ភ្នំពេញ៖បើតាមទិន្នន័យប្រព័ន្ធព័ត៌មានជនរងគ្រោះបានបង្ហាញថា១៤ភាគរយ​  នៃអ្នករង​គ្រោះ​និង
​គ្រោះថ្នាក់​ចរាចរណ៍នៅក្នុងប្រទេសកម្ពុជាគឺជាអ្នកថ្មើរជើងមានន័យថាពួកគាត់គឺជាអ្នកដើរឆ្លងផ្លូវដើរ​នៅលើទ្រូងផ្លូវឬដើរតាមចិញ្ចើមផ្លូវ​គាត់មិន​បាន​ដឹងថាគាត់ត្រូវដើរនីលើចំណុចណានោះទេ?។

លោកវរៈសេនីយ៍ទោ  ចេវ  ហាក់  នាយរងការិយាល័យនគរបាលចរាចរណ៍ជើងគោគ រាជធានីភ្នំពេញ​បានលើកឡើងដូច្នេះកាលពីព្រឹកថ្ងៃសៅរ៍  ទី១១  ខែឧសភា​ ខណៈលោកបានអញ្ជើញចូលរួមក្នុងកម្មវិធី​
យុទ្ធនា​ការដើម្បីសុវត្ថភាពថ្មើជើងនៅសាលាអនុវិទ្យាល័យអនុវត្តរាជធានីភ្នំពេញ។

លោកចេវហាក់បានលើកឡើងថាថ្ងៃនេះតាមរយៈកម្មវិធីយុទ្ធនា​ការដើម្បីសុវត្ថភាពថ្មើរជើងគឺជាស្នូរជួង
មួយបន្លឺដាស់ដល់បងប្អូនដែលជាអ្នថ្មើរជើងទាំងអស់  ឲ្យបានយល់ថាកន្លែងណាដែលគាត់ត្រូវដើរនិង
កន្លែងណាគាត់មិនត្រូវដើរ។    ហើយការដើរទៀតសោតត្រូវដើរយ៉ាងដូចម៉្តេច​ដើម្បី​សុវត្ថិភាព​ គឺត្រូវដឹង
ដោយខ្លួនឯងតែម្តង ។          លោកបន្តថាច្បាប់បានកំណត់ច្បាស់ហើយថាអ្នក​ដើរ​ត្រូវដើរលើចិញ្ចើមផ្លូវ
ហើយចិញ្ចើមផ្លូវគឺជាចំណែកសងខាងនៃទ្រូងផ្លូវសម្រាប់ទុកឲ្យអ្នកថ្មើរជើងធ្វើ​ដំណើរ។

ប៉ុន្តែកន្លងមកនៅរាជធានីភ្នំពេញកន្លែងខ្លះត្រូវបានម្ចាស់លំនៅស្ថានយកយកចំណែកផ្លូវធ្វើជាអាជីវកម្ម
ដោយដាក់តាំងលក់របស់របរផ្សេងៗដោយគាត់យល់ថាជាដីឬដែនកម្មសិទ្ធិរបស់គាត់ជាការយល់​ច្រឡំ
ផ្ទុយពីច្បាប់បានកំណត់ដីចិញ្ចើមនៅមុខផ្ទះរបស់គាត់មិនមែនជាកម្មសិទ្ធិឯកជននោះទេគឺជា​ចំណែកផ្លូវ
សម្រាប់អ្នកថ្មើរជើងជាតិអន្តរជាតិដើរតែប៉ុណ្ណោះចំណែកម្ចាស់ផ្ទះមានសិទ្ធិ២យ៉ាងគឺប្រើប្រាស់និងថែទាំ។
 

ជាមួយគ្នានេះលោកបញ្ជាក់ថាថ្ងៃនេះយើងសហការគ្នាជាមួយយុវជនកាកបាទក្រហមនិងដៃគូរ​បាន​ធ្វើ
​សមយុទ្ធ​មួយដើរ  ដោយថ្មើរជើង​នៅទីតាំងមួយចំនួនសម្រាប់បង្ហាញដល់ប្រជាពលរដ្ឋ​ដែលបានយក​
ចិញ្ចើម​ផ្លូវធ្វើអាជីវកម្មឲ្យលោកបានយល់និងដឹងពីអត្ថប្រយោជន៍របស់ចិញ្ចើមផ្លូវ។ចំណែកអ្នកដើរ​ឆ្លង
កាត់លើទ្រូងផ្លូវវិញក៏ដូច្នោះដែរគឺត្រូវឆ្លងកាត់នៅត្រង់មានគំនូសដាច់ៗពណ៌សកាត់ទទឹងទ្រូងផ្លូវគឺជា
សញ្ញាបង្ហាញថាអ្នកថ្មើរជើងមានសិទ្ធិដើរឆ្លងកាត់ទីនោះបាននិងមានសុវត្ថិភាព។

លោកបន្ថែមថាប្រសិនបើគ្មានគំនូសសញ្ញាដូចបានជម្រាបជូនខាងលើនោះទេបងប្អូនអ្នកថ្មើជើងនិង
គ្មួយៗសិក្សានុសិស្សឬកុមារតូចៗទាំងអស់មុននឹងឆ្លងកាត់ទ្រូងផ្លូវត្រូវរកសមត្ថកិច្ចដែលនៅជិត​អ្នកឲ្យ
ជួយជូនឆ្លងផ្លូវឬក៏រកមនុស្សដែលមានវ័យមធ្យមហើយគាត់ចេះឆ្លងផ្លូវឲ្យជួយជូនក្មេងៗទាំង​នោះឆ្លង
កាត់ដើម្បើឲ្យមានសុត្ថិភាព។យ៉ាងណាមិញកន្លងមកក្មួយៗសិក្សានុសិស្សតូចៗគេច្រើន​ឃើញពួកគេ
នាំគ្នារត់ឆ្លងផ្លូវឬការឆ្លងផ្លូវរបស់ពួកគេមានសភាពរញ៉េរញ៉ៃទាញដៃគ្នារុញទៅរុញមកនិងមានការស្ទាក់
ស្ទើរក្នុងការឆ្លងផ្លូវទើបបណ្តាលឲ្យមានបញ្ហាកើតឡើងជាច្រើនលើកច្រើនសារ។

យ៉ាងណាក៏ដោយតាមរយៈយុទ្ធនាការនេះលោកនាយរងការិយាល័យចរាចរណ៍ជើងគោគរាជធានីភ្នំ
ពេញមានជំនឿថាបងប្អូនប្រជាពលរដ្ឋទាំងអស់នឹងរួមចំណែកធ្វើយ៉ាងណាឲ្យការធ្វើចរាចរណ៍​ដោយ
ថ្មើរជើងមានសុត្ថិភាពទាំងអស់គ្នាដើម្បីកាត់បន្ថយបញ្ហាគ្រោះថ្នាក់ចរាចរណ៍ឥ្យមានកម្រិតទាបបំផុត
តាមតែអាចធ្វើទៅបាន។

លោកបានក្រើនរំលឹកដល់អ្នកឆ្លងផ្លូវទាំងអស់ថាមុន  នឹងឆ្លងត្រូវកំណត់​ពីគោលដៅដែលត្រូវទៅកុំធ្វើដំ
ណើរដោយប្រថុយប្រថានមិនសម្រេចចិត្តឲ្យបានច្បាស់ពេលទៅដល់ពាក់កណ្តាលផ្លូវបែរជាចង់ទៅមុខ
បន្តិចទៅក្រោយបន្តិចនាំឲ្យមានបញ្ហា។ម៉្យាងទៀតមិនត្រូវឆ្លងកាត់ផ្លូវដោយដើរដូចចំណិតត្រសក់នោះ
ទេគឺត្រូវដើរត្រង់ទៅមុខដោយប្រុងប្រយ័ត្ននឹងមើលទៅចំណែកដែលមានទោចក្រយាននិងយានជំនិះ
គ្រប់ប្រភេទកំពុងធ្វើចរាចរ ។        

ក្រៅពីនេះក៏នៅមានឧបសគ្គៈជាច្រើនទៀតដែលអាចឲ្យអ្នកថ្មើរជើងជួបគ្រោះថ្នាក់ជាយថាហេតុដូច្នេះ
ដើម្បីធានាសុវត្ថិភាពគម្បីបងប្អូនប្រជាពលរដ្ឋពិនិត្យស្ថានភាពជាក់ស្តែងជាមុនសិនមុននឹងឆ្លងកាត់ផ្លូវ
ពិសេសត្រូវសិក្សាពីច្បាប់ចរាចរណ៍ផ្លូវគោគឲ្យបានគ្រប់គ្នារួមគ្នាគោរពច្បាប់និងបើកបរមានការ​យោគ
យល់អធ្យាស្រ័យឲ្យគ្នា   ដើម្បីកាត់បន្ថយគ្រោះថ្នាក់ចរាចរណ៍នៅក្នុងប្រទេសកម្ពុជាយើងឲ្យបាន​ទាប
បំផុតចាប់ពីពេលនេះតទៅ៕

ដោយ៖សស្អាត