ភ្នំពេញៈ យ៉ាងហោចណាស់មានមនុស្សស្លាប់ម្នាក់ និងរបួសធ្ងន់ស្រាល១៧នាក់ កាលពីថ្ងៃទី០៥ ខែកុម្ភៈដោយសារករណីគ្រោះថ្នាក់ចរាចរណ៍នៅទូទាំងប្រទេសកើតឡើង១០លើក (យប់០៥លើក) នេះបើយោងតាមរបាយការព៍ពីនាយកដ្ឋានសណ្ដាប់ធ្នាប់នៃអគ្គស្នងការដ្ឋាននគរបាលជាតិ។គ្រោះថ្នាក់ចរាចរណ៍ទាំង១០លើកបានបង្កឲ្យមានការខូចខាតយានយន្តសរុប ១៦គ្រឿងក្នុងនោះម៉ូតូ៩គ្រឿង រថយន្តធុនតូច៥គ្រឿង រថយន្តធុនធំ១គ្រឿង យានផ្សេងៗ១គ្រឿង និងថ្មើរជើង១នាក់។
ប្រភពព័ត៌មានខាងលើដដែលបានបន្តទៀតថាមូលហេតុដែលបង្កឲ្យកើតករណីមានគ្រោះថ្នាក់ចរាចរណ៍គឺបណ្តាលមកពីល្បឿន៦លើក ប្រជែងគ្រោះថ្នាក់១លើក ស្រវឹង៣លើក ក្នុងនោះជិះម៉ូតូគ្រោះថ្នាក់មិនពាក់មួក៨នាក់(យប់៦នាក់) ។
របាយការណ៍ពីនាយកដ្ឋានសណ្ដាប់ធ្នាប់នៃអគ្គស្នងការដ្ឋាននគរបាលជាតិ បញ្ជាក់ប្រាប់ថា រថយន្តដែលត្រូវផាក ពិន័យនៅអង្គភាពកាលពីថ្ងៃទី៥ ខែកុម្ភៈ ឆ្នាំ២០១៤ នេះសរុបមានចំនួន៣៦គ្រឿង ក្នុងនោះមានរថយន្តទេសចរណ៍គ្រួសារ២៤គ្រឿង រថយន្តដឹកដំណើរធុនតូច១១គ្រឿង រថយន្តដឹកទំនិញធុនធំ១គ្រឿង។ រថយន្តទាំងអស់ត្រូវបានបង់ប្រាក់ពិន័យរួចនៅស្នងការដ្ឋាននគរបាល ខេត្ត ៣៦គ្រឿង៕ ដោយ៖ ភីន រ៉ា