទើបដោះស្រាយបញ្ហាបាន លឿន គឺដោះស្រាយរវាងសាលារាជធានីភ្នំពេញជាមួយបងប្អូននៅបុរីកីឡា ដែលបញ្ហា នេះមិន ពាក់ព័ន្ធនឹងក្រុមហ៊ុននោះទេ ។
លោកអភិបាលបានបញ្ជាក់ពីគោលបំណងថា អាជ្ញាធររាជធានីភ្នំពេញបានធ្វើការ សាងសង់ សំណង់លំនៅដ្ឋានបណ្តោះអាសន្ន ជូនបងប្អូនបានរស់នៅសមរម្យមានបរិ- ស្ថានល្អសិនមុននឹងឈានទៅដោះស្រាយបញ្ហាជាច្រើនទៀត ប៉ុន្តែសំខាន់នៅចំពោះមុខ បងប្អូនត្រូវញែកឲ្យច្បាស់ថា មានបងប្អូនប៉ុន្មានគ្រួសារយល់ព្រមទទួលយកសំណងបណ្តោះអាសន្ន ដែលសាលារាជធានីភ្នំពេញសង់ឲ្យ ហើយមានប៉ុន្មានគ្រួសារទៀតដែលមិនយល់ព្រម ដោយសាលារាជធានីភ្នំពេញមិនបានបង្ខិតបង្ខំនោះឡើយ ។ តែសាលា រាជធានីភ្នំពេញបានកំណត់ច្បាស់ហើយថា បងប្អូនយល់ព្រម ២ ឬ ៣ គ្រួសារ គឺសាងសង់ ជូន ២ ឬ ៣គ្រួសារ ។ បងប្អូនយល់ព្រមច្រើនគ្រួសារយើងធ្វើជូនទៅតាមនោះដែរ ។
លោកបន្ដថា បងប្អូនប្រជាពលរដ្ឋ ដែលមានឯកសារគ្រប់លក្ខណៈសម្បត្តិ គឺត្រូវ តែទទួលបានផ្ទះ ហើយនេះជាសំដីមិនមែននិយាយយកពិរោះនោះទេ គឺជាសំដីប្រកប ដោយកិត្តិយស ។ សំខាន់គឺបងប្អូនត្រូវតែជឿជាក់ចំពោះការដោះស្រាយពីសាលារាជធានី ភ្នំពេញ និងមិនត្រូវជឿតាមការញុះញង់ណាមួយពីខាងក្រៅដែលមិនស្ថិតក្នុងសាច់រឿង នោះទេ ។ លោកបានសន្យានៅចំពោះមុខប្រជាពលរដ្ឋថា រឿងបងប្អូនរស់នៅបុរីកីឡា បងប្អូនរស់នៅបឹងកក់ អាជ្ញាធររាជធានីភ្នំពេញ នឹងខិតខំធ្វើការដោះស្រាយជួនបងប្អូនឲ្យ ចប់សព្វគ្រប់ នៅក្នុងឆ្នំា ២០១៤ នេះដើម្បីបញ្ចប់បញ្ហាដី ធ្លី ផ្ទះសំបែងនេះ៕
ដោយៈ ភីនរ៉ា