កំពង់ឆ្នាំង៖ នៅថ្ងៃទី០៩ ខែមីនាឆ្នាំ២០១៣ លោកវេជ្ជបណ្ឌិត នុត សុខុម ទេសរដ្ឋមន្ត្រីសមាជិកគណៈកម្មាធិការ
អចិន្ត្រៃយ៍ និងជាប្រធានក្រុមការងារចុះពង្រឹងមូលដ្ឋាន គណបក្សហ្វ៊ុនស៊ិនប៉ិច ខេត្ដបានដឹកនាំក្រុមគ្រូពេទ្យចល័ត
គណបក្សហ្វ៊ុនស៊ិនប៉ិចខេត្តកំពង់ឆ្នាំងចុះជួយពិនិត្យ និងព្យាបាលអ្នកជំងឺចំនួន២៥០នាក់នៅភូមិព្រៃគ្រីជើង ឃុំព្រៃគ្រី
ស្រុកជលគីរី ខេត្តកំពង់ឆ្នាំង។
ក្នុងឱកាសនោះ ក៏មានវត្តមាន លោកសាស្រ្តាចារ្យ ហែម ឈិន លោក ឡេ សំអ៊ល លោក អាំង សំបូរ លោក
ហេង ស៊ីឡេង លោក ទាំ សារី លោកប្រធាន អនុប្រធានគណៈកម្មការ ប្រតិបត្តិស្រុក និងលោក លោកស្រីប្រធាន
អនុប្រធានការិយាល័យប្រតិបត្តិឃុំ ព្រមទាំងលោក-លោកស្រីចុះជួយពង្រឹងការងារគណបក្សហ៊្វុនស៊ិនប៉ិចជាច្រើន
រូបទៀត។ ក្រុមគ្រូពេទ្យចល័តគណបក្សហ្វ៊ុនស៊ិនប៉ិច បានជួយពិនិត្យព្យាបាល នូវគ្រប់ជំងឺទាំងអស់ ដូចជាកុមារ ស្ត្រី
មនុស្សចាស់ នៃឃុំព្រៃគ្រី ស្រុកជលគីរីខេត្តកំពង់ឆ្នាំង ចាប់ពីម៉ោង៨:៣០នាទីព្រឹក រហូតដល់ម៉ោង១២:០០នាទីរសៀល គឺក្នុងន័យបំណងបន្ធូរបន្ថយនូវទុក្ខលំបាកចំពោះសុខភាពរបស់បងប្អូនប្រជារាស្ត្រ។
លោកវេជ្ជ. នុត សុខុមបានជំរាបសួរដោយក្តីនឹករលឹក និងនាំយកការផ្តាំសួរសុខទុក្ខពីព្រះអង្គម្ខាស់អារុណរស្មីជូន
ដល់បងប្អូនប្រជារាស្ត្រទាំងអស់ដែលបានចូលរួមក្នុងថ្ងៃនេះ ដើម្បីមកពិនិត្យសុខភាពពីសំណាក់ក្រុមគ្រូពេទ្យរបស់យើង។
លោកវេជ្ជបានជំរាបជូនពីព្រះរាជសកម្មភាពរបស់ព្រះមហាវិរៈក្សត្រ បានបំរើជាតិ ដូចជាការទាមទារឯករាជ្យពីបារាំង
ការទាមទារទឹកដីខេត្តមួយចំនួនពី ប្រទេសជិតខាង និងបានទាមទារមកវិញនូវប្រាសាទព្រះវិហារពីប្រទេសសៀមក្នុងឆ្នាំ
១៩៦២ ។ លើសពីនេះទៅទៀតការអភិវឌ្ឍន៍គ្រប់វិស័យក្នុងរយៈពេល ជាង១០ឆ្នាំប្រទេសកម្ពុជាក្លាយជាកោះសន្តិភាព
មួយនៅក្នុងអាស៊ីនេះ ដោយសម្តេចឪនៃយើងបានអនុវត្តនូវនយោបាយ អព្យាក្រិត្យ មិនចូលបក្សសម្ព័ន្ធ គឺមានន័យថា
លោកសេរីក៏យើងមិនចូល និងខាងកុម្មុយនិស្តក៏យើងមិនចូលដែរ។ ព្រះរាជបូជនីកិច្ចរបស់ព្រះមហាវិរក្សត្រគឺដើម្បី
ការពារ និងកសាងប្រទេសកម្ពុជាអោយមានភាពរីកចំរើន ដូចយើងបានឃើញតាមរយៈទូរទស្សន៍មុនឆ្នាំ១៩៧០។ ប៉ុន្តែ
បើយើងមើលព្រះរាជបូនីកិច្ចរបស់ព្រះអង្គមុនគេនៅឆ្នាំ១៩៨១ ដែលមានលក្ខណៈប្រវតិ្តសាស្ត្រ សំរាប់កម្ពុជាដើម្បី
ស្វែងរកសុខសន្តិភាពជូនប្រជាពលរាស្ត្រខ្មែរ រហូតដល់មានកិច្ចព្រមព្រៀងសន្តិភាពទីក្រុងបារីសប្រទេសបារាំងស្តីពី
កម្ពុជានៅថ្ងៃទី២៣ ខែតុលា ឆ្នាំ១៩៩១។ លោក បានលើកឡើងផងដែរថា ព្រះអង្គបានបន្សល់ទុកនូវស្នាព្រហស្ថដែល
មិនអាចកាត់ថ្លៃបាននោះគឺ សុខសន្តិភាព ឯករាជ្យ អព្យាក្រិត ជាពិសេសគណបក្សហ្វ៊ុនស៊ិនប៉ិចនេះ ដែលព្រះអង្គជា
អ្នកបង្កើតផ្ទាល់។
លោកវេជ្ជ.បានបញ្ជាក់ថាគណបក្សហ្វ៊ុនស៊ិនប៉ិចមានស្លាកសញ្ញា វិមានឯករាជ្យ។ ដូចនេះយើងទាំងអស់គ្នាត្រូវ
បន្តរក្សាការពារ និងជួយគណបក្សហ្វ៊ុនស៊ិនប៉ិចទាំងអស់គ្នា។ លោកវេជ្ជ. នុតសុខុមបានរំលឹកថាព្រះមហាវិរៈក្សត្រ
មានបន្ទូលថាអ្វីក៏ដោយកាលណាយើងចេះសាមគ្គីគ្នានិងស្រឡាញ់គ្នា យើងនឹងអាចធ្វើទៅកើត។នេះហើយគឺជា
គោលការណ៍របស់គណបក្សហ៊្វុនស៊ិនប៉ិចបានអនុវត្តកន្លងរួចមកហើយគឺដើម្បីសេចក្តីសុខសន្តិភាពនិងការអភិវឌ្ឍ
នានានៅកម្ពុជា។ ហើយលោកបានបញ្ជាក់ថាមិនដូចគណបក្សផ្សេងទៀតដើរ និយាយនិងសន្យាថា ធ្វើនេះធ្វើនោះ
ម្តងតាំងខ្លួនគាំទ្រខាងសេរីម្តងតាំងខ្លួនជាអ្នកបង្រួបបង្រួមជាតិហើយសុំអោយគេបោះឆ្នោតអោយខ្លួនអោយបាន
ឈ្នះឆ្នោត។ ត្រង់នេះហើយ សរបញ្ជាក់ថា គ្មានទេជាអ្នកបង្រួបបង្រួមជាតិគឺជាអ្នកនយោបាយបោកប្រាស់ និង
ប្រជាភិថុតិសុទ្ធសាធ។
លោកវេជ្ជ. ស្នើសុំផងដែរឲ្យ បងប្អូនទាំងអស់ត្រូវយល់ដឹងអំពីបញ្ហាអេដស៍ និងជៀសវាងកុំឆ្លងមេរោគអេដស៍
ដើម្បីសេចក្តីសុខក្នុងគ្រួសាររបស់យើង ។
លោកវេជ្ជ. នុតសុខុមបានផ្តល់ថវិកាចំនួន១លានរៀលសំរាប់ការចូលរួមកសាងនិងជីកប្រឡាយទឹកថ្មគោល
ដែលមានប្រវែង១គីឡូម៉ែត្រសំរាប់ជួយសង្គ្រោះស្រូវរបស់បងប្អូន ប្រជាពលរដ្ឋដែលកំពុងតែជួបភាពរាំងស្ងួត និង
ខ្វះខាតទឹក។ លោកវេជ្ជ.ក៏បានជូនពរបងប្អូនទាំងអស់គ្នាសូមប្រកបតែសេចក្តីសុខ និងជោគជ័យក្នុងការងារ និង
ជីវភាពរស់ប្រចាំថ្ងៃ។
