ប្រទេសប្រេស៊ីល៖ អាជ្ញាធរប្រចាំប្រទេសប្រេស៊ីលបានអោយដឹងថា កាលពីថ្ងៃសៅរ៍ម្សិលមិញ ក្រុមក្មេងទំនើង មួយក្រុមបាននាំគ្នាដុតកំទេចឡានក្រុងចំនួន ៤គ្រឿងហើយបានធ្វើការវាយប្រហារមកលើស្ថានីយ៍ប៉ូលីសនៃទី
ក្រុង Sao Luis ទៀតផង។ មន្រ្តីប៉ូលីសបានអះអាងថា ក្មេងស្រីម្នាក់អាយុ ៦ឆ្នាំគឺរងរបួសធ្ងន់ធ្ងរ ចំណែកមនុស្ស ៤នាក់ផ្សេងទៀតគឺរងរបួសស្រាល។ មន្រ្តីប៉ូលីសបានមានប្រសាសន៍ថា ហេតុការណ៍វាយប្រហារខាងលើនេះ
គឺបានកើតឡើងកាលពីយប់ម្សិលមិញនៅជាយក្រុង Sao Luis ។ គួរបញ្ជាក់ផងដែរថា មន្រ្តីប៉ូលីសប្រេស៊ីលក៏បាន
បាញ់តបជាច្រើនគ្រាប់ទៅក្មេងទំនើងទាំងអស់នោះវិញដែរ។ លោក Alusisio Mendes រដ្ឋលេខាធិការប្រចាំរដ្ឋ Maranhao បានបន្ថែមទៀតថា មកទល់នឹងពេលនេះមានជនសង្ស័យ៨នាក់គឺត្រួវបានចាប់ខ្លួន៕ ដោយ៖ តុលា
