ភ្នំពេញ៖ ដើម្បីនិរន្តរភាពបរិស្ថាននៅកម្ពុជា ប្រទេសប៊ែលហ្សិក មានគម្រោងយកមន្រ្តីផ្នែកបរិស្ថាន និងភាគីពាក់ព័ន្ធកម្ពុជា ទៅ ធ្វើការបណ្តុះបណ្តាលលើការអភិវឌ្ឍន៍បៃតង និងអញ្ជើញ មន្រ្តីថ្នាក់ដឹកនាំកម្ពុជាទៅធ្វើទស្សនៈកិច្ចសិក្សានៅប្រទេសប៊ែលហ្សិកក្នុងពេលខាងមុខនេះ។
ក្រោយពីបានចុះហត្សលេខាអនុវត្តគម្រោងអភិវឌ្ឍន៍បៃតងរវាងកម្ពុជានិងប៊ែលហ្សិកឲ្យទទួលបានជោគជ័យ លោក Jean-Pierre Heirnman អគ្គលេខាធិការក្រសួងបរិស្ថាន ធនធានធម្មជាតិ និងថាមពលរបស់រាជរដ្ឋាភិបាលប៊ែលហ្សិក បានឲ្យដឹងនៅក្រោយសិក្ខាសាលាទ្វេភាគីមួយ នាព្រឹកថ្ងៃទី១៧ កុម្ភៈនេះថា រដ្ឋាភិបាលប៊ែលហ្សិក គ្រោងនឹងបញ្ជូនអ្នកជំនាញឯកទេសខាង ការអភិវឌ្ឍន៍បៃតង ការគ្រប់គ្រងទឹក សន្តិសុខថាមពល និងប្រព័ន្ធអេកូឡូស៊ី ជីវចម្រុះ មកជួយកម្ពុជាក្នុងពេលឆាប់នេះ។
សូមបញ្ជាក់ថាដើម្បីពង្រីងកិច្ចសហប្រតិបត្តិការ និងបង្កើនឱកាសវិនិយោគរបស់អ្នកវិនិយោគគិនប៊ែលហ្សិកលើវិស័យអភិវឌ្ឍន៍បៃតងនៅកម្ពុជា ភាគីទាំងពីបានចុះហត្ថលេខា ជាមួយគ្នាកាលពីពេលថ្មីៗនេះ ក្នុងបំណងផ្លាស់ប្តូរបទពិសោធន៍ល្អៗ និងព័ត៌មានពាក់ព័ន្ធទៅនឹងការគ្រប់គ្រងបរិស្ថាន និងសកម្មភាពអភិវឌ្ឍន៍បៃតង ការគ្រប់គ្រងសេវាកម្មទឹក សេវាកម្ម ប្រព័ន្ធអេកូឡូស៊ី ជីវចម្រុះការស្តារឡើងវិញនូវគុណភាពដី ដើម្បីលើកកម្ពស់កិច្ចគាំពារបរិស្ថាន និងផ្តល់តម្លៃខ្ពស់ដល់ការអភិវឌ្ឍន៍សេដ្ឋកិច្ច សង្គម តាមបែបគំរូអភិវឌ្ឍន៍បៃតងរវាងប្រទេសទាំងពីរពញរមទាំងដៃគូរអភិវឌ្ឍន៍ពាកព័ន្ធ៕
ដោយ៖ ស.ស្អាត