ប្រទេសគែនយ៉ា៖ កាកបាទក្រហមប្រចាំប្រទេសគែនយ៉ាបានអោយដឹងថា ការប៉ះទង្គិចមួយរវាងកងកំលាំង យោធាប្រទេសគែនយ៉ានិងក្រុម អ្នកធ្វើកុប្បកម្មបានផ្ទុះឡើងយ៉ាងខ្លាំងនៅក្នុងទីក្រុង Mombasa បន្ទាប់ពីលោក Ibrahim Omar ត្រូវបានគេសំលាប់។ការប៉ះទង្គិចនោះ បានធ្វើអោយមនុស្ស ៧នាក់ទទួលរងរបួស រីឯព្រះវិហារ សាសនាគ្រឹស្តវិញត្រូវបានភ្លើងឆាបឆេះយ៉ាងសន្ធោសន្ធៅ។ លោក Ibrahim Omar ដែលជាបុព្វសាសនាគ្រឹស្ត និងមនុស្ស ៣នាក់ទៀតត្រូវបានគេបាញ់សំលាប់នៅតាមផ្លូវឆ្ពោះទៅកាន់ផ្ទ របស់ពួកគេកាលពីយប់ថ្ងៃ ព្រហស្បត៍កន្លងមក។ ហេតុការណ៍សំលាប់លើលោក Omar បានកើតឡើងបន្ទាប់ពីការវាយប្រហារលើ មជ្ឈមណ្ឌល Westgate ក្នុងទីក្រុង Nairobi ប្រទេសគែនយ៉ាកាលពី ២សប្តាហ៍មុន។
ពួកក្រុមអ៊ីសស្លាមសូម៉ាលី Al-Shabab ដែលជាផ្នែកមួយនៃពួក Al-Gaeda បាននិយាយថា ការវាយប្រហារ នៅក្នុងមជ្ឈមណ្ឌល Westgate ប្រទេសគែនយ៉ាកន្លងមកគឺជាការសងសឹកទៅដល់កងយោធាគែនយ៉ា
ដែលធ្លាប់បានវាយប្រហារលើប្រទសសូម៉ាលីកាលពីមុន។ ករណីធ្វើឃាតលើលោក Omar គឺស្រដៀង
ទៅនឹងករណីធ្វើឃាតលើលោក Aboud Rogo កាលពីឆ្នាំមុនដែរ ដែលបណ្តាលអោយពួកមូសស្ល៊ីម ជាច្រើននាក់នាំគ្នាធ្វើកុប្បម្មពាសពេញទីក្រុង Monbasa។ កងកំលាំងយោធារបស់គែនយ៉ាបានចោទ
ប្រកាន់ថា លោក Rogo គឺជាបក្សពួករបស់ក្រុម Al-Shabab ក៏ប៉ុន្តែពួកមូស្ល៊ីមជាច្រើននាក់បានច្រាល
ចោលរាល់ការចោទប្រកាន់ទាំងនោះ។ ដោយ៖ តុលា