ប្រទេសបង់ក្លាដេស៖ កាលពីថ្ងៃសុក្រនេះ រោងចក្រក្រណាត់ដ៏ធំមួយកន្លែងរបស់ប្រទេសបង់ក្លាដេសត្រួវ
បានអគ្គីភ័យឆាបឆេះយ៉ាងសន្ធោរសន្ធៅ។ មន្រ្តីប៉ូលីសបានអោយដឹងថា រោងចក្រក្រណាត់ ១០ជាន់នោះ
គឺស្ថិតនៅក្នុងស្រុក Gazipurដែលមានចំងាយ ៤០គីឡូម៉ែតពីទីក្រុង Dhaka។ មន្រ្តីប៉ូលីសដដែលបានអោយ
ដឹងទៀតថា រោងចក្រក្រណាត់មួយកន្លែងនោះគឺមានទំហំធំជាងគេបង្អស់នៅក្នុងប្រទេសនេះ ដែលអាចផ្ទុក កម្មកររហូត ១៨០០០នាក់។ សាក្សីម្នាក់បានអោយដឹងថា ឡានដឹកក្រណាត់យ៉ាងហោចណាស់ ១៥គ្រឿងគឺ
ត្រួវបានភ្លើងឆាបឆេះយ៉ាងសន្ធោរសន្ធៅ។ មន្រ្តីជាន់ខ្ពស់ Mosharraf Hussain បាននិយាយប្រាប់ភ្នាក់ងារសារ
ព័ត៌មាន AFPថា មូលហេតុនៃអគ្គីភ័យនោះគឺបណ្តាលមកពីកម្មករនៅក្នុងរោងចក្រនោះតែម្តងបន្ទាប់ពីម្ចាស់រោង
ចក្រនោះបានបដិសេធក្នុងការតម្លើងប្រាក់ខែបន្ថែមដល់ពួកគេ។
លោកបានរៀបរាប់បន្តទៀតថា ការតវ៉ានេះគឺបានកើតឡើងតាំងតែពីរោងចក្រក្រណាត់ Rana Plaza បានបាក់ ស្រុតកាលពីខែមេសាកន្លងមកដោយបានឆក់យកជីវិតមនុស្ស ១១០០នាក់។ ក្រុមអ្នក ពន្លត់អគ្គីភ័យបានអោ
យដឹងថា គ្មាននរណាបានរងគ្រោះក្នុងអគ្គីភ័យនោះឡើយ។ រដ្ឋាភិបាលប្រចាំប្រទេសបង់ក្លាដេសបានអោយដឹង
ថា ទឹកប្រាក់រាប់លានដុល្លារគឺត្រួវបានខាតបង់ទាំងស្រុងនៅក្នុងអគ្គីភ័យដ៏សាហាវនោះ។ ដោយ៖ តុលា
