ប្រទេសអាព្រិច៖ ទស្សនាវដ្តី Ventures របស់ប្រទេសនីសស៊េរីយ៉ាបានអោយដឹងថា ប្រទេសអាព្រិច មានមហាសេដ្ឋី ៥៥នាក់ហើយក្នុងចំណោមពួកគេទាំងអស់នោះរួមមានស្រ្តី៣នាក់ផងដែរ។ទស្សនាវដ្តី Ventures បានអោយដឹងទៀតថាបុរសដែលមានជាងគេក្នុងប្រទេសនីសស៊េរីយ៉ាគឺលោក Aliko  Dangote ដែលមានទឹកប្រាក់រហូតដល់ ២០.២កោដដុល្លារ។អ្នកផ្តល់ព័ត៌មានបាននិយាយថា ការបង្ហាញនេះគឺ ជាភាពមិនស្មើគ្នាមួយរវាងប្រជាជនក្រីក្រនិងអ្នកមាននៅក្នុងប្រទេសអាព្រិច។កាលពីខែមេសាធានាគារ ពិភពលោកបានអោយដឹងថា ចំនួនប្រជាជនក្រីក្រនៅក្នុងប្រទេសអាព្រិចនេះមានការកើនឡើងយ៉ាងខ្លាំង នៅ ៣០ឆ្នាំចុងក្រោយនេះគឺចាប់ពី ២០៥លាននាក់ដល់ ៤១៤លាននាក់។ 

ទស្សនាវដ្តី Ventures បានបង្ហាញទៀតថាមហាសេដ្ឋីទាំង ៥៥នាក់នោះមានទឹកប្រាក់រហូតដល់ ១៤៣.៨៨
កោដដុល្លារហើយក្នុងចំណោមសេដ្ឋីទាំ៥៥នាក់នោះគឺមានមហាសេដ្ឋី២០នាក់ជាជនជាតិនីសស៊េរីយ៉ា
៩នាក់ជាជនជាតិអាព្រិចខាងត្បូងនិង៨នាក់ទៀតជាជនជាតិអេស៊ីប។ ទស្សនាវដ្តី Ventures បានបន្ថែមថា ចំណែកស្រ្តីដែលមានជាងគេក្នុងប្រទេសនីស៊េរីយ៉ាវិញគឺអ្នកនាង Folorusho Alakija ដែលមានទឹកប្រាក់ រហូតដល់៧.៣កោដដុល្លារ។ នាងសិក្សាខាងផ្នែកឆ្នៃម៉ូតនៅក្នុងទីក្រុងឡុងដ៍ហើយនាងបានឆ្នៃម៉ូត សំលៀកបំពាក់អោយអ្នកស្រី Maryam Babangida ដែលជាប្រពន្ធចុងរបស់លោក Ibrahim Babangida មេទាហានរបស់ប្រទសនីសស៊េរីយ៉ាទៀតផង។ដោយ៖តុលា