ប្រទេសស៊ូដង់៖ ក្រុមការពារសិទ្ធមនុស្សបានអោយដឹងថា កងកំលាំងសន្តិសុខរបស់ស៊ូដង់បានបាញ់សំលាប់ក្រុមអ្នកតវ៉ាយ៉ាងហោចណាស់ ៥០នាក់។ សាក្សីម្នាក់បានប្រាប់សារព័ត៌មាន BBCថាកាលពីថ្ងៃសុក្រក្រុមកងកំលាំងសន្តិសុខស៊ូដង់បានបាញ់ឧស្ម័នបង្ហូរទឹកភ្នែកលើក្រុមអ្នកតវ៉ាទាំងអស់នោះក៏ប៉ុន្តែមន្រ្តីប៉ូលីសស៊ូដង់បាននិយាយថា ចំនួនអ្នកស្លាប់មានត្រឹមតែ ២៩នាក់ប៉ុណ្ណោះ។ ក្រុមអ្នកតវ៉ាទាំងនោះបានចោទប្រកាន់ថា រដ្ឋាភិបាលរបស់លោកប្រធានាធិបតី Omar al-Bashar គឺមានភាពពុករលួយហើយក្រុមអ្នកតវ៉ាទាំងនោះចង់អោយលោក Omar ចុះចេញពីតំណែង។
អង្គការការពារសន្តិសុខនិងយុត្តិធម៌របស់ប្រទេសអាព្រិចបានអោយដឹងថា ភាគច្រើននៃអ្នកស្លាប់គឺត្រូវគេបាញ់ចំក្បាល។ក្រុមការពារសិទ្ធមនុស្សបាននិយាយនៅក្នុងសេចក្តីថ្លែងការថា ជនរងគ្រោះ គឺមានអាយុ ចាប់ពី ១៩ទៅ ២៦ឆ្នាំ ហើយគាត់បានបន្ថែមទៀតថា ក្រុមអ្នកតវ៉ារាប់រយនាក់ទៀតត្រូវបានគេឃុំខ្លួន។ លោក LucyFreeman អនុនាយកដ្ឋានលើកលែងទោសអន្តរជាតិរបស់ប្រទេសអាព្រិច បានបញ្ជាអោយប្រទេសស៊ូដង់បញ្ចប់ការបាញ់ប្រហារលើក្រុមអ្នកតវ៉ាភ្លាមៗ។ លោក Mohammad ភ្នាក់ងារសារព័ត៌មានរបស់ BBC បានអោយដឹងថា មានមនុស្សប្រហែលជា ៥០០នាក់បានដើរនៅតាមដងវិថី Jabra ភាគខាងត្បូងនៃទីក្រុង Khartoum។ អ្នកសារព័ត៌មានបានបន្តទៀតថា មានកងកំលាំងប្រដាប់អាវុធជាច្រើននាក់បានដាក់ពង្រាយពាសពេញផ្លូវសំខាន់ៗដើម្បីទប់ទល់នឹងក្រុមអ្នកតវ៉ា។ ដោយ៖ តុលា