អ៊ីស្រាអ៊ែល៖ មន្រ្តីយោធាអ៊ីស្រាអ៊ែលបានមានប្រសាសន៍ថា កាលពីថ្ងៃអាទិត្យម្សិលមិញ កងទាហានអ៊ីស្រា
អ៊ែលមួយរូបត្រួវបានខ្មាន់កាំភ្លើងរបស់លីបង់បាញ់សំលាប់ ខណះពេលដែលកងយោធាអ៊ីស្រាអ៊ែលមួយរូប នោះព្យាយាមឆ្លងកាត់ព្រំប្រទល់ហាមឃាត់របស់ប្រទេសលីបង់។ មន្រ្តីប៉ូលីសដដែលបានបញ្ជាក់ថា ហេតុការ
ណ៍បាញ់ប្រហារនេះគឺបានកើតឡើងនៅក្នុងតំបន់ Rosh Hanikra ដែលជាព្រំប្រទល់រវាងប្រទេសទាំង២ ពោលគឺ ប្រទេសលីបង់និងប្រទេសអ៊ីស្រាអ៊ែលនេះតែម្តង។
កងកំលាំងការពាររបស់អ៊ីស្រាអ៊ែលបានមានប្រសាសន៍បន្តទៀតថា ពួកយើងគឺកំពុងតែស្វែងរកពីមូលហេតុនៃ
ការវាយប្រហារនេះ ក៏ប៉ុន្តែប្រទេសលីបង់គឺមិនទាន់ចេញមុខបំភ្លឺអំពើការវាយប្រហារនេះនៅឡើយទេ។ សាក្សី
ម្នាក់បានអោយដឹងថា ស្នូកាំភ្លើងយ៉ាងហោចណាស់ ៧គ្រាប់គឺបានផ្ទុះឡើងនៅកន្លែងកើតហេតុនោះ។ យោង
តាមប្រភពព័ត៌មានមួយបានអោយដឹងថា ប្រទេសលីបង់គឺនឹងមិនអាណិតដល់នរណាម្នាក់ដែលព្យាយាមឆ្លងកាត់
ខុសច្បាប់លើព្រំប្រទល់នេះ ប្រសិនបើប្រទេសអ៊ីស្រាអ៊ែលមិនព្រមបញ្ឈប់ការឆ្លងកាត់ខុសច្បាប់បែបនេះទេ។ គួរបញ្ជាក់ផងដែរថា កាលពីឆ្នាំ ២០០៦ ប្រទេសអ៊ីស្រាអ៊ែលគឺធ្លាប់បានធ្វើសង្រ្គាមប្រឆាំងនឹងកងយោធា Hezbollah របស់ប្រទេសលីបង់ម្តង។ ដោយ៖ តុលា