បន្ទាយមានជ័យៈ កាលពីថ្ងៃទី០៩ ខែមីនា ឆ្នាំ២០១៣ កន្លងទៅថ្មីៗនេះ ឯកឧត្តម ញិក គិមឈុន ប្រធានគណៈ
កម្មការប្រតិបត្តិហ្វ៊ុនស៊ិនប៉ិចខេត្ត រួមមានដំណើរដោយសហជីវិន ស៊ិន ឈានប៉ោ, សហជីវិន សាយ ហ៊ន
អនុប្រធានគណៈកម្មការប្រតិបត្តិខេត្ត,  សហជីវិន សៅ នី ប្រធានគណៈកម្មការប្រតិបត្តិស្រុកថ្មពួក និង
សហជីវិនប្រធានការិយាល័យប្រតិបត្តិឃុំព្រមទាំងសហជីវិន សហជីវិនីជាអនុប្រធានការិយាល័យប្រតិបត្តិឃុំ
ជាច្រើននាក់ទៀត។

 នៅព្រឹកវេលាម៉ោង៩ និង៣០នាទីឯកឧត្តម ញិក គិមឈុន និងអ្នករួមដំណើរជួបសំណេះសំណាលជាមួយបងប្អូន
សកម្មជន និងអ្នកគាំទ្រចំនួន២៥០នាក់មកពី២៥ក្រុមស្ថិតក្នុងភូមិទ្រៀស ឃុំគោកកឋិន និងនៅវេលាម៉ោង៣រសៀល
បន្តជួបសំណេះសំណាលសមាជិកបក្សចំនួន១១៦នាក់ទៀតនៅភូមិរលំជ្រៃ ឃុំភូមិថ្មី ស្រុកថ្មពួក ខេត្តបន្ទាយមានជ័យ។
បន្ទាប់ពីសហជីវិន សៅ នី ប្រធានគណៈកម្មការប្រតិបត្តិហ្វ៊ុនស៊ិនប៉ិចស្រុកថ្មពួកអានរបាយការណ៍ពីការរៀបចំរចនា
សម្ព័ន្ធក្រុម ភូមិ និងឃុំ និងសភាពការណ៍ទូទៅក្នុងស្រុករួចមក ឯកឧត្តម ញិក គិមឈុន បានថ្លែងទៅកាន់អ្នកគាំទ្រ
ក្នុងនាមឯកឧត្តម បណ្ឌិត ញឹក ប៊ុនឆៃ ប្រធានប្រតិបត្តិគណបក្សហ្វ៊ុនស៊ិនប៉ិច និងក្នុងនាមឯកឧត្តមផ្ទាល់ថា
សម្តេចព្រះនរោត្តម សីហនុ ព្រះមហាវីរក្សត្រ សម្តេចឪ សម្តេចតា នៃយើងព្រះអង្គបានបង្កើតនូវចលនាតស៊ូមួយ
មានឈ្មោះថា”រណសិរ្ស រួបរួមជាតិ ដើម្បីកម្ពុជា ​ឯករាជ្យ អព្យាក្រឹត សន្តិ និងសហប្រតិបត្តិ” អក្សរកាត់
“ រ.រ.ជ.ក.ឯ.អ.ស.ស”ហើយហៅកាត់តាមភាសាបារាំងថា “ ហ្វ៊ុនស៊ិនប៉ិច “។

ចលនានេះកើតឡើងដោយចលនាខ្មែរស្នេហាជាតិធំៗចំនួន៣ គឺរួមមានៈ ចលនាម៉ូលីណាកា, ចលនាឃ្លាំងមឿង និង
ចលនាឧត្តរទិស កាលពីថ្ងៃទី២១ ខែមីនា ឆ្នាំ១៩៨១ ហើយបានក្លាយជាគណបក្សនយោបាយក្នុងឱកាសសមាជ
ថ្ងៃទី២៧-២៨ ខែកុម្ភៈ ឆ្នាំ១៩៩២ នៅភូមិត្រុំ ឃុំអំពិល ស្រុកបន្ទាយអំពិល ខេត្តឧត្តរមានជ័យ។

គណបក្សហ្វ៊ុនស៊ិនប៉ិនបានឈ្នះការបោះឆ្នោតនៅឆ្នាំ១៩៩៣ ដែលរៀបចំដោយអាជ្ញាធរបណ្តោះអាសន្តអង្គការ
សហប្រជាជាតិហៅកាត់ថា “UNTAC”ហើយហ្វ៊ុនស៊ិនប៉ិចបានរួមចង្កើតនូវព្រះរាជាណាចក្រកម្ពុជាទី២ឡើងជាមួយ
បក្សនយោបាយដែលមានអសនៈនៅក្នុងរដ្ឋសភាជាតិ។ ឯកឧត្តមថ្លែងបន្តទៀតថា ហ្វ៊ុនស៊ិនប៉ិចចូលរួមកសាង
អភិវឌ្ឈន៍ប្រទេសតាំងពីអណត្តិទី១ មកដល់បច្ចុប្បន្ន។ លើសពីនេះទៅទៀតឯកឧត្តមក៏បានជម្រាបជូនសកម្មជន
និងអ្នកគាំទ្រទាំងអស់ថា នៅថ្ងៃទី២៣ ខែមីនា ឆ្នាំ២០១៣ ខាងមុខគណបក្សនឹងធ្វើសមាជវិសាមញ្ញមួយក្នុង
គោលបំណងកែសម្រួលអនុម័តលក្ខន្តិកៈ និងបទបញ្ជាផ្ទៃក្នុង ព្រមទាំងធ្វើការជ្រើសរើសប្រធានបក្សថ្មី ហើយ
សម្តេចរាជបុត្រី ព្រះអនុជ នរោត្តម អារុណរស្មី (បុត្រីពៅរបស់សម្តេចឪ) ព្រះអង្គនឹងឡើងជាប្រធានគណបក្ស
ហ្វ៊ុនស៊ិនប៉ិច ហើយក៏ជាបេក្ខភាពនាយករដ្ឋមន្ត្រីសំរាប់ការបោះឆ្នោតអាណត្តិទី៥ខាងមុខនេះទៀតផង។
ដូចនេះ សូមបងប្អូនទាំងអស់ជឿ និងសង្ឈឹមទុកជាមុនចុះថា ហ្វ៊ុនស៊ិនប៉ិចនឹងឈ្នះអសនៈបានច្រើនក្រោម
ការដឹកនាំរបស់សម្តេចអារុណរស្មី ក្នុងការបោះឆ្នោតនៅខែកក្កដា ឆ្នាំ២០១៣ ខាងមុខ។ មុនបញ្ចប់កម្មវិធី
ឯកឧត្តម ញិក គិមឈុន បានផ្តល់ជូនអ្នកចូលរួមក្នុងម្នាក់ទទួលបានក្រមាចំនួន០១ ថ្នាំពេទ្យចំនួន០១ កំប៉ុង
និងថវិកាចំនួន៥.០០០រៀល៕ ដោយ ពុធ វិច្ឆិកា