ប្រទេសនីសហ្ស៊េរីយ៉ា៖ កាលពីថ្ងៃសុក្រម្សិលមិញ ពួកឧទាម Boko Haram បានធ្វើការវាយឆ្មក់អស់រយះពេលជា ច្រើនម៉ោងមកលើជម្រំកងយោធារបស់នីសហ្ស៊េរីយ៉ាមួយកន្លែងនៅក្នុងទីក្រុងបាម៉ាដែលមាចំងាយ ៤០គីឡូម៉ែត ពីរដ្ឋ Borno។ សាក្សីម្នាក់បានអោយដឹងថា ស្រ្តីនិងកូនក្មេងជាច្រើននាក់បានស្លាប់ក្នុងការវាយប្រហារនោះ។ សាក្សី ដដែលនិយាយបន្តទៀតថា ការវាយប្រហារនេះគឺបានកើតឡើងនៅ វេលាម៉ោង២រសៀល។ មន្រ្តីយោធាម្នាក់បាន  អះអាងថា នេះគឺជាការវាយប្រហារលើកទី ២ហើយនៅក្នុងខែនេះ។ មន្រ្តីយោធាបានមានប្រសាសន៍បន្តទៀតថា កាលពីខែឧសភាកន្លងមក ពួក Boko Haram បានធ្វើការាយឆ្មក់មកលើទីក្រុងនេះដោយបានសំលាប់ជាង ៥០នាក់ ហើយបានដោះលែងអ្នកទោស ១០៥ នាក់ទៀតផង។ គួរបញ្ជាក់ផងដែរថា រហូតមកដល់ពេលនេះមនុស្សជាង ១២០០ នាក់បានស្លាប់នៅក្នុងការវាយប្រហាររបស់ពួក Boko Haram។ ដោយ៖ តុលា