ភ្នំពេញ៖ ប្រជាពលរដ្ឋដែលរស់នៅតាមបណ្តោយដងទន្លេបាសាក់នៃក្រុងតាខ្មៅខេត្តកណ្តាល និងអ្នក ខណ្ឌមាន ជ័យរាជធានីភ្នំពេញនៅត្រើយខាងកើតនៃដងទន្លេ ជិតលែងលំបាកដោយឆ្លងទូតទៅវិញ ទៅមកទៀតហើយដោយ ពេលនេះការដ្ឋានសាងសង់ស្ពានតាខ្មៅឆ្លងកាត់ទន្លេបាសាក់ស្ថាបនាបាន បាន៩០ភាគរយហើយដោយគ្រោង នឹង ដាក់ឲ្យប្រើប្រាស់ជាផ្លូវការនៅពាក់កណ្តាលឆ្នាំ២០១៤ ខាងមុខ។
ស្ពានមិត្តភាពកម្ពុជា ចិនទី៤ ឬហៅស្ពានព្រែកសំរោងសម្រាប់ឆ្លងកាត់ទន្លេបាសាក់ពីក្រុងតា ខ្មៅ ទៅសង្កាត់ព្រែកឯង ខណ្ឌមានជ័យ កំពុងតែដំណើរយ៉ាងមមាញឹកដោយសម្រេចបាន៧៧ភាគ រយហើយនេះបើតាមការឲ្យដឹងពីលោកស្រីសម្ពស្សជំនួយការក្រុមហ៊ុនសំណង់សៀងហៃ។លោកស្រីបន្តថា កម្មករ និងអ្នកជំនាញការកំពុងតែមមាញឹកយ៉ាងខ្លាំង ក្នុងការស្ថាបនាស្ពាននេះឲ្យបានចប់រួចរាល់តាមការកំណត់ដើម្បីជួយសម្រួលការធ្វើដំណើរទៅមករបស់ប្រជាពលរដ្ឋកម្ពុជា។
គម្រោងសាងសង់ស្ពានតាខ្មៅ ត្រូវបានស្ថាបនាឡើងដោយក្រុមហ៊ុនសំណង់សៀងហៃ ដែលគ្រោងចំណាយថវិកាជិត៣៣លានដុល្លាសហរដ្ឋអាមេរិក ជាកម្ចីសម្បទានរបស់រដ្ឋាភិបាលចិន និងមួយចំនួនទៀតជាថវិកាបដិភាគរបស់រាជរដ្ឋាភិបាល។
ស្ពាននេះមានអត្ថប្រយោជន៍ខ្លាំងណាស់ សម្រាប់រួមចំណែកអភិវឌ្ឍ និងជំរុញកំណើនសេដ្ឋកិច្ច សង្គម និងកាត់បន្ថយភាពក្រីក្រនៅកម្ពុជា ពិសេសបានជួយដល់ប្រជាពលរដ្ឋក្នុងតំបន់ត្រើយខាង កើតទន្លេបាសាក់ ដែលកន្លងមកមានការលំបាកយ៉ាងខ្លាំងក្នុងការធ្វើដំណើរដឹកជញ្ជូនកសិផលនិង ផលិតផលផ្សេងៗមទៀតសម្រាប់យកមកលក់នៅទីក្រុងតាខ្មៅ និងរាជធានីភ្នំពេញ។
ស្ពាននេះក៏បាន បំពេញតួនាទីជាខ្សែក្រវ៉ាត់យុទ្ធសាស្រ្តដ៏សំខាន់មួយរវាងរាជធានីភ្នំពេញ ដោយតភ្ជាប់ត្រង់ពីផ្លូវជាតិ លេខ១ ទៅនឹងផ្លូវជាតិលេខ២ និងបន្តទៅផ្លូវជាតិលេខ៣ លេខ៤ និងផ្លូវជាតិលេខ៥ ដោយមិនចាំបាច់ ឆ្លងកាត់រាជធានីភ្នំពេញ។ទាំងនេះវាបានជួយរំដោះការកស្ទះចរាចរណ៍ដ៏មមាញឹកចូលមកកាន់រាជធានីភ្នំពេញនិងជួយសម្រាលបន្ទុកចរាចរណ៍ដ៏ធ្ងន់នៅលើស្ពានព្រះមុនីវង្សផងដែរ។
ជាគម្រោងស្ថាបនាស្ពាននេះ ជាប្រភេទស្ពានបេតុខ្សែកាបរឹត មានវែង៨៥៥ម៉ែត្រ ទទឹង១៣ម៉ែត្រកន្លះ មានគន្លងផ្លូវសម្រាប់រថយន្ត សរុប៧ម៉ែត្រគន្លងផ្លូវសម្រាប់ទោចក្រយានយន្តទាំងសងខាង សរុប ៣.៨ម៉ែត្រ និងចញ្ចើមផ្លូវទាំងសង ខាងទទឹងសរុប២.៧ម៉ែត្រ។
ក្បាលស្ពានត្រើយខាងលិចស្ថិតត្រង់ភូមិ ព្រែកសំរោង សង្កាត់តាខ្មៅ ក្រុងតាខ្មៅខេត្តកណ្តាល និងបន្តភ្ជាប់ផ្លូវជាតិលេខ២ ត្រង់គីឡូម៉ែត្រ លេខ១៤ ចំណែកត្រើយខាងកើតវិញស្ថិតនៅភូមិជំពុកក្អែក សង្កាត់ព្រែកថ្មី ខណ្ឌមានជ័យ រាជធានី ភ្នំពេញ បន្តឆ្ពោះទៅផ្លូវជាតិលេខ១ ត្រង់គីឡូម៉ែត្រលេខ១២។
ស្ពាននេះគ្រោងចំណាយពេលសាងសង់ ចំនួន៤២ខែ ដោយត្រូវបានបើកដ្ឋានសាងសង់នៅថ្ងៃទី៦ ខែកក្កដា ឆ្នាំ២០១១ ហើយនឹងត្រូវបញ្ចប់នៅ ពាក់កណ្តាលឆ្នាំ២០១៣៕ ដោយ៖ រតនា