ប្រទេសនីសស៊េរីយ៉ា៖នៅក្នុងរដ្ឋ Borno ប្រទេសនីសស៊េរីយ៉ា អ្នកបើកបររថយន្ត ១៩នាក់ត្រួវបានបាញ់សំលាប់
ដោយពួកខ្មាន់កាំភ្លើងមិនស្គាល់ មុខមួយក្រុម។មន្រ្តីប៉ូលីសបានអោយដឹងថា ពួកខ្មាន់កាំភ្លើងទាំងអស់នោះបានបញ្ជា
អោយអ្នកបើកបរទាំងអស់នោះឈប់ រួចប្រាប់អោយពួកគេចុះចេញពីយានយន្តភ្លាមៗមុនពេលពេលបាញ់សំលាប់
លើពួកគេ។ សាក្សីម្នាក់បានប្រាប់ភ្នាក់ងារសារព័ត៌មាន BBCថា ពួកខ្មាន់កាំភ្លើងទាំងអស់នោះគឺជាពួក Boko Haram ក៏ប៉ុន្តែពួកក្រុមសកម្មប្រយុទ្ធអ៊ីសស្លាមគឺមិនទាន់បានផ្តល់ការឆ្លើយតបមកវិញទេអំពីរឿងនេះ។ ភាគឦសាននៃប្រទេស នីសស៊េរីយាគឺស្ថិតនៅក្រោមការគ្រប់គ្រងរបស់ពួក Boko Haram ដែលមានបំណងចង់បង្កើតរដ្ឋអ៊ីសស្លាមមួយនៅ
កន្លែងនោះ។
មន្រ្តីប៉ូលីសដដែលបាននិយាយទៀតថាពួកខ្មាន់កាំភ្លើងទាំងអស់នោះគឺមានបំណងវាយប្រហារលើកងយោធានិងជនស៊ីវិល
រួមទាំងសាលារៀនផងដែរ។ ជារឿយៗ ពួកទាំងអស់នោះក៏ធ្លាប់បានប៉ះទង្គិចជាមួយនឹងកងសន្តិសុខរបស់នីសស៊េរីយ៉ាដែរ។
ការវាយប្រហារ ចុងក្រោយនេះបានកើតឡើងកាលពីព្រឹកថ្ងៃអាទិត្យនៅក្បែរទីក្រុង Logumani ជិតព្រំប្រទល់ប្រទេស Cameroon។ កាលពីខែមុននិស្សិតជាង ៥០នាក់ត្រូវបានស្លាប់នៅពេលពួកខ្មាន់កាំភ្លើង BokoHaram បានវាយប្រហារលើមហាវិទ្យាល័យ កសិកម្មមួយកន្លែងនៅភាគភាគឦសាននៃប្រទេសនីសស៊េរីយ៉ា។ ដោយ៖ តុលា