អ៊ីរ៉ាក់៖ មន្រ្តីប៉ូលីសបានអោយដឹងថា មនុស្សយ៉ាងហោចណាស់ ២៣នាក់បានស្លាប់ដោយការបន្ទុះគ្រាប់បែក
ក្នុងទីក្រុង Baghdad។ គ្រាប់បែកមួយបានផ្ទុះឡើងនៅក្នុងតំបន់ Shia Sabaa Al-Bour ភាគខាងជើងនៃទីក្រុង Baghdad បានសំលាប់មនុស្សយ៉ាងហោចណាស់ ១៦នាក់និងមនុស្សជាង ៤០នាក់ទៀតបានទទួលរងរបួស ជាទំងន់។
រីឯគ្រាប់បែកទី ២បានផ្ទុះឡើងនៅក្នុងស្រុក Sunni Dora ភាគខាងត្បូងនៃទីក្រុង Baghdad បានសំលាប់មនុស្ស ៧នាក់ថែមទៀត។ អង្គការសហប្រជាជាតិបានអោយដឹងថា រហូតមកដល់ឆ្នាំនេះមនុស្សជាង ៥០០០នាក់ បានស្លាប់នៅក្នុងប្រទេសអ៊ីរ៉ាក់។ កាលពីសប្តាហ៍មុនកងកំលាំងសន្តិសុខរបស់អ៊ីរ៉ាក់បានចាប់សមាជិក
Al-Gaeda រាបរយនាក់នៅក្នុងទីក្រុង Baghdad។ ដោយ៖ តុលា